ଝଟକୁଛି ଅଗ୍ନିରୂପୀ ମା' ହିଙ୍ଗୁଳାଙ୍କ ଭବ୍ୟ ମନ୍ଦିର । ଅଗ୍ନି ରୂପେ ପ୍ରକଟିତ ମାଙ୍କର ଚାଲିଛି ନବ ଦିନାତ୍ମକ ପୂଜା ଉତ୍ସବ । କାହିଁ କେତେ ଆଡୁ କେତେ ଭକ୍ତ ଛୁଟି ଆସୁଛନ୍ତି ମାଙ୍କର ଏହି ଅଗ୍ନି ରୂପର ଦର୍ଶନ ପାଇଁ । ଚାଲିଛି ଅନୁଗୋଳ ଜିଲ୍ଲା ତାଳଚେରର ଅଧିଷ୍ଠାତ୍ରୀ ଦେବୀ ମାଆ ହିଙ୍ଗୁଳାଙ୍କର ବାର୍ଷିକ ଯାତ୍ରା । ପ୍ରତ୍ୟକ ଦିନ ମାଆଙ୍କୁ ବିଧି ପୂର୍ବକ ଉଭା ସ୍ଥଳୀରେ ପୂଜାର୍ଚନା କରାଯାଉଛି । ଏଥର ମାଆଙ୍କ ମନ୍ଦିରକୁ ରଙ୍ଗ ବେରଙ୍ଗର ଆଲୋକ ମାଳାରେ ସଜା ଯାଇଛି । ଯାହା ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି । ଭକ୍ତିମୟ ପରିବେଶରେ ଫାଟି ପଡୁଛି ମାଙ୍କ ପୀଠ ଗୋପାଳଗଡ଼ ।

ଗୋଟେ ପଟେ ଭକ୍ତିମୟ ପରିବେଶ ଆଉ ଅନ୍ୟପଟେ ଆୟୋଜିତ ହେଉଥିବା ଲୋକ ମହୋତ୍ସବ ସମସ୍ତଙ୍କୁ ଟାଣି ଆଣୁଛି ମାଙ୍କ ପୀଠକୁ । ଚଳିତ ଥର ଆୟୋଜିତ ହେଉଛି ୨୧ତମ ଲୋକ ମହୋତ୍ସବ । ମହୋତ୍ସବର ପ୍ରତେକ ସନ୍ଧ୍ୟାରେ ଆୟୋଜିତ ସଂସ୍କୃତିକ କାର୍ଯ୍ୟକ୍ରମ ସଭିଙ୍କ ମନ ଜିଣୁଛି । ରାଜ୍ୟ ତଥା ରାଜ୍ୟ ବାହାରୁ ଆସିଥିବା ସାଂସ୍କୃତିକ ଦଳ ମାନଙ୍କର ଭଳିକି ଭଳି ନୃତ୍ୟ ପରିବେଷଣ, ପୂଜା ଦେଖିବାକୁ ଆସିଥିବା ପ୍ରତ୍ୟକ ଦର୍ଶକଙ୍କ ମନକୁ ଛୁଉଁଛି । ଗତ ୧୧ ତାରିଖରୁ ଆରମ୍ଭ ହୋଇଥିବା ଏହି ଲୋକ ମହୋତ୍ସବ ଆସନ୍ତା ୧୯ ତାରିଖ ପର୍ଯ୍ୟନ୍ତ ଚାଲିବ । ସେପଟେ ପ୍ରଶାସନ ମଧ୍ୟ ପୂଜା ଓ ମହୋତ୍ସବ ପାଇଁ ସମସ୍ତ ବନ୍ଦୋବସ୍ତ କରିଛି।

ଆଉ ଦିନ କେଇଟା ପରେ ମାଆଙ୍କ ଶୀତୁଳା ଯାତ୍ରା ଅନୁଷ୍ଠିତ ହେବ । ଯାହାକୁ ଦେଖିବା ପାଇଁ ଶ୍ରଦ୍ଧାଳୁ ଉତ୍କଣ୍ଠା ଲାଗିରହିଛି ।