Argus News - ଫେମସ IIT ବାବା ଅଭୟ ସିଂହ କାହାକୁ ନ ଜଣାଇ ହଠାତ କଲେ ବିବାହ...ପତ୍ନୀଙ୍କ ବିଷୟରେ ଜାଣିଲେ ଉଡ଼ିଯିବ ହୋସ...

ପ୍ରୟାଗରାଜ ମହାକୁମ୍ଭ ସମୟରେ ଫେମସ ହୋଇଥିବା ଆଇଆଇଟି ବାବା ଓରଫ୍‌ ଅଭୟ ସିଂହ ପୁଣି ଚର୍ଚ୍ଚାରେ ଅଛନ୍ତି। ଏଥର କାରଣ ହେଉଛି ତାଙ୍କ ବିବାହ। ଦୀର୍ଘ ଦିନ ପରେ ଅଭୟଙ୍କୁ ସୋମବାର ହରିୟାଣାର ଝାଜ୍ଜରରେ ତାଙ୍କ ସ୍ତ୍ରୀଙ୍କ ସହ ଦେଖିବାକୁ ମିଳିଥିଲା। ଏହି ଦମ୍ପତି ଗତ ଫେବୃଆରୀ ୧୫ ରେ ମହାଶିବରାତ୍ରିର ପବିତ୍ର ଅବସରରେ ହିମାଚଳ ପ୍ରଦେଶର ଆଘନଝର ମହାଦେବ ମନ୍ଦିରରେ ବିବାହ କରିଥିଲେ। ଏହା ପରେ ଫେବୃଆରୀ ୧୯ରେ ଏକ କୋର୍ଟ ମ୍ୟାରେଜ୍‌ କରିଥିଲେ। ଏବେ ସେ ବିବାହ କରିଥିବା ନେଇ ସୂଚନା ଦେଇଛନ୍ତି।

ସେ ଏବଂ ତାଙ୍କ ପତ୍ନୀ ସେମାନଙ୍କର ନୂତନ ଜୀବନରେ ଅତ୍ୟନ୍ତ ଖୁସି ଏବଂ ବର୍ତ୍ତମାନ ସରଳ ଜୀବନ ବିତାଉଛନ୍ତି। ତାଙ୍କ ସ୍ତ୍ରୀ ପ୍ରତୀକା ମୂଳତଃ କର୍ନାଟକର ଏବଂ ପେଶାରେ ଜଣେ ଇଞ୍ଜିନିୟର ମଧ୍ୟ। ବିବାହ ପରେ ଏହି ଦମ୍ପତି ବର୍ତ୍ତମାନ ହିମାଚଳ ପ୍ରଦେଶର ଧର୍ମଶାଳାରେ ରହୁଛନ୍ତି। ସୋମବାର ଉଭୟ ପରିବାର ଏବଂ ମାତାପିତାଙ୍କୁ ଭେଟିବା ପାଇଁ ଝାଜ୍ଜର ଗସ୍ତ କରିଥିଲେ। ଗେରୁଆ ବସ୍ତ୍ର ପିନ୍ଧି ଅଭୟ ତାଙ୍କ ପିତାଙ୍କ ଚାମ୍ବରକୁ ଯାଇଥିଲେ। ଆଧ୍ୟାତ୍ମିକତା ଆଡ଼କୁ ମୁହାଁଇବା ପୂର୍ବରୁ, ସେ ପ୍ରାୟତଃ ତାଙ୍କ ପିତାଙ୍କ ଚାମ୍ବରରେ ବସି ପାଠ ପଢୁଥିଲେ। ଜୀବନର ପ୍ରକୃତ ଅର୍ଥ ପାଇଁ ତାଙ୍କର ସନ୍ଧାନ ତାଙ୍କୁ ଶେଷରେ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ଜଗତରୁ ଆଧ୍ୟାତ୍ମିକତା ପଥ ଆଡକୁ ନେଇଥିଲା।

ଏହାସହ ପଢ଼ନ୍ତୁ: "ମୋ ସ୍ବାମୀ ମୋ ଠୁ ୨୧ ବର୍ଷ ବଡ଼"...୧୯ ବର୍ଷୀୟା ପତ୍ନୀ ପହଞ୍ଚିଲେ କୋର୍ଟରେ...କହିଲେ ମୋ ସହ...

ପତ୍ନୀ କହିଲେ, "ଆମେ ସନାତନକୁ ଆଗକୁ ନେବା ପାଇଁ କାମ କରିବୁ।"
ପ୍ରତୀକା ଅଭୟଙ୍କୁ ଜଣେ ଅତ୍ୟନ୍ତ ସରଳ, ସଚ୍ଚୋଟ ଏବଂ ପ୍ରକୃତ ମଣିଷ ଭାବରେ ବର୍ଣ୍ଣନା କରିଛନ୍ତି। ସେ କହିଛନ୍ତି, ଆମେ ପ୍ରାୟ ଏକ ବର୍ଷ ପୂର୍ବରୁ ପ୍ରଥମ ଥର ପାଇଁ ସାକ୍ଷାତ କରିଥିଲୁ। ଏହାପରେ ବିବାହ ନିଷ୍ପତ୍ତି ନେଇଥିଲୁ। ଆଗକୁ ବଢ଼ି ଆମେ ସନାତନ ଧର୍ମ ଏବଂ ଆଧ୍ୟାତ୍ମିକତାର ନୀତିକୁ ପ୍ରୋତ୍ସାହିତ କରିବା ପାଇଁ ଏକାଠି କାମ କରିବୁ। ଭବିଷ୍ୟତରେ ଏକ ‘ସନାତନ ବିଶ୍ୱବିଦ୍ୟାଳୟ’ ପ୍ରତିଷ୍ଠା କରିବା ପାଇଁ ଯୋଜନା ଥିବା ମଧ୍ୟ କହିଛନ୍ତି।

ଅଭୟ ମୂଳତଃ ଝଜରର ସାସରୋଲି ଗ୍ରାମର ବାସିନ୍ଦା। ତାଙ୍କ ପିତା କରଣ ସିଂହ ପେଶାରେ ଜଣେ ଓକିଲ ଏବଂ ଝାଜ୍ଜର ବାର ଆସୋସିଏସନର ପୂର୍ବତନ ସଭାପତି। ଅଭୟ ଆଇଆଇଟି ବମ୍ବେରେ ଏରୋସ୍ପେସ ଇଞ୍ଜିନିୟରିଂରେ ଡିଗ୍ରୀ ହାସଲ କରିଥିଲେ ଏବଂ ପରେ କାନାଡାର ଏକ ଏରୋସ୍ପେସ କମ୍ପାନୀରେ କାମ କରିଥିଲେ। ରିପୋର୍ଟ ଅନୁଯାୟୀ ସେ ସେଠାରେ ପ୍ରାୟ ୩ ଲକ୍ଷ ଟଙ୍କା ମାସିକ ଦରମାରେ ଚାକିରି କରୁଥିଲେ। କିନ୍ତୁ ସେ ଶେଷରେ ଆଧ୍ୟାତ୍ମିକ ପଥ ଗ୍ରହଣ କରିବା ପାଇଁ ସବୁକିଛି ତ୍ୟାଗ କରିଥିଲେ। ୨୦୨୫ ମହାକୁମ୍ଭରେ ଜଣେ ସାଧୁ ବେଶରେ ଉପସ୍ଥିତ ହେବା ପରେ ଅଭୟ ସୋସିଆଲ ମିଡିଆ ଏବଂ ନ୍ୟୁଜ ଚ୍ୟାନେଲଗୁଡ଼ିକରେ ଭାଇରାଲ ହୋଇଥିଲେ। ଜଣେ ସଫଳ ଇଞ୍ଜିନିୟରରୁ ଆଧ୍ୟାତ୍ମିକ ସାଧକ ହେବା ପର୍ଯ୍ୟନ୍ତ ତାଙ୍କ ଯାତ୍ରାର କାହାଣୀ ଦେଶ ଏବଂ ବିଦେଶରେ ଆଲୋଚନାର ବିଷୟ ପାଲଟିଥିଲା।