AI ପିଉଛି ପାଣି...କଥାଟା ଆପଣଙ୍କୁ ଟିକେ ଆର୍ଶ୍ଚଯ୍ୟ ଲାଗିପାରେ କିନ୍ତୁ ଏଭଳି କିଛି ତଥ୍ୟ ବର୍ତ୍ତମାନ ସମୟରେ ସାମ୍ନାକୁ ଆସିଛି । ଆମେ ଯେଉଁ Artificial Intelligence ବା ChatGPT ଭଳି ସୁବିଧା ବ୍ୟବହାର କରୁଛୁ, ତାହା ପଛରେ ପାଣିର ଏକ ବିରାଟ ସମୁଦ୍ର ଶେଷ ହେଉଛି । AI କୌଣସି ଜୀବିତ ମଣିଷ ନୁହେଁ, କିନ୍ତୁ ଏହାକୁ ଚଲାଇବା ପାଇଁ ହଜାର ହଜାର ଶକ୍ତିଶାଳୀ କମ୍ପ୍ୟୁଟର ବା Data Centers ଦିନରାତି କାମ କରୁଛନ୍ତି ।

ଏହି ମେସିନ୍‌ଗୁଡ଼ିକ ଚାଲିବା ସମୟରେ ପ୍ରବଳ ଗରମ ହୋଇଥାନ୍ତି । ସେଗୁଡ଼ିକୁ ଥଣ୍ଡା ରଖିବା ପାଇଁ ଲକ୍ଷ ଲକ୍ଷ ଲିଟର ପାଣିର ବ୍ୟବହାର କରାଯାଉଛି । ଏହାକୁ Cooling System କୁହାଯାଏ ।

ଏକ ରିସର୍ଚ୍ଚ ଅନୁସାରେ, AI କୁ କୌଣସି ୨୦ଟି ଛୋଟ ପ୍ରଶ୍ନ ପଚାରିଲେ ସେହି ସମୟ ରେ AI ସିଷ୍ଟମ୍‌କୁ ଥଣ୍ଡା ରଖିବା ପାଇଁ ପ୍ରାୟ ଅଧ ଲିଟର ପାଣି ଖର୍ଚ୍ଚ ହୋଇଯାଏ । ଅର୍ଥତ ୨୦ଟି ଛୋଟ ପ୍ରଶ୍ନ ପାଇଁ AI ଅଧ ଲିଟର ପାଣି ପିଇଥାଏ । ମଣିଷ ପିଉଥିବା ବୋତଲ ପାଣି ଠାରୁ ଏହି ଖର୍ଚ୍ଚ ଢେର ଅଧିକ।

ଗୋଟିଏ ବଡ଼ AI ମଡେଲ୍‌କୁ ଟ୍ରେନିଂ ଦେବା ପାଇଁ ଯେତିକି ପାଣି ଲାଗେ, ସେଥିରେ ଏକ ବିରାଟ ଗାଁର ଲୋକମାନେ ମାସ ମାସ ଧରି ପାଣି ପିଇପାରିବେ । ଗୁଗଲ୍ ଏବଂ ମାଇକ୍ରୋସଫ୍ଟ ଭଳି କମ୍ପାନୀଗୁଡ଼ିକ କୋଟି କୋଟି ଲିଟର ପାଣି ଏହି କାମରେ ବ୍ୟବହାର କରୁଛନ୍ତି । ପୃଥିବୀରେ ପାନୀୟ ଜଳର ଅଭାବ ଦେଖାଦେଉଥିବା ବେଳେ AI ଟେକ୍ନୋଲୋଜି ପାଇଁ ଏତେ ପାଣି ଖର୍ଚ୍ଚ ହେବା ଏକ ବଡ଼ ଚିନ୍ତାର କାରଣ ପାଲଟିଛି ।

ବିଶ୍ୱରେ ପୂର୍ବରୁ ଜଳ ସଙ୍କଟ ଦେଖାଦେଉଛି । ଅନେକ ସହରରେ ଜଳ ଯୋଗାଣ ସୀମିତ, ଗାଁରେ ଭୂତଳ ଜଳ ସ୍ତର ହ୍ରାସ ପାଉଛି, ଏବଂ ଜଳବାୟୁ ପରିବର୍ତ୍ତନ ପରିସ୍ଥିତିକୁ ଆହୁରି ଖରାପ କରୁଛି । ଏହି ପରିପ୍ରେକ୍ଷୀରେ, AI ଏତେ ପରିମାଣରେ ଜଳ ବ୍ୟବହାର ଏକ ନୂଆ ଏବଂ ଗୁରୁତ୍ୱପୂର୍ଣ୍ଣ ପ୍ରଶ୍ନ ଉଠାଇଛି ।

ବିଶେଷଜ୍ଞମାନଙ୍କ କହିବା କଥା କି ଏହି ପ୍ରଯୁକ୍ତିର ମୂଲ୍ୟ ଭବିଷ୍ୟତ ପିଢ଼ିର ପାଣି ସହିତ ଦିଆଯାଉଛି । ବର୍ତ୍ତମାନ ସମୟରେ AI କୁ ବନ୍ଦ କରିବା ଅସମ୍ଭବ କିନ୍ତୁ ଏବେ ଏହା ସ୍ପଷ୍ଟ ଯେ ସ୍ମାର୍ଟ ଫିଚର୍ସ ଶୀଘ୍ର ପ୍ରତିକ୍ରିୟା ଦେଉଛି । ପ୍ରଶ୍ନ ହେଉଛି AI କେତେ ପାଣି ବ୍ୟବହାର କରୁଛି, ଏହା କେଉଁଠାରୁ ଆସୁଛି, ଏବଂ ଏହାର ଦାୟିତ୍ୱ କିଏ ନେବ । ଅନେକ AI କମ୍ପାନୀ ପାଣି ଏବଂ ବିଦ୍ୟୁତ୍ ବ୍ୟବହାର କମ୍ କରିବା ପାଇଁ ବିକଳ୍ପ ଉପରେ ମଧ୍ୟ କାମ କରୁଛନ୍ତି ।

ମଣିଷ ଅପେକ୍ଷା AI ଅଧିକ ପାଣି ପିଉଛି କି?
AI ଏପରି କିଛି ନୁହେଁ ଯାହା ପବନରୁ କାମ କରୁଛି । ଏହାର ପଛରେ ବହୁତ ଡାଟା ସେଣ୍ଟର ଅଛି - ଯେଉଁଠାରେ ହଜାର ହଜାର ସର୍ଭର ଦିନରାତି କାମ କରିଥାଏ । ଯେତେବେଳେ ଏହି ସର୍ଭରଗୁଡ଼ିକ କାର୍ଯ୍ୟ କରିଥାଏ, ସେଗୁଡ଼ିକ ଗରମ ହୋଇଯାଏ । ଏହି ଉତ୍ତାପକୁ ନିୟନ୍ତ୍ରଣ କରିବା ପାଇଁ ପାଣି ବ୍ୟବହାର କରାଯାଏ । ଏହି ପାଣି ହେଉଛି AI ପାଇଁ ପ୍ରକୃତ ଇନ୍ଧନ ପରି କାମ କରେ ଯାହା ସାଧାରଣ ବ୍ୟବହାରକାରୀଙ୍କୁ ଜଣାନଥାଏ ।

ଗବେଷଣାରୁ ଜଣାପଡିଛି ଯେ ୨୦୦୫ ସୁଦ୍ଧା, AI ସିଷ୍ଟମଗୁଡ଼ିକ ବାର୍ଷିକ ୩୦୦ ରୁ ୭୦୦ ବିଲିୟନ ଲିଟର ପାଣି ବ୍ୟବହାର କରିପାରିବ । ଏହି ପରିମାଣ ସାରା ବିଶ୍ୱରେ ବିକ୍ରି ହେଉଥିବା ମୋଟ ବୋତଲ ପାଣି ପରିମାଣଠୁ ଢେର ଗୁଣ ଅଧିକ ହେବ । ଏହାର ଅର୍ଥ ହେଉଛି ଯେ AI ମେସିନଗୁଡ଼ିକ ଲୋକମାନେ ଯେତିକି ପାଣି ବ୍ୟବହାର କରନ୍ତି ତା'ଠାରୁ ଅଧିକ ପାଣି ବ୍ୟବହାର କରୁଛି ।
ବିଦ୍ୟୁତ ସମସ୍ୟା

କେବଳ ପାଣି ବିଷୟରେ ଚିନ୍ତା ନୁହେଁ ବିଦ୍ୟୁତକୁ ନେଇ ମଧ୍ୟ ଅନେକ ସମସ୍ୟା ରହିଛି । ଏହି ଡାଟା ସେଣ୍ଟରଗୁଡ଼ିକୁ କାର୍ଯ୍ୟ କରିବା ପାଇଁ ବିପୁଳ ପରିମାଣର ବିଦ୍ୟୁତ୍ ଆବଶ୍ୟକ ମଧ୍ୟ ପଡ଼ିଥାଏ । ଏହା ଆକଳନ କରାଯାଇଛି ଯେ AI ର କାର୍ବନ ବ୍ୟବହାର ଶେଷରେ ଅନେକ ପ୍ରମୁଖ ସହରର ପ୍ରଦୂଷଣ ବଡ଼ କାରଣ ହୋଇପାରେ । ତଥାପି, ଏହା ଏପର୍ଯ୍ୟନ୍ତ ଖୋଲାଖୋଲି ଭାବରେ ଆଲୋଚନା ହୋଇନାହିଁ କାରଣ ଅଧିକାଂଶ ବଡ଼ ଟେକ୍ କମ୍ପାନୀଗୁଡ଼ିକ ସେମାନଙ୍କର ଡାଟା ସେଣ୍ଟରର ପ୍ରକୃତ ପାଣି ଏବଂ ବିଦ୍ୟୁତ୍ ବ୍ୟବହାରକୁ ସାର୍ବଜନୀନ ଭାବରେ ପ୍ରକାଶ କରି ନାହିଁନ୍ତି ।

ଆଶ୍ଚର୍ଯ୍ୟଜନକ କଥା ହେଉଛି AI ପ୍ରଶ୍ନ ଛୋଟ ମନେହୁଏ, କିନ୍ତୁ ଏହାର ପ୍ରଭାବ କେତେ ଯେ ଜଣାପଡ଼େ ନାହିଁ । ଯେତେବେଳେ ଲକ୍ଷ ଲକ୍ଷ ଲୋକ ପ୍ରତିଦିନ AI ବ୍ୟବହାର କରନ୍ତି, ଏହି କିଛି କିଛି ପାଣିର ବ୍ୟବହାର ପରବର୍ତ୍ତି ସମୟରେ କୋଟି କୋଟି ଲିଟରକୁ ବୃଦ୍ଧି ପାଉଛି । ଏହି କାରଣରୁ ବିଶେଷଜ୍ଞମାନେ ଏବେ ଚେତାବନୀ ଦେଉଛନ୍ତି ଯେ ଯଦି ଯୋଜନା ବିନା AIର ଏହି ଭଳି ବ୍ୟବହାର ଜାରି ରହିବ, ତେବେ ଜଳ ସଂଙ୍କଟ ଆହୁରି ବଢ଼ିବ ।

ଅଧିକ ପଢ଼ନ୍ତୁ ଟେକ୍ନୋଲୋଜି ଖବର...