ଆସିଲା ଶୀତ... ପହିଲି ଶୀତର ମଜା ନେବାକୁ ଦାରିଙ୍ଗବାଡ଼ି ମୁହାଁ ରାଜ୍ୟ ଓ ରାଜ୍ୟ ବାହାରର ପର୍ଯ୍ୟଟକ । ଶୀତ ଆରମ୍ଭରେ ପର୍ଯ୍ୟଟକଙ୍କ ମନ ମୋହୁଛି ଓଡ଼ିଶାର କାଶ୍ମୀର ଦାରିଙ୍ଗବାଡ଼ି l ପର୍ଯ୍ୟଟନ ସ୍ଥଳୀ ବୁଲି ପର୍ଯ୍ୟଟକମାନେ ଭାରି ଖୁସ l

ଓଡ଼ିଶାର କାଶ୍ମୀର ଭାବେ ପରିଚିତ ଥିବା ଦାରିଙ୍ଗବାଡ଼ିର ପ୍ରାକୃତିକ ସୌନ୍ଦର୍ଯ୍ୟର ଉପଭୋଗ କରିବାସହ ଶୀତର ମଜା ନେବାକୁ ଦାରିଙ୍ଗବାଡ଼ିରେ ପ୍ରତିଦିନ ଲାଗୁଛି ଲକ୍ଷ ଲକ୍ଷ ପର୍ଯ୍ୟଟକଙ୍କ ଭିଡ଼ । କିଏ ସେଲ୍ଫି ନେଉଛି ତ ଆଉ ନିଜର ସ୍ମୃତି ସାଉଁଟିଛି । ସେହିପରି ଆଉ କିଏ ଶୀତୁଆ ସକାଳର ଭରପୁର ମଜା ନେଉଛନ୍ତି । ପର୍ଯ୍ୟଟନସ୍ଥଳୀରେ ପର୍ଯ୍ୟଟକଙ୍କ ଭିଡ଼ ସହ ଜମୁଛି ବଣଭୋଜିର ଆସର l

ପ୍ରତିବର୍ଷ ଶୀତକୁ ଅପେକ୍ଷା କରି ରହିଥାନ୍ତି ଲକ୍ଷ ଲକ୍ଷ ପର୍ଯ୍ୟଟକ । ଶୀତ ଋତୁ ଆସିଲେ ଏଠାକାର ସୁନ୍ଦରତାକୁ ଉପଭୋଗ କରିବା ପାଇଁ ଦେଶବିଦେଶରୁ ପର୍ଯ୍ୟଟକଙ୍କ ଭିଡ଼ ଜମିଥାଏ । ସେଠାକାର କଫିବଗିଚା, ହିଲ୍‌ଭିୟୁ ପାର୍କ, ନେଚର ପାର୍କ, ଶାନ୍ତି ଉପତ୍ୟକା, କିରିକୁଟି ଲଭର୍ସ ପଏଣ୍ଟ, ଡୁଲୁରୀ ଓ୍ଵାକିଂ ଟ୍ରେଲରେ ଭିଡ଼ ଜମାଇ ବଣଭୋଜିର ମଜା ନିଅନ୍ତି ପର୍ଯ୍ୟଟକ ।

ଏଥିସହ ପଢ଼ନ୍ତୁ: ଫେରିଲା ଶୀତ, ଥରୁଛି ଦାରିଙ୍ଗବାଡ଼ି... 

ଓଡ଼ିଶାର କାଶ୍ମୀର ଭାବେ ପରିଚିତ ଦାରିଙ୍ଗବାଡି । ଏଠାକାର ଶୀତର ମଜା ବହୁତ ନିଆରା । ଯାହା ଶୁଣିଥିବେ ବାସ୍ତବରେ ଏଠାକାର ପରିବେଶ ତାହା ଠାରୁ ଅଧିକ ଆନନ୍ଦଦାୟକ । ଚଳିତ ବର୍ଷ ଲଗାଣ ବର୍ଷା ଓ ବାରମ୍ବାର ଲଘୁଚାପ ଯୋଗୁଁ ଦାରିଙ୍ଗବାଡିରେ ପ୍ରବଳ ଶୀତ ଅନୁଭୂତ ହେଉଛି । ସକାଳ ପ୍ରାୟ ୧୦ଟା ପର୍ଯ୍ୟନ୍ତ ଘନ କୁହୁଡ଼ି ଲାଗି ରହୁଛି । ରାତିର ପାରଦ ଖସିବାରେ ଲାଗିଛି । ଶୁକ୍ରବାର ଦାରିଙ୍ଗିବାଡ଼ିରେ ରାତି ତାପମାତ୍ରା ୧୨ ଡିଗ୍ରୀ ଥିଲା । ଶନିବାର ଏହା ୧୧ ଡିଗ୍ରୀକୁ ଖସିଛି ।

ସୋମବାର ସକାଳୁ ସକାଳୁ ଅଧିକ ଥଣ୍ଡା ଅନୁଭୂତ ହୋଇଥିଲା। ରାଜ୍ୟକୁ ଫେରିଛି ଶୀତ । ଜାଡ ଭାଙ୍ଗୁଛି ହାଡ। ଖସି ଚାଲିଛି ପାରଦ, ବଢ଼ି ଚାଲିଛି ଶୀତ । ଜାଡରେ ଥରୁଛି ସାରା ଓଡ଼ିଶା । ଆଗାମୀ ଦିନରେ ରାତି ତାପମାତ୍ରାରେ ହେବନି କୌଣସି ପରିବର୍ତ୍ତନ। ଦିନ ତାପମାତ୍ରା ୨ରୁ ୩ ଡିଗ୍ରୀ ସେଲସିୟସ କମିବାର ସମ୍ଭାବନା ରହିଛି । ଅପରପକ୍ଷରେ ଆସନ୍ତା୧୪ ତାରିଖ ଠାରୁ ଦାରିଙ୍ଗବାଡ଼ିରେ ଇକୋ-ରି ଟ୍ରି ଟ ଆରମ୍ଭ ହେବାକୁ ଯାଉଛି ଯାହା ପର୍ଯ୍ୟଟକଙ୍କ ପାଇଁ ଏକ ବଡ଼ ଖୁସି ଖବର।

ଅଧିକ ପଢ଼ନ୍ତୁ ପାଣିପାଗ ଖବର...