ରାଜରାଜେଶ୍ୱରୀ ବେଶରେ ଦର୍ଶନ ଦେଉଛନ୍ତି ମା' ମଙ୍ଗଳା
ଆଜି ପବିତ୍ର ବୈଶାଖ ମାସର ପ୍ରଥମ ମଙ୍ଗଳବାର । ପୁରୀ ଜିଲ୍ଲା କାକଟପୁର ଅଧିଷ୍ଠାତ୍ରୀ ଦେବୀ ମା' ମଙ୍ଗଳାଙ୍କ ପାଳି ଯାତ୍ରାj ଶେଷ ଦିନ । ବିଳମ୍ବିତ ରାତ୍ରରୁ ମା'ଙ୍କ ଦ୍ୱାରଫିଟା, ମଙ୍ଗଳଆଳତୀ, ସ୍ନାନ, ମାର୍ଜନା, ବେଶ, ଚନ୍ଦନ ଲାଗି, ସୂର୍ଯ୍ୟ ପୂଜା, ବଲ୍ଲଭ ଧୂପ, ସକାଳ ଧୂପ ପରେ ସକାଳ ୫ଘ ୩୦ମିନିଟ୍ ସମୟ ସାହାଣ ମେଳା ଓ ସର୍ବସାଧାରଣ ଦର୍ଶନ ଆରମ୍ଭ ହୋଇଥିଲା । ଆଜି ମା' ମଙ୍ଗଳା ଶ୍ରଦ୍ଧାଳୁଙ୍କୁ ରାଜରାଜେଶ୍ଵରୀ ବେଶରେ ଦର୍ଶନ ଦେଉଛନ୍ତି ।
ବିଳମ୍ବିତ ରାତ୍ରରେ ମା' ବେଢା ପରିସରରେ କାଳିକା ନୃତ୍ୟ ଅନୁଷ୍ଠିତ ହେବାର ବିଧି ରହିଛି । ଚୈତ୍ର ମାସର ପ୍ରଥମ ମଙ୍ଗଳବାର ଠାରୁ ମା' ମଙ୍ଗଳାଙ୍କ ଏହି ପାଳି ଯାତ୍ରା ଆରମ୍ଭ ହୋଇ ବୈଶାଖ ମାସ ପ୍ରଥମ ମଙ୍ଗଳବାରରେ ପଞ୍ଚମ ପାଳିରେ ମା' ମଙ୍ଗଳାଙ୍କ ପ୍ରସିଦ୍ଧ ଝାମୁଯାତ୍ରାରେ ସମାପନ ହୁଏ । ଶେଷ ମଙ୍ଗଳବାରରେ ବ୍ରତଧାରୀ ମହିଳା ମାନେ ପରିବାର ମଙ୍ଗଳକାମନା ପାଈଁ ଗାଁ ଦାଣ୍ଡରେ ପନ୍ଥେଇ ନିର୍ମାଣ କରି ଗୁଆ, ନଡ଼ିଆ, କଦଳୀ, ଖଇ ସହ ପଣା ହଳଦୀ ପାଣି ଦେଇ ପୂଜା ସମାପନ କରିଥାନ୍ତି । ମା' ଶାରଳାଙ୍କ ପୀଠରୁ ଆସିଥିବା ଘଣ୍ଟ ପାଟୁଆମାନେ ପ୍ରାଚୀ ନଦୀରୁ ଜଳ ଆଣି ମାଙ୍କ ଉଦେଶ୍ୟରେ ଝାମୁ ନିଆଁରେ ଧାସ ଦେବେ ।
📱 Get Argus News App
✨ଆଜି ଶେଷ ପାଳିରେ ମା' ମଙ୍ଗଳାଙ୍କ ନିକଟରେ ନାହିଁ ନଥିବା ଭିଡ ପରିଲିକ୍ଷିତ ହୋଇଥାଏ । ପିଲାଙ୍କ ମଙ୍ଗଳ କାମନା କରି ମାଙ୍କ ଆସୀର୍ବାଦ ନେବାକୁ ଧାଇଁ ଆସିଛନ୍ତି ଶ୍ରଦ୍ଧାଳୁ ।