Corporate Lifestyle / ହାଇଦ୍ରାବାଦରୁ ବେଙ୍ଗାଲୁରୁ ସିଫ୍ଟ ପାଇଁ ୪ ଲକ୍ଷ ଟଙ୍କା ଖର୍ଚ୍ଚ କରିବାକୁ ପଡିଲା… ମହିଳା ଜଣକ ଖୋଲିଲେ କର୍ପାରେଟ ଲାଇଫଷ୍ଟାଇଲ ଗୁମର

ବିହାରର ବାସିନ୍ଦା ଆକାଂକ୍ଷା ରାୟଙ୍କୁ ହାଇଦ୍ରାବାଦରୁ ବେଙ୍ଗାଲୁରୁ ଯିବା ପାଇଁ ପ୍ରାୟ ୪ ଲକ୍ଷ ଟଙ୍କା ଖର୍ଚ୍ଚ କରିବାକୁ ପଡିଛି। ସୋମବାର ବିଳମ୍ବିତ ସନ୍ଧ୍ୟାରେ ସେ ଇନଷ୍ଟାଗ୍ରାମରେ ପୋଷ୍ଟ ହୋଇଥିବା ଏକ ୧ ମିନିଟ୍ ୨୪ ସେକେଣ୍ଡର ଭିଡିଓରେ ନିଜେ ପ୍ରକାଶ କରିଥିଲେ। ଭିଡିଓରେ ଆକାଂକ୍ଷା ଏହି ଟଙ୍କା କେଉଁଠି ଏବଂ କାହିଁକି ଖର୍ଚ୍ଚ କରିଛନ୍ତି ତାହା ମଧ୍ୟ କହିଛନ୍ତି। କାରଣ ଯେତେବେଳେ ଲୋକେ ଅନ୍ୟ ସହରକୁ ସିଫ୍ଟ ହେବେ ସେତେବେଳେ ମୋର ଏହି ବଜେଟ୍ ଯୋଜନା ଭିଡିଓ ସେମାନଙ୍କୁ ନିଶ୍ଚିତ ସାହାଯ୍ୟ କରିବ।

• "ମୁଁ କିପରି 60,000 ଟଙ୍କା ସଞ୍ଚୟ କଲି"

ଆକାଂକ୍ଷା କହିଛନ୍ତି "ମୋତେ ଏକ ଗେଟେଡ ସୋସାଇଟିରେ 2BHK ଚାହୁଁଥିଲି, ଭଲ ଭିତର ସାଜସଜ୍ଜା ଏବଂ ପୂରା ଲାଇଟିଙ୍ଗ ସହିତ ମାନ୍ୟତା ଟେକ୍ ପାର୍କ ନିକଟରେ ଘରଟିଏ ପାଇଗଲି। ଏହା ଏକ ଏମିତି ଘର ଥିଲା ଯାହା ମୋତେ ମୋ ନିଜ ଘର ଭଳି ଲାଗିଲା। ଆଦୌ ଭଡ଼ା ଘର ଭଳି ଲାଗିଲାନି। ପ୍ରଥମରୁ 1.8 ଲକ୍ଷ ମୋତେ ଡିପୋଜିଟ କରିବାର ଥିଲା, କିନ୍ତୁ ମୁଁ ଟିକେ କଥାରେ ମନେଇ 1.2 ଲକ୍ଷ ପର୍ଯ୍ୟନ୍ତ କମାଇ ଦେଇଥିଲି। ଭଡା ୪୫,୦୦୦ ଥିଲା, ଯାହାକୁ ମୁଁ ୩୭,୦୦୦ କୁ ହ୍ରାସ କରିଥିଲି, ଏବଂ ବ୍ରୋକରେଜ ଶୂନ୍ୟ ଥିଲା କାରଣ ମୁଁ ଏହାକୁ ସିଧାସଳଖ ମାଲିକଙ୍କ ଦ୍ୱାରା Facebook Flats & Flatmates ଗ୍ରୁପ ମାଧ୍ୟମରେ ପାଇଥିଲି।" ଯାହାକୁ ମାଲିକ ନିଜ ଫେସବୁକରେ ସିଧା ଲିଷ୍ଟ କରିଥିଲେ।

• "ମୋର ଜିନିଷପତ୍ର ସିଫ୍ଟ ପାଇଁ ୧୬,୦୦୦ ଟଙ୍କା ଖର୍ଚ୍ଚ ହୋଇଥିଲା"

ଶେଷରେ କଥା ଆସିଲା ଜିନିଷ ଶିଫ୍ଟ କରିବାର। ଆକାଂକ୍ଷା କହିଛନ୍ତି ଯେ, "ମୁଁ ମୋର ଗଦି, ବିଛଣା, ଚାଦର, ଦର୍ପଣ ଏବଂ ଅନ୍ୟ କିଛି ଆବଶ୍ୟକୀୟ ଜିନିଷପତ୍ର ନୁବ୍ ବ୍ରୋକରଙ୍କ ମାଧ୍ୟମରେ ପଠାଇଥିଲି, ଯାହା ପାଇଁ ମୋତେ ପ୍ରାୟ ୧୬,୦୦୦ ଟଙ୍କା ଖର୍ଚ୍ଚ ହୋଇଥିଲା। ଏବେ ମୋତେ ଘରଟି ପୁଣି ଥରେ ରିନୋଭେସନ କରିବାକୁ ପଡିଲା। ମୁଁ ମୋର ବିଛଣା, ବେଡ୍ ସାଇଡ୍ ଟେବୁଲ୍ ଏବଂ କିଛି ଫର୍ଣ୍ଣିଚର IKEA ରୁ କିଣିଥିଲି, ଯାହା ପାଇଁ ମୋତେ ପ୍ରାୟ ୩୨,୦୦୦ ଟଙ୍କା ଖର୍ଚ୍ଚ ହୋଇଥିଲା। ରୋଷେଇ ଘରଟି ପୂରା ଅଲଗା ଥିଲା, କାରଣ ମୋ ପାଖରେ ପ୍ରକୃତରେ କିଛି ନଥିଲା। ତେଣୁ, ରୋଷେଇ ବାସନକୁସନ ଏବଂ କଟଲେରୀ ଠାରୁ ଆରମ୍ଭ କରି ଷ୍ଟୋରେଜ୍ ଏବଂ କିରାଣା ସାମଗ୍ରୀ ପର୍ଯ୍ୟନ୍ତ, ମୋତେ ସବୁକିଛି ଆରମ୍ଭରୁ କିଣିବାକୁ ପଡିଲା, ଯାହା ପାଇଁ ମୋତେ ପ୍ରାୟ ୩୫,୦୦୦ ଟଙ୍କା ଖର୍ଚ୍ଚ ହୋଇଥିଲା।"

"ବାକି ଟଙ୍କା କେଉଁଠି ଖର୍ଚ୍ଚ ହେଲା ତାହା ମଧ୍ୟ ଆକାଂକ୍ଷା ବୁଝାଇଲେ"
ପରଦା, ଦୀପ, ସାଜସଜ୍ଜା ସାମଗ୍ରୀ ଏବଂ ଅନ୍ୟାନ୍ୟ ଛୋଟ ଛୋଟ ଜିନିଷ ଯାହା ଦେଖାଯାଉଛି ସେଗୁଡ଼ିକର ମୂଲ୍ୟ ୫୦୦ ଟଙ୍କା, କିନ୍ତୁ DMR ରୁ ସବୁ ମିଶି ପ୍ରାୟ ୨୨,୦୦୦ ଟଙ୍କା ଥିଲା। ତା'ପରେ ମୁଁ ୪୮, ୦୦୦ ଟଙ୍କାରେ ଏକ ୫୫ ଇଞ୍ଚ ଟିଭି କିଣିଲି, `ଲାଇଫ ପ୍ଲାନ’ ପାଇଁ ୬,୦୦୦ ଟଙ୍କା ଖର୍ଚ୍ଚ କଲି ଏବଂ ଅନ୍ୟାନ୍ୟ ଖର୍ଚ୍ଚ ପ୍ରାୟ ୮,୦୦୦ ଟଙ୍କା ଥିଲା। ଅଗଷ୍ଟ ମାସର ଭଡ଼ା ଏବଂ ଡିପୋଜିଟକୁ ମିଶାଇ, ଏକ ଖାଲି ଆପାର୍ଟମେଣ୍ଟକୁ ଘରେ ପରିଣତ କରିବା ପାଇଁ ମୋର ମୋଟ ଖର୍ଚ୍ଚ ପ୍ରାୟ ୩.୫୬ ଲକ୍ଷ ଟଙ୍କା ହୋଇଥିଲା।