ପର୍ଯ୍ୟଟନ ହବ୍ ହେବ ଓଡିଶା । ପର୍ଯ୍ୟଟନ କ୍ଷେତ୍ରରେ ସଂସ୍କାର ପାଇଁ ରାଜ୍ୟ ସରକାର ସରକାରଙ୍କ ପକ୍ଷରୁ ନିଆଯାଇଛି ପଦକ୍ଷେପ । ଓଡିଶାର ବିଭିନ୍ନ ପର୍ଯ୍ୟଟନ ସ୍ଥଳରେ ଖୋଲିବ ବହୁ ସଂଖ୍ୟାରେ ହୋଟେଲ ଓ ରିସୋର୍ଟ । ପରୋକ୍ଷ ଓ ପ୍ରତ୍ୟକ୍ଷ ଭାବେ ସୃଷ୍ଟି ହେବ ଲକ୍ଷାଧିକ ନିଯୁକ୍ତି ସୁଯୋଗ । ଥ୍ରୀ ଷ୍ଟାର ଓ ତଦୁର୍ଦ୍ଧ ହୋଟେଲ, ରିସୋର୍ଟ ପାଇଁ ସର୍ବନିମ୍ନ ନିବେଶ ସୀମା ୫୦ଟି ରୁମରୁ ୧୦ଟି ରୁମକୁ ହ୍ରାସ କରିଛନ୍ତି ସରକାର । ୧୦ଟି ରୁମରେ ହୋଟେଲ କଲେ ବି ସରକାର ଦେବେ ପୁଞ୍ଜିନିବେଶ ସବସିଡି । ୨୦୨୨ ପର୍ଯ୍ୟଟନ ନୀତିରେ ଷ୍ଟାର ହୋଟେଲ ପାଇଁ ନିବେଶ ସୀମା ଥିଲା ୫୦ ରୁମ୍ । ଏହାସହ ହୋଟେଲରେ ସଂପ୍ରସାରଣ ଯୋଗ୍ୟତା ସୀମା ହ୍ରାସ କରାଯାଇଛି । ହୋଟେଲକୁ ଅତିକମରେ ୨୫ ପ୍ରତିଶତ ସଂପ୍ରସାରଣ କଲେ ବି ମିଳିବ ସରକାରୀ ସବସିଡି ।

ଅନ୍ୟପଟେ ନିବେଶକଙ୍କ ସୁବିଧା ପାଇଁ ଦୁଇଟି ସ୍ଲାବରେ ଦିଆଯିବ ପୁଞ୍ଜିନିବେଶ ସବସିଡି । ପର୍ଯ୍ୟଟନ ପ୍ରକଳ୍ପ ଗୁଡ଼ିକରେ ନିବେଶ କଲେ ୩୦ ପ୍ରତିଶତ ପର୍ଯ୍ୟନ୍ତ ସବସିଡି ମିଳିବ । ୨୦୦ କୋଟି ଟଙ୍କା ପର୍ଯ୍ୟନ୍ତ ନିବେଶ ପାଇଁ ୫୦ କୋଟି ଓ ୨୦୦ କୋଟି ଟଙ୍କାରୁ ଅଧିକ ନିବେଶ ପାଇଁ ୧୦୦ କୋଟି ପର୍ଯ୍ୟନ୍ତ ସର୍ବାଧିକ ସବସିଡି ଦେୟ ସୀମା ଧାର୍ଯ୍ୟ କରାଯାଇଛି । "ପର୍ଯ୍ୟଟନ ମନ୍ତ୍ରୀଙ୍କ ଅଧ୍ୟକ୍ଷତାରେ ଗଠନ ହେବ ରାଜ୍ୟ ପର୍ଯ୍ୟଟନ ପରାମର୍ଶଦାତା ପରିଷଦ" ବୋଲି କହିଛନ୍ତି ମୁଖ୍ୟ ଶାସନ ସଚିବ ଅନୁ ଗର୍ଗ

ଓଡ଼ିଶାରେ ସ୍ପେଶାଲ ପର୍ଯ୍ୟଟନ ଜୋନ ମଧ୍ୟ ବଢାଇଛନ୍ତି ସରକାର । ପୂର୍ବରୁ ଚିଲିକା, କେବିକେ, କନ୍ଧମାଳ ଓ ଗଜପତିକୁ ନେଇ ପର୍ଯ୍ୟଟନ ଜୋନ କରାଯାଇଥିଲା । ତେବେ ସଂଶୋଧିତ ନୀତିରେ ହୀରାକୁଦ, ସାତକୋଶିଆ, ଶିମିଳିପାଳ, ନୃସିଂହନାଥ ଓ ହରିଶଙ୍କର, ରତ୍ନଗିରି-ଉଦୟଗିରି-ଲଳିତଗିରି ଓ ଭିତରକନିକାକୁ ସ୍ପେଶାଲ ଜୋନ୍ ମାନ୍ୟତା ମିଳିଛି । ଏହି ପର୍ଯ୍ୟଟନ ପ୍ରକଳ୍ପ ଗୁଡ଼ିକ ସମେତ ମହିଳା, ଅନୁସୂଚିତ ଜାତି, ଜନଜାତି ଓ ଭିନ୍ନକ୍ଷମ ଉଦ୍ୟୋଗୀଙ୍କ ଦ୍ଵାରା ପ୍ରୋତ୍ସାହିତ ପ୍ରକଳ୍ପ ଗୁଡ଼ିକୁ ବି ୪୦% ହାରରେ ବର୍ଦ୍ଧିତ ପୁଞ୍ଜିନିବେଶ ସବସିଡି ଦେବେ ସରକାର । ଏଥିରେ ୨୦୦ କୋଟି ଟଙ୍କା ପର୍ଯ୍ୟନ୍ତ ନିବେଶ ସହିତ ପ୍ରକଳ୍ପ ପାଇଁ ୬୦ କୋଟି ଓ ୨୦୦ କୋଟି ଟଙ୍କାରୁ ଅଧିକ ନିବେଶ ସହ ପ୍ରକ‌ଳ୍ପ ପାଇଁ ୧୨୦ କୋଟି ଟଙ୍କା ପର୍ଯ୍ୟନ୍ତ ସର୍ବାଧିକ ସବସିଡି ମିଳିବ କହିଛନ୍ତି , ହୋଟେଲିୟର ଯୁଗବ୍ରତ କର

ସେହିଭଳି ସଂଗ୍ରହାଳୟ ଓ ଐତିହ୍ୟ ସମ୍ପର୍କିତ ପର୍ଯ୍ୟଟନ କ୍ଷେତ୍ର ପାଇଁ ୪୦% ପର୍ଯ୍ୟନ୍ତ ପୁଞ୍ଜିନିବେଶ ସହାୟତା ଦେବେ ସରକାର । ଏହାସହ ପାୱାର ବୋଟ୍, କାରାଭାନ, ଆର୍ଟ ଓ ହ୍ୟାଣ୍ଡିକ୍ରାଫ୍ଟ ଆଧାରିତ କମ୍ପ୍ଲେକ୍ସ ପାଇଁ ମିଳିବ ୫୦% ପର୍ଯ୍ୟନ୍ତ ସବସିଡି । ଏହାଛଡ଼ା ପର୍ଯ୍ୟଟନ ବିଭାଗ ଦ୍ଵାରା ଅଧିସୂଚିତ ପର୍ଯ୍ୟଟନସ୍ଥଳି।

ରାଜ୍ୟ ଭିତରେ ଓ ବାହାରେ ପାଞ୍ଚଟି ମେଟ୍ରୋ ସହର ଯଥା ମୁମ୍ବାଇ, ଦିଲ୍ଲୀ, ବେଙ୍ଗାଲୁରୁ, ଚେନ୍ନାଇ ଓ କୋଲକାତା, ପାଞ୍ଚଟି ପ୍ରମୁଖ ପର୍ଯ୍ୟଟନ ସ୍ଥଳୀ ଆଗ୍ରା, ବାରାଣସୀ, ଗୋଆ, କୋଚି ଓ ଜୟପୁରରେ ଓଡ଼ିଆ ଖାଦ୍ୟର ପ୍ରୋତ୍ସାହନ ପାଇଁ ସରକାର ଦେବେ ପୁଞ୍ଜିନିବେଶ ସହାୟତା । ପର୍ଯ୍ୟଟନ କ୍ଷେତ୍ରରେ ସର୍ଭିସ ପ୍ରୋଭାଇଡର ସଂସ୍ଥା ଓ ହୋମଷ୍ଟେ ମାଲିକଙ୍କୁ ମଧ୍ୟ ମିଳିବ ସରକାରୀ ପ୍ରୋତ୍ସାହନ । ଯାହାଦ୍ଵାରା ଜାତୀୟ ଓ ଆନ୍ତର୍ଜାତୀୟ ପର୍ଯ୍ୟଟନ ବଜାରରେ ଓଡ଼ିଶାର ସ୍ଵତନ୍ତ୍ର ପରିଚୟ ସୃଷ୍ଟି ହେବ ।