ବିଶ୍ୱାସ କରି ନହେଲେ ବି ଏ କଥାଟି କିନ୍ତୁ ସତ। ଚାଲନ୍ତୁ ବୁଲି ଯିବା ବିହାର ରାଜ୍ୟର ଏକ ପ୍ରତିଷ୍ଠିତ ଗାଁକୁ । ମୁଜାଫରପୂର୍ ଜିଲ୍ଲାର ଛପରା ଗାଁ।

ପ୍ରାୟ ସମସ୍ତେ ବାଦୁଡ଼ିକୁ ଅଶୁଭ ବୋଲି ମାନି ଥାଆନ୍ତି କିନ୍ତୁ ଏହି ଗାଁର ଲୋକମାନେ ବାଦୁଡିକୁ ପୂଜା କରିଥାନ୍ତି । ଗ୍ରାମବାସୀମାନଙ୍କ ବିଶ୍ୱାସ ବାଦୁଡି ମାନେ ହେଉଛନ୍ତି ଜନ ଧନ ବୃଦ୍ଧି ଓ ଭଲ ସ୍ୱାସ୍ଥ୍ୟର ପ୍ରତୀକ ।

ସେମାନଙ୍କ ଅନୁସାରେ ଏହି ଗାଁ ଟି ପ୍ରାୟ ୬୦୦ ବର୍ଷ ତଳେ ମେଘ ରାୟ ନାମକ ଜଣେ ବ୍ୟକ୍ତିଙ୍କ ଦ୍ଵାରା ସ୍ଥାପନ କରାଯାଇଥିଲା । ସେଠାରେ ବସବାସ କରିବାପରେ ତାଙ୍କର ପରିବାରର ଉନ୍ନତି ହୋଇଥିଲା । ସେ ଚାରୋଟି ପୁତ୍ର ସନ୍ତାନ ଲାଭ କରିବା ସହିତ ଧନ ଧାନ୍ୟ ରେ ତାଙ୍କ ଘରଟି ପୁରି ଉଠି ଥିଲା । କୌଣସି ପ୍ରକାର ରୋଗ ତାଙ୍କୁ ଛୁଇଁ ପାରିନଥିଲା । ସେବେଠାରୁ ଗାଁ ର ଗୋଟିଏ ବଡ଼ ଗଛରେ ବାଦୁଡ଼ିମାନେ ରହିବାକୁ ଲାଗିଲେ ।ଗ୍ରାମବାସୀମାନେ ବଡ଼ ଖୁସିରେ ସମୟ ଅତିବାହିତ କରୁଥିଲେ ।

କିନ୍ତୁ ପ୍ରାୟ ୨୫୦ ବର୍ଷ ପୂର୍ବେ ଜଣେ ବାଦୁଡ଼ିମାନଙ୍କୁ ଅନ୍ୟ ଏକ ଗାଁକୁ ଘଉଡାଇ ନେଇଗଲେ । ବାଦୁଡିମାନେ ଛପର। ଗାଁ ଛାଡ଼ିବା ପରେ ସେ ଗାଁକୁ ବିଭିନ୍ନ ପ୍ରକାରର ବିପତ୍ତି ମାଡ଼ି ଆସିଲା । ଗ୍ରାମବାସୀ ଏକ ପଣ୍ଡିତ ପାଖକୁ ଗଲେ ଏବଂ ତାଙ୍କ କହିବା ଅନୁସାରେ ପୂଜାପାଠର ବ୍ୟବସ୍ଥା କରାଗଲା । ସମସ୍ତେ ବାଦୁଡିମାନଙ୍କୁ ପ୍ରାର୍ଥନା କଲେ ସେମାନଙ୍କ ଗାଁକୁ ଫେରିଯିବା ପାଇଁ ।ଆଶ୍ଚର୍ଯ୍ୟର କଥା ବାଡୁଡ଼ିମାନେ ମଧ୍ୟ ଛପର। ଗାଁକୁ ଫେରିଗଲେ । ସେଇ ଗଛରେ ସେମାନଙ୍କ ସଂଖ୍ୟା ପ୍ରାୟ ପଚାଶ ହଜାରରୁ ଉର୍ଦ୍ଧ୍ଵ । ତାପରେ ଧୀରେ ଧୀରେ ଗ୍ରାମବାସୀମାନଙ୍କ ଅବସ୍ଥା ସୁଧୁରିବାରେ ଲାଗିଲା ଓ ସମସ୍ତେ ହସଖୁସିରେ ସମୟ ବିତାଇବାକୁ ଲାଗିଲେ ।

ଗ୍ରାମବାସୀମାନେ ବାଡୁଡ଼ି ମାନଙ୍କୁ ଦେବତାଙ୍କ ମାନ୍ୟତା ଦେଇଛନ୍ତି ଓ ସେମାନଙ୍କର ପୂଜା ଅର୍ଚ୍ଚନା ମଧ୍ୟ କରୁଛନ୍ତି । ବାଦୁଡିମାନଙ୍କ ସୁରକ୍ଷା ପାଇଁ ଏକ ଗ୍ରାମ୍ୟ କମିଟି ଗଠନ କରାଯାଇଛି ।ଯିଏ ବି ବାଡୁଡ଼ିମାନଙ୍କୁ ହଇରାଣ କରିବ ବିହିତ ଦଣ୍ଡର ମଧ୍ୟ ବ୍ୟବସ୍ଥା କରାଯାଇଛି ।ଆର୍ଥିକ ଦଣ୍ଡର ବ୍ୟବସ୍ଥା ମଧ୍ୟ ଅଛି । ଏହାକୁ ଦେଖିବା ପାଇଁ ଦେଶର ବିଭିନ୍ନ ପ୍ରାନ୍ତରୁ ପର୍ଯ୍ୟଟକଙ୍କ ସଂଖ୍ୟା ବଢ଼ିବାରେ ଲାଗିଛି ।

Argus News | argus news | Odisha Latest News, Breaking News, Trending News, Live TV