ଆଧ୍ୟାତ୍ମିକତାର ଅନୁଭବ ପ୍ରତ୍ୟେକ ବ୍ୟକ୍ତି କରିଥାନ୍ତି । କିଛିଜଣ ବହୁତ ଜଲଦି ଆଧ୍ୟାତ୍ମିକତାକୁ ଅନୁଭବ କରିଥାନ୍ତି, ଆଉ କିଛିଜଣ ହୁଏତ ବିଳମ୍ବରେ । କିନ୍ତୁ ଆମର ଆତ୍ମା ପରମାତ୍ମାଙ୍କୁ ପାଇବାକୁ ସବୁବେଳେ ପ୍ରାର୍ଥନା କରୁଥାଏ। ଭଗବତ ପ୍ରାପ୍ତିର ମାର୍ଗ ସବୁବେଳେ ଖୋଜୁଥାଏ ।ତେବେ ଆଧ୍ୟାତ୍ମିକତାର ଅନୁଭବ ପ୍ରତ୍ୟେକ ବ୍ୟକ୍ତି କରିଥାନ୍ତି । ସେ ଧାର୍ମିକ ତଥା ଇଶ୍ବର ବିଶ୍ବାସୀ ହୋଇଥାନ୍ତୁ କି ନାସ୍ତିକ । ସମସ୍ତେ ଆଧ୍ୟାତ୍ମିକ ଜିନିଷକୁ ଅନୁଭବ କରିଥାନ୍ତି । ଏହାକୁ ବୈଜ୍ଞାନିକ ମାନେ ସନ୍ଧାନ ପରେ ନିଜ ମତ ଦେଇଛନ୍ତି । ୟେଲ ବିଶ୍ବବିଦ୍ୟାଳୟର କିଛି ବୈଜ୍ଞାନିକମାନେ ଏପରି ଏକ ପରୀକ୍ଷା କରିଛନ୍ତି ।

ମଣିଷର ମସ୍ତିଷ୍କକୁ ନେଇ ଏପରି ପରୀକ୍ଷା କରିଛନ୍ତି, ଯେଉଁଥିରୁ ଜଣାପଡିଛି, ମସ୍ତିଷ୍କର ଏକ ସ୍ଥାନ ଏପରି ଅଛି , ଯେଉଁଠି ଆଧ୍ୟାତ୍ମିକ ଅନୁଭବ ହେବାମାତ୍ରେ ସକ୍ରିୟ ହୋଇଉଠେ । ଅର୍ଥାତ ଏହି ସ୍ଥାନ ଆଲୋକିତ ହୋଇଉଠେ । ଏହାକୁ "ଗଡ୍ ସ୍ପଟ୍" ବା "ଆଧ୍ୟାତ୍ମିକ ପାର୍ଶ୍ବ" ବୋଲି କୁହାଯାଏ। ଏହି ସ୍ଥାନ ଦ୍ବାରା ମଣିଷର ଆଧ୍ୟାତ୍ମିକତାର ଏକ ଗଭୀର ପ୍ରଭାବ ପଡିଥାଏ । କିଛି ସମସ୍ୟାର ଉପାୟ ବାହାର କରିବା ପାଇଁ ଏହି ଆଧ୍ୟାତ୍ମିକ ସ୍ଥାନ ସାହାଯ୍ୟ କରିଥାଏ । ମୁଣ୍ଡର ଦକ୍ଷିଣ ପାର୍ଶ୍ବରେ କାନର ଉପରିଭାଗ ମସ୍ତିଷ୍କ ସ୍ଥାନରେ ରହିଥାଏ ଏହି ଗଡ୍ ସ୍ପଟ୍ । ତେବେ ବର୍ତ୍ତମାନ ବୈଜ୍ଞାନିକଙ୍କ ମତ ଅନୁଯାୟୀ କେବଳ ଏହି ସ୍ଥାନ ଯୋଗୁଁ ମଣିଷ ଆଧ୍ୟାତ୍ମିକ ହୋଇନଥାଏ । କାରଣ ମସ୍ତିଷ୍କରେ ଆଧ୍ୟାତ୍ମିକତାର ପ୍ରଭାବ ଚାରିଆଡେ ପଡିଥାଏ । କିନ୍ତୁ ଯେଉଁମାନେ ନାସ୍ତିକ ସେମାନଙ୍କ ମସ୍ତିଷ୍କର ଏହି ସ୍ଥାନ ମଧ୍ୟ ଆଲୋକିତ ହୋଇଉଠେ, କିନ୍ତୁ ଏହା ପଛର କାରଣ ଏବେଯାଏଁ ଗବେଷଣା କରାଯାଇ ପାରିନାହିଁ ।