ଅର୍ଗସ ବ୍ୟୁରୋ: ରିଲାଏନ୍ସ ଜିଓ ଏବଂ ଏୟାରଟେଲ୍, ଦେଶର ନମ୍ବର ଓ୍ବାନ ଏବଂ ନମ୍ବର ଟୁ' ଟେଲିକମ୍ କମ୍ପାନୀ। ଜିଓର ଉପଭୋକ୍ତା ସଂଖ୍ୟା ପ୍ରାୟ ୪୯ କୋଟି ଥିବା ବେଳେ ଏୟାରଟେଲର ଉପଭୋକ୍ତା ସଂଖ୍ୟା ପ୍ରାୟ ୩୮ କୋଟି। ଉଭୟ କମ୍ପାନୀ ସେମାନଙ୍କ ଗ୍ରାହକମାନଙ୍କୁ ଭଲ ଭଲ ରିଚାର୍ଜ ପ୍ଲାନ୍ ଦେଇଥାନ୍ତି । ଭାରତୀୟ ଟେଲିକମ୍ ନିୟାମକ ପ୍ରାଧିକରଣ (TRAI) ଗ୍ରାହକମାନଙ୍କ ପାଇଁ ଡାଟା ବିନା ଶସ୍ତା ପ୍ଲାନ୍ ଲଞ୍ଚ କରିବାକୁ ଟେଲିକମ୍ କମ୍ପାନୀଗୁଡ଼ିକୁ ପ୍ରତିଶୃତି ଦେଇଥିଲା। ଏହା ପରେ ବର୍ତ୍ତମାନ, ଜିଓ ଏବଂ ଏୟାରଟେଲ ଶସ୍ତା ଯୋଜନା ଲଞ୍ଚ କରିଛନ୍ତି।

ଯଦି ଆପଣ ଜିଓ କିମ୍ବା ଏୟାରଟେଲ୍ ସିମ୍ ବ୍ୟବହାର କରୁଛନ୍ତି, ତେବେ ଆପଣଙ୍କ ପାଇଁ ଏହା ଭଲ ଖବର । ଜିଓ ଏବଂ ଏୟାରଟେଲ୍, ଉପଭୋକ୍ତାଙ୍କ ଏକ ପ୍ରମୁଖ ସମସ୍ୟାର ସମାଧାନ କରିଛନ୍ତି। ଉଭୟ କମ୍ପାନୀ ସେମାନଙ୍କର କୋଟି କୋଟି ଗ୍ରାହକଙ୍କ ପାଇଁ ଡାଟା ବିନା ଦୁଇଟି ଶସ୍ତା ରିଚାର୍ଜ ପ୍ଲାନ୍ ଦେଇଛନ୍ତି।

ଜିଓର ୧୭୪୮ ଦିନିଆ ଯୋଜନା

TRAI ନିର୍ଦ୍ଦେଶ ପାଳନ କରି ରିଲାଏନ୍ସ ଜିଓ ତାର କୋଟି କୋଟି ଗ୍ରାହକଙ୍କ ପାଇଁ ଡାଟା ବିନା ଏକ ଶସ୍ତା ପ୍ଲାନ ଆରମ୍ଭ କରିଛି। ଜିଓ ତାଲିକାରେ ୧୭୪୮ ଟଙ୍କାର ଏକ ନୂଆ ରିଚାର୍ଜ ପ୍ଲାନ ଯୋଡ଼ିଛି। ଜିଓର ଏହି ରିଚାର୍ଜ ପ୍ଲାନ୍ ଗ୍ରାହକମାନଙ୍କୁ 336 ଦିନର ଲମ୍ବା ଅବଧି ଦେଉଛି। ଏହି ଯୋଜନାରେ ଆପଣ 336 ଦିନ ପାଇଁ ଯେକୌଣସି ନେଟୱାର୍କକୁ ଅସୀମିତ କଲ କରିପାରିବେ। ଏହି ଯୋଜନା ସହିତ, ଆପଣ ଏକାଥରକେ ପ୍ରାୟ 11 ମାସ ପାଇଁ ରିଚାର୍ଜ କରିବାରୁ ମୁକ୍ତ ପାଇପାରିବେ ।

ମାଗଣା କଲିଂ ସହିତ, ଆପଣଙ୍କୁ ଏହି ପ୍ଲାନରେ ମାଗଣା SMS ମଧ୍ୟ ଦିଆଯାଉଛି। ଆପଣ ଯେକକୌଣସି ନମ୍ବରକୁ ମୋଟ 3600 SMS ପଠାଇପାରିବେ। ଏହା ବ୍ୟତୀତ ଯୋଜନାରେ କିଛି ସୁବିଧା ମଧ୍ୟ ଉପଲବ୍ଧ ରହିଛି । ଆପଣ OTT ଷ୍ଟ୍ରିମିଂ ପାଇଁ Jio Cinemaର ମାଗଣା ସବସ୍କ୍ରିପସନ ମଧ୍ୟ ପାଇବେ। ଏହା ବ୍ୟତୀତ, ଜିଓ ଟିଭି ଏବଂ ଜିଓ କ୍ଲାଉଡର ମାଗଣା ଆକ୍ସେସ୍ ମଧ୍ୟ ଦିଆଯାଇଛି।

ଏୟାରଟେଲର ୧୮୪୯ ଟଙ୍କାର ପ୍ଲାନ୍

TRAI ନିର୍ଦ୍ଦେଶନୁସାରେ ଏୟାରଟେଲ ୧୮୪୯ ଟଙ୍କାରେ ଏକ ଶସ୍ତା ଡାଟା ବିନା ପ୍ଲାନ୍ ଲଞ୍ଚ କରିଛି। ଏହି ଯୋଜନାରେ ଗ୍ରାହକମାନେ 365 ଦିନର ଦୀର୍ଘ ବୈଧତା ପାଇବେ। ଏଥିରେ ସମସ୍ତ ସ୍ଥାନୀୟ ଏବଂ ଏସଟିଡି ନେଟୱାର୍କ ପାଇଁ ଅନଲିମିଟେଡ୍ କଲ ମଧ୍ୟ ଯୋଗାଇ ଦିଆଯାଇଛି। ଏୟାରଟେଲ୍ ଏହାର କୋଟି କୋଟି ଗ୍ରାହକଙ୍କୁ 3600 ମାଗଣା SMS ମଧ୍ୟ ପ୍ରଦାନ କରୁଛି। ଏହି ଯୋଜନାରେ ଆପଣଙ୍କୁ ମାଗଣା ହେଲୋ ଟ୍ୟୁନର ଅଫର ମଧ୍ୟ ମିଳିବ।