୨୦୨୫-୨୭ ବିଶ୍ୱ ଟେଷ୍ଟ ଚାମ୍ପିଅନସିପ୍ ଚକ୍ରରେ ଟିମ୍ ଇଣ୍ଡିଆ ପଛରେ ପଡ଼ିଛି। ନ୍ୟୁଜିଲାଣ୍ଡ ନିକଟରେ ଦ୍ୱିତୀୟ ଟେଷ୍ଟ ମ୍ୟାଚ୍‌ରେ ୱେଷ୍ଟଇଣ୍ଡିଜ୍‌କୁ ପରାସ୍ତ କରିଛି। ଏହା ଫଳରେ ପଏଣ୍ଟ ଟେବୁଲ୍‌ରେ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଆସିଛି। ନ୍ୟୁଜିଲାଣ୍ଡ ଏବଂ ପାକିସ୍ତାନ ସମେତ କିଛି ଦଳ ଭାରତଠାରୁ ଉପରକୁ ଉଠିଛନ୍ତି। ଅଷ୍ଟ୍ରେଲିଆ WTC ପଏଣ୍ଟ ଟେବୁଲ୍‌ରେ ଏକ ନମ୍ବର ସ୍ଥାନରେ ରହିଛି, ସମସ୍ତ ମ୍ୟାଚ୍‌ ଜିତିଛି, ଯେତେବେଳେ ନ୍ୟୁଜିଲାଣ୍ଡ ତା’ର ସାମ୍ପ୍ରତିକ ବିଜୟ ସହିତ ତୃତୀୟ ସ୍ଥାନକୁ ଉଠିଛି। ଏହା ଯୋଗୁଁ ଟିମ୍ ଇଣ୍ଡିଆ ଏକ ଗୁରୁତ୍ୱପୂର୍ଣ୍ଣ କ୍ଷତି ସହି ଷଷ୍ଠ ସ୍ଥାନକୁ ଖସିଯାଇଛି।

WTC ୨୦୨୫-୨୭ ପଏଣ୍ଟ ଟେବୁଲ୍‌

ପଏଣ୍ଟ ଟେବୁଲର ପ୍ରଥମରେ ଅଷ୍ଟ୍ରେଲିଆ ଥିବାବେଳେ ଦ୍ବିତୀୟରେ ସାଉଥଆଫ୍ରିକା ରହିଛି। ତୃତୀୟରେ ନ୍ୟୁଜିଲାଣ୍ଡ ଥିବାବେଳେ ଚତୁର୍ଥରେ ଶ୍ରୀଲଙ୍କା ରହିଛି। ସେହିପରି ପଞ୍ଚମରେ ପାକିସ୍ତାନ ଥିବାବେଳେ ଷଷ୍ଠରେ ରହିଛି ଭାରତ। ସପ୍ତମରେ ଇଂଲଣ୍ଡ ଥିବାବେଳେ ଅଷ୍ଟମରେ ବାଂଲାଦେଶ ଏବଂ ପଏଣ୍ଟ ଟେବୁଲର ଶେଷରେ ଓ୍ବେଷ୍ଟଇଣ୍ଡିଜ ରହିଛି।



ଅଧିକ ପଢ଼ନ୍ତୁ: ଗୁଆହାଟି ଟେଷ୍ଟର ସରିଲା ତୃତୀୟ ଦିନ ଖେଳ; ଦକ୍ଷିଣ ଆଫ୍ରିକା ୩୧୪ ରନ୍‌ରେ ଆଗୁଆ

ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଟେଷ୍ଟ ସିରିଜ୍‌ର ଦ୍ଵିତୀୟ ତଥା ଅନ୍ତିମ ମ୍ୟାଚ୍ ଗୁଆହାଟିରେ ଖେଳା ଯାଉଛି । ଦ୍ଵିତୀୟ ଟେଷ୍ଟର ତୃତୀୟ ଦିନ ଖେଳ ସରିଛି । ଦକ୍ଷିଣ ଆଫ୍ରିକା ଦ୍ଵିତୀୟ ପାଳିରେ ବ୍ୟାଟିଂ କରୁଥିବା ବେଳେ କୌଣସି ୱିକେଟ୍ ନ ହରାଇ ୨୬ ରନ୍ କରିଛି ।

ଏଥିସହ ଭ୍ରମଣକାରୀ ଦଳ ଦକ୍ଷିଣ ଆଫ୍ରିକା ୩୧୪ ରନ୍‌ରେ ଆଗୁଆ ରହିଛି । ଯେତେବେଳେ କି ଭାରତ ଘରୋଇ ପିଚ୍‌ରେ ପ୍ରଥମ ପାଳିରେ ମାତ୍ର ୨୦୧ ରନ୍‌ କରିବାରେ ସକ୍ଷମ ହୋଇଛି । ପ୍ରଥମ ପାଳିରେ ୪୮୯ ରନ୍ ସ୍କୋର୍ କରିଥିବା ଦକ୍ଷିଣ ଆଫ୍ରିକା ୨୮୮ ରନ୍‌ରେ ଅଗ୍ରଣୀ ରହିଥିଲା।
ପ୍ରଥମ ପାଳିରେ ଭ୍ରମଣକାରୀ ଦକ୍ଷିଣ ଆଫ୍ରିକା ୪୮୯ ରନ୍‌ର ବଡ଼ ସ୍କୋର୍ କରିଥିଲା । ଋଷଭ ପନ୍ତଙ୍କ ନେତୃତ୍ଵାଧିନ ଭାରତ ଟେଷ୍ଟ ସିରିଜ୍‌ ଡ୍ର କରିବା ଲାଗି ମ୍ୟାଚ୍ ଜିତିବାକୁ ପଡ଼ିବ । ପ୍ରଥମ ଟେଷ୍ଟ କୋଲକାତାରେ ଖେଳା ଯାଇଥିଲା । ଯେଉଁ ମୁକାବିଲାକୁ ଦକ୍ଷିଣ ଆଫ୍ରିକା ୩୦ ରନ୍‌ରେ ଜିତି ନେଇଥିଲା । ଫଳରେ ୨ଟିକିଆ ଟେଷ୍ଟ ସିରିଜ୍‌ରେ ଭାରତ ୦-୧ରେ ପଛୁଆ ରହିଛି ।

ଭାରତର ବ୍ୟାଟିଂ ବିପର୍ଯ୍ୟୟ

ଗୁଆହାଟି ଟେଷ୍ଟର ପ୍ରଥମ ପାଳିରେ ଭାରତର ବ୍ୟାଟିଂ ସମ୍ପୂର୍ଣ୍ଣ ନୈରାଶ୍ୟଜନକ ରହିଛି । ମ୍ୟାଚ୍‌ର ଦ୍ଵିତୀୟ ଦିନରେ ଭାରତ ପ୍ରଥମ ପାଳି ବ୍ୟାଟିଂ ଆରମ୍ଭ କରିଥିଲା । ଦ୍ଵିତୀୟ ଦିନ ଷ୍ଟମ୍ପ ଅପସାରଣ ବେଳକୁ ଭାରତ ୬ ଓଭର ଖେଳି କୌଣସି ୱିକେଟ୍ ନ ହରାଇ ମାତ୍ର ୯ ରନ୍ କରିଥିଲା ।