ଯଦି ଆପଣ ଏହି ସପ୍ତାହରେ ବ୍ୟାଙ୍କକୁ ଯାଇ ଚେକ୍ ଜମା କରିବା, ଟଙ୍କା ଉଠାଇବା କିମ୍ବା ପାସ୍‌ବୁକ୍ ଅପଡେଟ୍ କରିବାକୁ ଯୋଜନା କରୁଛନ୍ତି, ତେବେ ପ୍ରଥମେ ବ୍ୟାଙ୍କ ଛୁଟି ତାଲିକା ଦେଖି ନିଅନ୍ତୁ । ନଚେତ୍ ବ୍ୟାଙ୍କକୁ ଯାଇ ଆପଣଙ୍କୁ ନିରାଶ ହୋଇ ଫେରିବାକୁ ପଡ଼ିପାରେ ।

ନଭେମ୍ବର ମାସ ଆରମ୍ଭ ହେବା ସହିତ ପର୍ବପର୍ବାଣୀର ଋତୁ ମଧ୍ୟ ଜୋରଦାର ହୋଇଛି । ଦୀପାବଳି, ଭାଇ ଦୁଜ୍, ଛଟ୍ ପୂଜା ଏବଂ ଗୁରୁ ନାନକ ଜୟନ୍ତୀ ଭଳି ପର୍ବ ପାଇଁ ଦେଶର ବିଭିନ୍ନ ରାଜ୍ୟରେ ଏହି ମାସରେ ଅନେକ ଦିନ ବ୍ୟାଙ୍କ ବନ୍ଦ ରହିବ । ତେବେ ଜାଣନ୍ତୁ, ୨ରୁ ୮ ନଭେମ୍ବର ଏହି ସପ୍ତାହରେ ଏବଂ ପୂରା ମାସରେ କେଉଁ କେଉଁ ଦିନ ବ୍ୟାଙ୍କ ବନ୍ଦ ରହିବ ।

ଏଥି ସହ ପଢନ୍ତୁ:   ଆସନ୍ତା ୪ ଦିନ ବ୍ୟାଙ୍କ ବନ୍ଦ ରହିବ: ଜାଣନ୍ତୁ ପୁରା ଅପଡେଟ୍‌...

ଏହି ସପ୍ତାହରେ କେବେ ବନ୍ଦ ରହିବ ବ୍ୟାଙ୍କ ?
ଯଦି ଆପଣଙ୍କର ଏହି ସପ୍ତାହରେ ବ୍ୟାଙ୍କ ସମ୍ବନ୍ଧୀୟ କୌଣସି ଜରୁରୀ କାମ ରହିଛି, ତେବେ ଚିନ୍ତା କରିବାର ଆବଶ୍ୟକତା ନାହିଁ । ଅଧିକାଂଶ ରାଜ୍ୟରେ ଏହି ସପ୍ତାହରେ ବ୍ୟାଙ୍କ ସାଧାରଣ ଭାବେ ଖୋଲା ରହିବ ।
- ୨ ନଭେମ୍ବର (ସୋମବାର): କେବଳ ମେଘାଳୟର ଶିଲଂରେ ନୋଙ୍ଗକ୍ରେମ୍ ଡ୍ୟାନ୍ସ ଅବସରରେ ବ୍ୟାଙ୍କ ବନ୍ଦ ରହିବ। ଦେଶର ଅନ୍ୟ ସ୍ଥାନରେ ବ୍ୟାଙ୍କ ଖୋଲା ରହିବ ।
- ୩ ରୁ ୭ ନଭେମ୍ବର (ମଙ୍ଗଳବାରରୁ ଶନିବାର): ଏହି ପାଞ୍ଚ ଦିନ ମଧ୍ୟରେ ଦେଶରେ କୌଣସି ବଡ଼ ଆଞ୍ଚଳିକ ଛୁଟି ନାହିଁ । ତେଣୁ ବ୍ୟାଙ୍କ ନିଜର ନିର୍ଦ୍ଧାରିତ ସମୟ ଅନୁସାରେ ଖୋଲା ରହିବ ।
- ୮ ନଭେମ୍ବର (ରବିବାର): ସାପ୍ତାହିକ ଛୁଟି ଯୋଗୁଁ SBI, HDFC, ICICI, PNB ସମେତ ସମସ୍ତ ସରକାରୀ ଓ ଘରୋଇ ବ୍ୟାଙ୍କ ବନ୍ଦ ରହିବ ।
ନଭେମ୍ବର ୨୦୨୬ରେ ବ୍ୟାଙ୍କ ଛୁଟିର ପୂରା ତାଲିକା
ପର୍ବପର୍ବାଣୀ ଏବଂ ସାପ୍ତାହିକ ଛୁଟି କାରଣରୁ ନଭେମ୍ବର ମାସର ଅବଶିଷ୍ଟ ଦିନଗୁଡ଼ିକରେ ବ୍ୟାଙ୍କ ଛୁଟି ତାଲିକା ଏହିପରି ରହିଛି ।
- ୯ ନଭେମ୍ବର: ଦୀପାବଳି / ଗୋବର୍ଦ୍ଧନ ପୂଜା – ଅଗରତାଲା, ଭୋପାଳ, ଚଣ୍ଡିଗଡ଼, ଜୟପୁର, କାନପୁର, ଲକ୍ଷ୍ନୌ ଆଦି ସହର ।
- ୧୦ ନଭେମ୍ବର: ଲକ୍ଷ୍ମୀ ପୂଜା / ଦୀପାବଳି ଉତ୍ସବ – ଅହମ୍ମଦାବାଦ, ମୁମ୍ବାଇ, ନାଗପୁର, ବେଙ୍ଗାଲୁରୁ, ଡେରାଡୁନ୍ ଆଦି ସହର।
- ୧୧ ନଭେମ୍ବର: ଭାଇ ଦୁଜ୍ / ଚିତ୍ରଗୁପ୍ତ ଜୟନ୍ତୀ – କାନପୁର, କୋଲକାତା, ଲକ୍ଷ୍ନୌ, ଶିମଲା, ଇମ୍ଫାଲ୍ ଆଦି ସହର ।
- ୧୩ ନଭେମ୍ବର: ୱାଙ୍ଗଲା ଉତ୍ସବ – କେବଳ ଶିଲଂ ।
- ୧୪ ନଭେମ୍ବର: ଦ୍ୱିତୀୟ ଶନିବାର – ସାରା ଦେଶରେ ବ୍ୟାଙ୍କ ବନ୍ଦ ।
- ୧୫ ନଭେମ୍ବର: ରବିବାର – ସାରା ଦେଶରେ ବ୍ୟାଙ୍କ ବନ୍ଦ ।
- ୧୬ ନଭେମ୍ବର: ଛଟ୍ ପୂଜା – ପାଟନା ଏବଂ ରାଞ୍ଚି ।
- ୨୦ ନଭେମ୍ବର: ଇଗାସ୍-ବଗ୍ୱାଲ୍ – ଡେରାଡୁନ୍ ।
- ୨୨ ନଭେମ୍ବର: ରବିବାର – ସାରା ଦେଶରେ ବ୍ୟାଙ୍କ ବନ୍ଦ ।
- ୨୩ ନଭେମ୍ବର: ସେଙ୍ଗ କୁଟ୍ ସ୍ନେମ୍ – ଶିଲଂ ।
- ୨୪ ନଭେମ୍ବର: ଗୁରୁ ନାନକ ଜୟନ୍ତୀ / କାର୍ତ୍ତିକ ପୂର୍ଣ୍ଣିମା – ଦିଲ୍ଲୀ, ମୁମ୍ବାଇ, କୋଲକାତା, କାନପୁର, ଭୋପାଳ ଆଦି ସହର।
- ୨୭ ନଭେମ୍ବର: କନକଦାସ ଜୟନ୍ତୀ – କେବଳ ବେଙ୍ଗାଲୁରୁ ।
- ୨୮ ନଭେମ୍ବର: ଚତୁର୍ଥ ଶନିବାର – ସାରା ଦେଶରେ ବ୍ୟାଙ୍କ ବନ୍ଦ।
- ୨୯ ନଭେମ୍ବର: ରବିବାର – ସାରା ଦେଶରେ ବ୍ୟାଙ୍କ ବନ୍ଦ ।

ବ୍ୟାଙ୍କ ବନ୍ଦ ଥିଲେ ମଧ୍ୟ ଚାଲୁ ରହିବ ଏହି ସବୁ ସେବା
ବ୍ୟାଙ୍କ ଶାଖା ବନ୍ଦ ଥିଲେ ମଧ୍ୟ ଗ୍ରାହକମାନଙ୍କୁ ଚିନ୍ତା କରିବାର ଆବଶ୍ୟକତା ନାହିଁ । ଡିଜିଟାଲ୍ ବ୍ୟାଙ୍କିଂ ଯୋଗୁଁ ଅନେକ ଜରୁରୀ କାମ ଘରେ ବସି କରିହେବ ।
- Google Pay, PhonePe ଏବଂ Paytm ମାଧ୍ୟମରେ ୨୪ ଘଣ୍ଟା ଟଙ୍କା ଟ୍ରାନ୍ସଫର୍ କରିହେବ ।
- ମୋବାଇଲ୍ ବ୍ୟାଙ୍କିଂ ଏବଂ ଇଣ୍ଟରନେଟ୍ ବ୍ୟାଙ୍କିଂ ସେବା ଉପଲବ୍ଧ ରହିବ ।
- ATM ମାଧ୍ୟମରେ ଟଙ୍କା ଉଠାଇବାର ସୁବିଧା ମିଳିବ। କ୍ୟାଶ୍ ଡିପୋଜିଟ୍ ମେସିନ୍ ଥିଲେ ସେଥିରେ ମଧ୍ୟ ଟଙ୍କା ଜମା କରିହେବ ।
- ଅନଲାଇନ୍ ମାଧ୍ୟମରେ ଟଙ୍କା ପଠାଇବା ସୁବିଧା ଛୁଟି ଦିନରେ ମଧ୍ୟ ଜାରି ରହିବ ।

ତେଣୁ ନଭେମ୍ବର ମାସରେ ବ୍ୟାଙ୍କ ଶାଖାକୁ ଯିବା ପୂର୍ବରୁ ନିଜ ସହରର ଛୁଟି ତାଲିକା ନିଶ୍ଚିତ ଯାଞ୍ଚ କରନ୍ତୁ । ଏହାଦ୍ୱାରା ଆପଣଙ୍କର ଅଯଥା ସମୟ ନଷ୍ଟ ହେବ ନାହିଁ ଏବଂ ଡିଜିଟାଲ୍ ବ୍ୟାଙ୍କିଂର ସହାୟତାରେ ଅନେକ କାମ ଘରେ ବସି ହୋଇପାରିବ । ବ୍ୟାଙ୍କ ଛୁଟି ରାଜ୍ୟ ଓ ସହର ଅନୁସାରେ ଭିନ୍ନ ହୋଇପାରେ । ଯିବା ପୂର୍ବରୁ ନିଜ ବ୍ୟାଙ୍କର ଅଧିକାରିକ ଛୁଟି ତାଲିକା ଯାଞ୍ଚ କରନ୍ତୁ ।