Wedding Drama / ବିବାହ ମଣ୍ଡପରେ ବରର ମୁହଁ ଦେଖି, ବିବାହ କରିବାକୁ ସିଧା ମନା କରିଦେଲା କନ୍ୟା… ଶିଶୁପାଳ ହୋଇ ଫେରିଲା ବର

ପଞ୍ଜାବର ଫିରୋଜପୁରରେ ବିବାହକୁ ନେଇ ଏକ ଅଜବ ଘଟଣା ସାମ୍ନାକୁ ଆସିଛି। ଧୁମଧାମରେ ବାହାଘର ପ୍ରସ୍ତୁତି ଚାଲିଥିଲା। ବର ଜାକଜମକ ରୋଷଣୀ କରି ବିବାହ ମଣ୍ଡପ ନିକଟରେ ପହଞ୍ଚିଲା। ବିବାହ ରୀତି ନୀତି ଆରମ୍ଭ ହେଲା। କନିଆଁକୁ ବେଦୀକୁ ଡକାଗଲା। କିନ୍ତୁ ବରକୁ ବେଦୀରେ ଦେଖି କନିଆଁ କହିଲା ମୁଁ ତୁମକୁ ବାହା ହେବିନି।

ଏହାସହ ପଢ଼ନ୍ତୁ: ଘୋଡ଼ାର ବେକକୁ ଧରି ଜଙ୍ଗଲକୁ ଟାଣିନେଲା ମହାବଳ …ଆଉ ତା’ ପରେ ଯାହା ହେଲା…

ଏକ ବିବାହ ଉତ୍ସବରେ, କନ୍ୟା ବରର ମୁହଁ ଦେଖିବା ପରେ ବିବାହ କରିବାକୁ ସଫା ସଫା ମନା କରିଦେଇଥିଲେ। ଗୁରୁହରସହାୟରୁ ଏକ ବିବାହ ଶୋଭାଯାତ୍ରାରୁ ବରକୁ ଖାଲି ହାତରେ ଫେରିବାକୁ ପଡିଛି। ବିବାହ ଭାଙ୍ଗିବା ସମୟରେ, କନ୍ୟା କହିଥିଲେ ଯେ ତାଙ୍କୁ ଅନ୍ୟ କୌଣସି ପୁଅର ଫଟୋ ଦେଖାଯାଇଥିଲା, ଆଉ ଏବେ ତାଙ୍କୁ ଅନ୍ୟ କୌଣସି ପୁଅ ବିବାହ କରିବାକୁ ଆସିଛି। ଏହି କାରଣରୁ, ଏହି ବିବାହ ହୋଇପାରିବ ନାହିଁ। କନ୍ୟା କହିଥିଲେ, "ମୋତେ ବିବାହ ପାଇଁ ଅନ୍ୟ କୌଣସି ପୁଅ ଦେଖାଯାଇଥିଲା, କିନ୍ତୁ ଅନ୍ୟ କୌଣସି ପୁଅ ବିବାହ ଶୋଭାଯାତ୍ରା ସହିତ ଆସିଛି। ମୁଁ ଏହି ଏହି ପିଲାକୁ କେବେ ବାହା ହୋଇପାରିବିନି। ମୋତେ ଏହି ପୁଅ ପସନ୍ଦ ଆସୁନି।  ଏହା ମୋ ଜୀବନର ପ୍ରଶ୍ନ । ମୋତେ ସାରା ଜୀବନ ତାଙ୍କ ସହ ରହିବାକୁ ପଡ଼ିବ, ତେଣୁ ମୁଁ ବିବାହ କରିପାରିବି ନାହିଁ।” କନ୍ୟା ବିବାହ ପାଇଁ ରାଜି ନହେବାରୁ ଉଭୟ ପକ୍ଷରେ ଉତ୍ତେଜନା ସୃଷ୍ଟି ହୋଇଥିଲା।

ଅନ୍ୟପକ୍ଷରେ ରାଜସ୍ଥାନର ଛତରଗଡ଼ ଅଞ୍ଚଳରୁ ଆସିଥିବା ବର ଓ ତାଙ୍କ ପରିବାରର କହିବା ଅନୁସାରେ, ଉଭୟ ପରିବାରର ସହମତିରେ ହିଁ ବିବାହ ଠିକ୍ ହୋଇଥିଲା। ମୋବାଇଲ୍ ଫୋନ୍‌ରେ ମଧ୍ୟ ଉଭୟ ପକ୍ଷ ମଧ୍ୟରେ କଥାବାର୍ତ୍ତା ହେଉଥିଲା। ବରଙ୍କ ବାପା ଅଭିଯୋଗ କରିଛନ୍ତି ଯେ, ଝିଅର ମା’, ଝିଅ ଏବଂ ଜଣେ ମଧ୍ୟସ୍ତି ତାଙ୍କୁ ଟଙ୍କା ମାଗିଥିଲେ। ତାଙ୍କ କହିବା ଅନୁସାରେ, ଯଦି ପୁଅକୁ ପସନ୍ଦ କରାଯାଏ, ତେବେ ଲକ୍ଷ ଲକ୍ଷ ଟଙ୍କା ଦେବାକୁ କୁହାଯାଇଥିଲା। ସେ ଅଭିଯୋଗ କରିଛନ୍ତି ଯେ, ବରପକ୍ଷ ବିବାହ ପାଇଁ ଆସିବା ପରେ କିଛି ସମୟ ପରେ ବିବାହ ଭାଙ୍ଗିଦିଆଗଲା। ଏହାକୁ ସେ ନିଜ ପରିବାର ସହ ହୋଇଥିବା ଧୋକା ବୋଲି କହିଛନ୍ତି। ବରଟି ଶିଶୁପାଳ ହୋଇ ଘରକୁ ଫେରିଛି। 

ବର ଗୁରସେବକ ସିଂ କହିଛନ୍ତି ଯେ, ସେ ନିଜ ସମ୍ପର୍କୀୟଙ୍କ ମାଧ୍ୟମରେ ବିବାହ ପାଇଁ ଆସିଥିଲେ। କିନ୍ତୁ ଶେଷରେ ବିବାହ ହୋଇପାରିଲା ନାହିଁ। ତାଙ୍କ ଅଭିଯୋଗ ହେଉଛି, ତାଙ୍କ ସହ ଠକେଇ କରି ଟଙ୍କା ନେବାର ଚେଷ୍ଟା କରାଯାଇଥିଲା।ଘଟଣାକୁ ନେଇ ଏବେ ଉଭୟ ପକ୍ଷ ମଧ୍ୟରେ ବିବାଦ ଦେଖାଦେଇଛି । ପୋଲିସରେ ଅଭିଯୋଗ କରାଯିବା ନେଇ ମଧ୍ୟ ଆଲୋଚନା ଚାଲିଛି। ଏହି ଅଜବ ବିବାହ ଘଟଣାଟି ଏବେ ସମଗ୍ର ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।