Videos
|
Weather-calamities

Landfall Updat / ବାତ୍ୟାକୁ ନେଇ ବଡ଼ ଅପଡେଟ୍... ନରସାପୁର -ପୁରୀ ମଧ୍ୟରେ ଲାଣ୍ଡଫଲ୍ !

Rashmita Mishra
Browse all articles by Rashmita Mishra
·29 mins ago·2 min read
ବାତ୍ୟାକୁ ନେଇ ବଡ଼ ଅପଡେଟ୍... ନରସାପୁର -ପୁରୀ ମଧ୍ୟରେ ଲାଣ୍ଡଫଲ୍ !
Landfall Updat

Key Points

ନରସାପୁର -ପୁରୀ ମଧ୍ୟରେ ଲାଣ୍ଡଫଲ୍ !
ନରସାପୁର ଏବଂ ପୁରୀ ମଧ୍ୟରେ ସ୍ଥଳ ଭାଗ ଅତିକ୍ରମ କରିବା ସମ୍ଭାବନା
ବଙ୍ଗୋପସାଗରରେ ସୃଷ୍ଟି ହୋଇଥିବା ବାତ୍ୟାକୁ ନେଇ ଆସିଛି ବଡ଼ ଅପଡେଟ୍‌ । ବାତ୍ୟାର ସମ୍ଭାବ୍ୟ ଗତିପଥ ଏବଂ ସ୍ଥଳଭାଗ ଅତିକ୍ରମକୁ ନେଇ ଆକଳନ ଆରମ୍ଭ ହୋଇଛି । ମିଳିଥିବା ସୂଚନା ଅନୁସାରେ, ବାତ୍ୟା ଅକ୍ୱାନ୍‌ ନରସାପୁର ଓ ପୁରୀ ମଧ୍ୟବର୍ତ୍ତୀ ଉପକୂଳ ଅଞ୍ଚଳରେ ସ୍ଥଳଭାଗ ଅତିକ୍ରମ କରିପାରେ । ଏହାକୁ ନେଇ ଉତ୍ତର ଆନ୍ଧ୍ରପ୍ରଦେଶ ଏବଂ ଦକ୍ଷିଣ ଓଡ଼ିଶା ଉପକୂଳରେ ଚର୍ଚ୍ଚା ଜୋର ଧରିଛି ।

ସୂଚନା ଅନୁଯାୟୀ, ବାତ୍ୟା ଅକ୍ୱାନ୍‌ ଘଣ୍ଟାପ୍ରତି ପ୍ରାୟ ୭ କିଲୋମିଟର ବେଗରେ ଆଗକୁ ବଢ଼ୁଛି । ଏହା ଉତ୍ତର ଆନ୍ଧ୍ରପ୍ରଦେଶ, ୟେନମ୍‌ ଏବଂ ଦକ୍ଷିଣ ଓଡ଼ିଶା ଉପକୂଳ ଆଡ଼କୁ ଗତି କରିବାର ଆକଳନ କରାଯାଉଛି । ନରସାପୁର ଓ ପୁରୀ ମଧ୍ୟରେ ଏହା ସ୍ଥଳଭାଗ ଅତିକ୍ରମ କରିବାର ସମ୍ଭାବନା ରହିଥିବା କୁହାଯାଉଛି ।

ଅନ୍ୟପଟେ, ବାତ୍ୟାର କେନ୍ଦ୍ରସ୍ଥଳର ଅବସ୍ଥିତିକୁ ନେଇ ମଧ୍ୟ ତଥ୍ୟ ସାମ୍ନାକୁ ଆସିଛି । ବାତ୍ୟାଟି ଗୋପାଳପୁରଠାରୁ ପ୍ରାୟ ୭୧୦ କିଲୋମିଟର, ପୁରୀଠାରୁ ୭୭୦ କିଲୋମିଟର ଏବଂ ବିଶାଖାପାଟଣାଠାରୁ ପ୍ରାୟ ୫୮୦ କିଲୋମିଟର ଦୂରରେ କେନ୍ଦ୍ରୀଭୂତ ରହିଛି ।



ଏହି ସ୍ଥିତିକୁ ଦୃଷ୍ଟିରେ ରଖି ଉତ୍ତର ଆନ୍ଧ୍ରପ୍ରଦେଶ ଓ ଦକ୍ଷିଣ ଓଡ଼ିଶାର ଉପକୂଳ ଅଞ୍ଚଳ ଉପରେ ନଜର ରହିଛି । ବାତ୍ୟାର ଗତି, ଦିଗ ଓ ତୀବ୍ରତାରେ ପରିବର୍ତ୍ତନ ହେଲେ ସମ୍ଭାବ୍ୟ ପ୍ରଭାବ ମଧ୍ୟ ବଦଳିପାରେ ।

ତେଣୁ ଉପକୂଳବାସୀଙ୍କୁ ଆତଙ୍କିତ ନହୋଇ ସତର୍କ ରହିବା ସହ ପାଣିପାଗ ବିଭାଗର ସରକାରୀ ସୂଚନା ଓ ପ୍ରଶାସନର ନିର୍ଦ୍ଦେଶ ପାଳନ କରିବା ଜରୁରୀ । ଲ୍ୟାଣ୍ଡଫଲ୍‌ର ସମ୍ଭାବ୍ୟ ସ୍ଥାନ ଏବେ ଆକଳନ ପର୍ଯ୍ୟାୟରେ ଥିବାରୁ ଅନ୍ତିମ ଗତିପଥ ପାଇଁ ସରକାରୀ ପାଣିପାଗ ଖବର ଉପରେ ନଜର ରହିବ ।
Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free: