ହିରୋ ମୋଟୋକର୍ପ ଭାରତୀୟ ବଜାରରେ ଏହାର ନୂଆ ସ୍କୁଟର Hero Destini 110 ଲଞ୍ଚ କରିଛି । ଏହା ଖାସ କରି ସୁଲଭ ମୂଲ୍ୟରେ ଆରାମ ଏବଂ ଭଲ ମାଇଲେଜ୍ ଚାହୁଁଥିବା ଲୋକଙ୍କ ପାଇଁ ଡିଜାଇନ୍ କରାଯାଇଛି । ତେବେ ଆସନ୍ତୁ ଏହି ସ୍କୁଟରର ମୂଲ୍ୟ, ଡିଜାଇନ୍, ସ୍ପେସିଫିକେସନ୍ ଏବଂ ଇଞ୍ଜିନ୍ ବିଷୟରେ ଜାଣିବା ।

Hero Destini 110 ଡିଜାଇନ୍ ଏବଂ କଲର୍:

ସ୍କୁଟର ଡିଜାଇନ୍ ଦୃଷ୍ଟିରୁ Hero Destini 110ର ଡିଜାଇନ୍ ଏକ ନିଓ-ରେଟ୍ରୋ ଥିମ୍ ଉପରେ ଆଧାରିତ । ଯାହା ଆଧୁନିକ ଏବଂ କ୍ଲାସିକ୍ ଷ୍ଟାଇଲିଂକୁ ଏକାଠି କରିଥାଏ । ଏହି ସ୍କୁଟରରେ ପ୍ରିମିୟମ୍ କ୍ରୋମ୍ ଆକ୍ସେଣ୍ଟ, ଏକ ପ୍ରୋଜେକ୍ଟର LED ହେଡଲ୍ୟାମ୍ପ ଏବଂ ଏକ H- ଆକୃତିର LED ଟେଲ୍ ଲ୍ୟାମ୍ପ ରହିଛି ।

ଯାହା ଏହି ସ୍କୁଟରକୁ ବେଶ ଆକର୍ଷଣୀୟ ଲୁକ୍ ପ୍ରଦାନ କରେ । ଏହି ସ୍କୁଟରରେ ତିନୋଟି ବଡ଼ ମେଟାଲ୍ ବଡି ପ୍ୟାନେଲ୍ ବ୍ୟବହାର କରାଯାଇଛି । Destini 110 ପାଇଁ କଲର୍ ଅପ୍ସନଗୁଡ଼ିକ ମଧ୍ୟରେ ଇଟର୍ନାଲ୍ ହ୍ୱାଇଟ୍, ମ୍ୟାଟ୍ ଷ୍ଟିଲ୍ ଗ୍ରେ, ନେକ୍ସସ୍ ବ୍ଲୁ, ଆକ୍ୱା ଗ୍ରେ ଏବଂ ଗ୍ରୁଭି ରେଡ୍ ସାମିଲ ରହିଛି ।

Hero Destini 110 ଦାମ୍:

ନୂଆ Hero Destini 110 ଦୁଇଟି ଭାରିଆଣ୍ଟରେ ଦିଆଯାଇଛି: ଏହାର ମେନ୍ VX ଭାରିଆଣ୍ଟର ମୂଲ୍ୟ ₹୭୨,୦୦୦ ଏକ୍ସ -ସୋରୁମ୍, ଯେତେବେଳେ କି ZX ଭାରିଆଣ୍ଟର ମୂଲ୍ୟ ₹୭୯,୦୦୦ ଏକ୍ସ-ସୋରୁମ୍ ରଖାଯାଇଛି ।

Hero Destini 110 ଫିଚର୍ସ:

ଫିଚର୍ସ ଦୃଷ୍ଟିରୁ Hero Destini 110 ଅନେକ ଆଧୁନିକ ଏବଂ ଉପଯୋଗୀ ଫିଚର୍ସ ପ୍ରଦାନ କରେ । Destini 110 ୧୨-ଇଞ୍ଚ ଆଲଏ ହ୍ୱିଲରେ ଚଲେ । ସ୍କୁଟରରେ ଏକ ଫ୍ରଣ୍ଟ ଗ୍ଲୋଭ୍ ବକ୍ସ, ଏକ ବୁଟ୍ ଲ୍ୟାମ୍ପ ଏବଂ ଏକ ଆନାଲଗ୍-ଡିଜିଟାଲ୍ ସ୍ପିଡୋମିଟର୍ ମଧ୍ୟ ରହିଛି । ହିରୋ ଡେଷ୍ଟିନିରେ ହିରୋ i3S ଭଳି ୧୧୦ cc, ସିଙ୍ଗଲ୍-ସିଲିଣ୍ଡର ଇଞ୍ଜିନ୍ ବ୍ୟବହାର କରାଯାଇଛି । ଏହି ଇଞ୍ଜିନ୍ ୭,୨୫୦ rpmରେ ୮ bhp ପାୱାର ଏବଂ ୫,୭୫୦ rpm ରେ ୮.୮୭ Nm ଟର୍କ ଜେନେରେଟ୍ କରେ । ଡେଷ୍ଟିନିରେ ୱାନ୍-ୱେ କ୍ଲଚ୍ ସିଷ୍ଟମ୍ ରହିଛି ।