ରାଜ୍ୟରେ ପୁଣି ଲେଉଟିଛି ଶୀତ। ବିଭିନ୍ନ ସହରରେ ପାରଦ ୩ରୁ ୪ ଡିଗ୍ରୀ ପର୍ଯ୍ୟନ୍ତ ହ୍ରାସ ପାଇଥିବା ବେଳେ ଆଗାମୀ ଦିନରେ ତାପମାତ୍ରା ଆହୁରି ନିମ୍ନଗାମୀ ହୋଇ ଶୀତ ଆହୁରି ବଢ଼ିବ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପୂର୍ବାନୁମାନ କରାଯାଇଛି । ଏଭଳିସ୍ଥିତିରେ ରାଜ୍ୟରେ ୧୭ ତାରିଖ ଯାଏଁ ଶୀତ ଜାରି ରହିବ। ହେଲେ ପଶ୍ଚିମାଝଡ଼ ପ୍ରଭାବରେ ୧୮ତାରିଖରୁ ତାପମାତ୍ରା ବୃଦ୍ଧି ଘଟି ଶୀତରେ ବ୍ରେକ୍‌ ଲାଗିବା ସମ୍ଭାବନା ।

ଆସନ୍ତା ୨୪ ଘଣ୍ଟା ପାଇଁ ଶୀତ ଲହରୀ ନେଇଁ ୮ ଜିଲ୍ଲାକୁ ହଳଦିଆ ଚେତାବନୀ ଜାରି ରହିଛି । ସେହିସବୁ ଜିଲ୍ଲା ଗୁଡ଼ିକ ହେଲା ଖୋର୍ଦ୍ଧା,କଟକ,କେନ୍ଦ୍ରାପଡ଼ା, ଜଗତସିଂହପୁର, ଅନୁଗୁଳ,ଢେଙ୍କାନାଳ, ସୁନ୍ଦରଗଡ଼, ଝାରସୁଗୁଡ଼ା । ଏଥିସହ ଆସନ୍ତାକାଲି ପାଇଁ ଏହି ୮ ଟି ଜିଲ୍ଲାରେ ପ୍ରବଳ ଜାଡ଼ ହେବାର ସମ୍ଭାବନା ଥିବାରୁ ଜାରି ହୋଇଛି ୟେଲୋ ଓ୍ୱାର୍ଣ୍ଣିଂ।ଆସନ୍ତା ୩ରୁ ୪ ଦିନ ପର୍ଯ୍ୟନ୍ତ ସର୍ବନିମ୍ନ ତାପମାତ୍ରାରେ କୌଣସି ବଡ଼ ଧରଣର ପରିବର୍ତ୍ତନର ସମ୍ଭାବନା ନଥିବାବେଳେ ଗତ ୨୪ ଘଣ୍ଟାରେ ସର୍ବନିମ୍ନ ତାପମାତ୍ରା ରାଉରକେଲା 6.6°C, ଝାରସୁଗୁଡା 7.8°C, କେନ୍ଦୁଝର 9.4°C, ସମ୍ବଲପୁର 11.6°C, ଭୁବନେଶ୍ୱର 11.8°C, ହୀରାକୁଦ 12.8°C ରେକର୍ଡ କରାଯାଇଛି ।

ତେବେ ୧୭ ପରେ ରାଜ୍ୟରେ ଶୀତ କମିବ ଏହାସହ ତାତି ଧିରେ ଧିରେ ଆରମ୍ଭ ହେବାର ସମ୍ଭାବନା ରହିଛି। ଛାଡ଼ୁନି ଶୀତ । ଦୁଇ ଦିନ ପାଇଁ ପାରଦ ସାମାନ୍ୟ ଉପରକୁ ଉଠିଥିଲେ ମଧ୍ୟ ପୁଣି ଖସିଛି । ଜାଡ଼ ମାଡ଼ରେ ସାରା ରାଜ୍ୟ ଏବେ ଅସ୍ତବ୍ୟସ୍ତ । ସକାଳୁ କମ୍ବଳ ଭିତରୁ ବାହାରକୁ ବାହାରି ହେଉନି, କି ସନ୍ଧ୍ୟା ହେଲେ ଖୋଲା ଆକାଶ ତଳେ ବୁଲି ହେଉନି । ଏମିତି ଥଣ୍ଡା ଲେଉଟୁଛି ଯେ, ନକହିବା ଭଲ । ଲଗାତର ଏଭଳି ଜାଡ଼ ମାଡ଼ ଯୋଗୁଁ ଏବେ ପ୍ରାୟ ପତ୍ୟେକ ଘରେ ଥଣ୍ଡା କାଶ, ଜ୍ୱର ପୀଡ଼ିତଙ୍କୁ ଦେଖିବାକୁ ମିଳିଛି ।

ଏଥିସହ ପଢ଼ନ୍ତୁ: ମିଛ ବିଜ୍ଞାପନ ଫଶିଲେ ସଲମାନ ଓ ହ୍ରିତିକ୍‌, ଖାଉଟି ଅଦାଲତରେ ମାମଲା

ପ୍ରବଳ ଶୀତ ସାଙ୍ଗକୁ ଜାଡ଼ ଓ ଥଣ୍ଡା ଯୋଗୁଁ ଅଞ୍ଚଳବାସୀ ଖରା ଓ ନିଆଁର ସାହାରା ନେଉଛନ୍ତି। ପ୍ରବଳ କୁହୁଡ଼ି ଯୋଗୁଁ ଯାନବାହନ ଯାତାୟାତରେ ଅସୁବିଧା ହେଉଥିବା ବେଳେ ଦୁର୍ଘଟଣା ଘଟୁଛି। କହିବାକୁ ଗଲେ ପ୍ରବଳ ଶୀତ ଯୋଗୁଁ ଘୁ.ଉଦୟଗିରିରେ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ଶୀତ ଦାଉରୁ ରକ୍ଷା ପାଇବାକୁ ସନ୍ଧ୍ୟା ପୂର୍ବରୁ ଲୋକେ ନିଆଁ ଲଗାଇ ବସୁଛନ୍ତି।

ଅଧିକ ପଢ଼ନ୍ତୁ ପାଣିପାଗ ଖବର: