ଦୁନିଆର ସବୁଠାରୁ ବଡ଼ ଭିଡିଓ ପ୍ଲାଟଫର୍ମ YouTube ତା’ର ପ୍ରିମିୟମ୍ ସବସ୍କ୍ରିପସନ୍ ପ୍ଲାନର ମୂଲ୍ୟକୁ ବୃଦ୍ଧି କରିଛି । କମ୍ପାନୀ କୌଣସି ବଡ଼ ଘୋଷଣା ବିନା ମୂଲ୍ୟ ବୃଦ୍ଧି ଘୋଷଣା କରିଛି । ଏହା ସହିତ ୟୁଜର୍ସ ଇମେଲ୍ ମାଧ୍ୟମରେ ଏହି ସମ୍ପର୍କରେ ସୂଚନା ପାଇଛନ୍ତି । ଏହି ଖବର ମିଳିବା ପରେ ଭବିଷ୍ୟତରେ ଅଧିକ ପଇସା ଦେବାକୁ ପଡିପାରେ ବୋଲି ଭାରତୀୟ ୟୁଜର୍ସଙ୍କ ମନରେ ପ୍ରଶ୍ନବାଚୀ ସୃଷ୍ଟି କରିଛି ।

ଆପଣଙ୍କୁ ଜଣାଇ ରଖୁଛୁ ଯେ, ଆମେରିକାରେ YouTube Premium ତା’ର ସମସ୍ତ ପ୍ଲାନର ମୂଲ୍ୟ ବୃଦ୍ଧି କରିଛି । ଇଣ୍ଡିଭିଜୁଆଲ୍ ପ୍ଲାନର ମୂଲ୍ୟକୁ ପ୍ରତି ମାସରେ ୧୩.୯୯ ଡଲାରରୁ ୧୫.୯୯ ଡଲାରକୁ ବୃଦ୍ଧି କରିଛି । ଏହି ଫ୍ୟାମିଲି ପ୍ଲାନ୍ ଏବେ ୨୬.୯୯ ଡଲାର ହୋଇ ଯାଇଛି । ଏହା ବ୍ୟତୀତ Student ଏବଂ Lite ପ୍ଲାନରେ ମଧ୍ୟ ୧ ଡଲାର ବୃଦ୍ଧି ପାଇଛି ।

ଆନୁଆଲ୍ ପ୍ଲାନଗୁଡିକ ମଧ୍ୟ ମହଙ୍ଗା ହୋଇଯାଇଛି । ଖାସ୍ କଥା ହେଉଛି ଯେ Apple ଡିଭାଇସ୍ ମାଧ୍ୟମରେ ସବସ୍କ୍ରିପସନ୍ କରୁଥିବା ୟୁଜର୍ସ ଏହି ପ୍ଲାଟଫର୍ମର ଫିସ୍ ଯୋଗୁଁ ଅଧିକ ଦେୟ ଦେଉଛନ୍ତି । ଜୁଲାଇ ୨୦୨୩ ପରେ ଏହା ଦ୍ୱିତୀୟ ପ୍ରମୁଖ ମୂଲ୍ୟ ବୃଦ୍ଧି ବୋଲି ବିଶ୍ୱାସ କରାଯାଉଛି ।

ଯଦି ଭାରତର YouTube Premium କଥା କୁହାଯାଏ ତେବେ ଏହାର ମୂଲ୍ୟ ଅପରିବର୍ତ୍ତିତ ରହିଛି । ପ୍ରତି ମାସର ଇଣ୍ଡିଭିଜୁଆଲ୍ ପ୍ଲାନ୍ ୧୨୯ ଟଙ୍କା ଥିବାବେଳେ ଫ୍ୟାମିଲି ପ୍ଲାନ୍ ପ୍ରତି ମାସରେ ୧୮୯ ଟଙ୍କା ଏବଂ Student ପ୍ଲାନ୍ ପାଇଁ ୭୯ ଟଙ୍କାରେ ଉପଲବ୍ଧ । YouTube Premium ପାଇଁ ଭାରତ ସବୁଠାରୁ ସୁଲଭ ବଜାର ମଧ୍ୟରୁ ଗୋଟିଏ । ବିଭିନ୍ନ ଦେଶରେ YouTube Premiumର ଧୀରେ ଧୀରେ ମୂଲ୍ୟ ପରିବର୍ତ୍ତନ କରିଛି । ହେଲେ ଭବିଷ୍ୟତରେ ଭାରତରେ ମୂଲ୍ୟ ବୃଦ୍ଧି ହେବାର ସମ୍ଭାବନା ରହିଛି ।

ଦେଖନ୍ତୁ ଏଠାରେ: YouTube Premium: ୟୁଜର୍ସଙ୍କୁ ଝଟ୍‌କା, ବଢିଲା ୟୁଟ୍ୟୁବ ପ୍ରିମିୟମ ପ୍ଲାନର ମୂଲ୍ୟ !!