ଖରା ତାତିରେ ଜଳୁଥିବା ଓଡ଼ିଶାରେ ଏବେ ଆଶ୍ୱସ୍ତି ଆଣିପାରେ କାଳବୈଶାଖୀ ବର୍ଷା । ଯାହାକୁ ନେଇ ପାଣିପାଗ ବିଜ୍ଞାନ କେନ୍ଦ୍ର ଆଜିଠୁ ସତର୍କ ସୂଚନା ଜାରି କରିଛି ଏବଂ ଆଗାମୀ କିଛି ଦିନ ଧରି ପାଗରେ ପରିବର୍ତ୍ତନ ଦେଖାଯିବ ବୋଲି କହିଛି । ଗତ ୨୪ ଘଣ୍ଟାରେ ରାଜ୍ୟର ୯ଟି ପ୍ରମୁଖ ସହରର ତାପମାତ୍ରା ୪୦ ଡିଗ୍ରୀ ସେଲସିଅସ୍‌ ଛୁଇଁଥିବା ବେଳେ ଉପକୂଳ ଅଞ୍ଚଳରେ ମଧ୍ୟ ୩୮ରୁ ୩୯ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ରେକର୍ଡ ହୋଇଛି ।

ଆଜି ମଧ୍ୟ ତାତି ସହ ଗୁଳୁଗୁଳି ଅନୁଭୂତ ହେଉଥିବା ବେଳେ ଦିନବେଳେ ସାଧାରଣ ଜନଜୀବନ ପ୍ରଭାବିତ ହେଉଛି । ତେବେ ପାଣିପାଗକୁ ନେଇ ବଡ଼ ଅପଡେଟ୍‌ ଆସିଛି । ତାତିରୁ ମିଳିବ ଆଶ୍ବସ୍ତି । ଆସୁଛି କାଳବୈଶାଖୀ ବର୍ଷା । ଏହି ପରିସ୍ଥିତି ମଧ୍ୟରେ କାଳବୈଶାଖୀ ବର୍ଷା ଖରା ଗରମରୁ ଲୋକମାନଙ୍କୁ କିଛି ପରିମାଣରେ ଆଶ୍ୱସ୍ତି ଦେବା ସହ ତାପମାତ୍ରା କରିପାରେ ବୋଲି ପାଣିପାଗ ବିଶେଷଜ୍ଞମାନେ କହିଛନ୍ତି ।

ଆସନ୍ତା ୨୪ ଘଣ୍ଟା ମଧ୍ୟରେ ରାଜ୍ୟର ୧୯ଟି ଜିଲ୍ଲାରେ ଘଡ଼ଘଡ଼ି ବିଜୁଳି ସହ ଝଡ଼ ବର୍ଷା ନେଇ ୟେଲୋ ଆଲର୍ଟ ଜାରି କରାଯାଇଥିବା ବେଳେ କେତେକ ସ୍ଥାନରେ ଝଟକା ପବନ ମଧ୍ୟ ବହିପାରେ ବୋଲି ସତର୍କ କରାଯାଇଛି । ସେହିପରି ଆସନ୍ତାକାଲି ଉତ୍ତର ଓଡ଼ିଶା, ଉପକୂଳ ଅଞ୍ଚଳ ଠାରୁ ଆଭ୍ୟନ୍ତରୀଣ ଓ ଦକ୍ଷିଣ ଓଡ଼ିଶାର କିଛି ଜିଲ୍ଲାରେ ଝଡ଼ ପବନ ସହ ବଜ୍ରପାତ ଓ ବର୍ଷା ନେଇ ୟେଲୋ ଆଲର୍ଟ ଜାରି କରିଛି ପାଣିପାଗ ବିଭାଗ ।

ପାଣିପାଗ ବିଭାଗ ଆହୁରି ସୂଚନା ଦେଇଛି ଯେ ୫ ତାରିଖରେ କାଳବୈଶାଖୀର ପ୍ରଭାବ ସବୁଠୁ ଅଧିକ ରହିବା ସହ ସମଗ୍ର ରାଜ୍ୟରେ ଏହାର ପ୍ରଭାବ ଅନୁଭୂତ ହେବାର ସମ୍ଭାବନା ରହିଛି । ତେବେ ଆସନ୍ତା ୩ ଘଣ୍ଟା ମଧ୍ୟରେ ଉତ୍ତର ଉପକୂଳର ୯ ଜିଲ୍ଲାକୁ ଆଲର୍ଟ ଜାରି କରାଯାଇଛି । କାଳବୈଶାଖୀ ବର୍ଷାରେ ଭିଜିବ ୯ ଜିଲ୍ଲା । ଏହି ସମୟରେ ପନବନର ବେଗ ୪୦ ରୁ ୫୦ କିମି ରହିବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ ।