ନୂଆଦିଲ୍ଲୀ: କୌଣସି ସାମଗ୍ରୀ କିଣିଲା ବେଳେ ଆମେ ସାଧାରଣତଃ ଦୋକାନୀକୁ ଡିସକାଉଣ୍ଟ ବା ରିହାତ ମାଗୁ । ଏପରିକି ଅନେକ ସମୟରେ ଟଙ୍କା ନ କମାଇଲେ ସାମଗ୍ରୀ ନ ଆଣି ଫେରି ଆସନ୍ତି ଭାରତୀୟ । ଯଦି ଆପଣଙ୍କୁ କେହି ଦୋକାନୀ ନିଜ ଆଡ଼ୁ ରିହାତି ଦେବେ ପୁଣି ନ ମାଗି, ତାହେଲେ ଆପଣ କ'ଣ କରିବେ ?

ଆପଣ ଭାବୁଥିବା ଏଭଳି ପ୍ରଶ୍ନ କ'ଣ ପଚାରିବା କଥା । ଆଜ୍ଞା ହଁ, ଏ ପ୍ରଶ୍ନ ପଚାରିବା ପଛରେ କାରଣ ରହିଛି । କାହିଁକି ନା ରିହାତି ପାଇଁ ଜଣେ ସ୍ଵାମୀ, ସ୍ତ୍ରୀକୁ ଛୁରାମାଡ଼ କରିଛି । ଏଭଳି ଘଟଣା ଘଟିଛି ଚୀନର ଜିଲିନ୍ ପ୍ରଦେଶର ସୋଙ୍ଗୟୁଆନ୍‌ରେ । ଉତ୍ତରପୂର୍ବ ଚୀନରେ ୩ ଦଶନ୍ଧି ତଳେ ବିବାହ କରିଥିବା ସ୍ଵାମୀ, ସ୍ତ୍ରୀକୁ ଛୁରି ଭୁସି ଦେଇଛି । ତାହା ବି ପୁଣି ମାଂସ ଦୋକାନୀ ରିହାତି ଦେବାରୁ ।

ଏଥିସହ ପଢ଼ନ୍ତୁ: ଭଣଜା ସମ୍ପର୍କ ରଖିବାକୁ ମନା କରିବାରୁ ଥାନାରେ ହାତ କାଟିଦେଲେ ମହିଳା

ସୂଚନା ଅନୁସାରେ, ଜୋ ନାମକ ବ୍ୟକ୍ତି ତାଙ୍କ ସ୍ତ୍ରୀ ଜାହୋଙ୍କୁ ଛୁରାମାଡ଼ କରିଛନ୍ତି । ମାଂସ ଦୋକାନୀଙ୍କ ସହ ସ୍ତ୍ରୀର ସମ୍ପର୍କ ଥିବା ସନ୍ଦେହ କରି ସ୍ଵାମୀ ଛୁରି ଭୁସି ଦେଇଛି । ପୋଲିସ ତଦନ୍ତରୁ ଜଣାପଡ଼ିଛି, ସ୍ତ୍ରୀକୁ ସନ୍ଦେହ କରୁଥିବା ଜୋ ତାଙ୍କ ଖଟର ଡ୍ରୟରରେ ଏକ ଛୁରି ରଖିଥିଲେ । ଆଉ ଜାହୋ ଲିଭିଂ ରୁମ୍‌ରେ ପଶିବା ମାତ୍ରେ ଛୁରି ଭୁସି ଦେଇଥିଲେ ।

ଜାହୋଙ୍କ ଦେହର ଏକାଧିକ ସ୍ଥାନ କ୍ଷତାକ୍ତ ହୋଇଥିଲା । ତେବେ ଛୁରିମାଡ଼ ପରେ ଉଦାରତା ଦେଖାଇ ସ୍ଵାମୀଙ୍କୁ କ୍ଷମା କରି ଦେଇଛନ୍ତି ଜାହୋ । ସେ କହିଛନ୍ତି, "ଆମ ବିବାହକୁ ୩୦ ବର୍ଷରୁ ଅଧିକ ସମୟ ବିତିଲାଣି । ଆମେ ଭିତରେ ଭଲ ସମ୍ପର୍କ ରହିଛି, କେବେ ବିବାଦ ନାହିଁ । ସ୍ଵାମୀ ବହୁତ ଭଲ, କରୁଥିବା ଆୟ ପରିବାର ହାତକୁ ଟେକି ଦିଅନ୍ତି ।"

ଏଥିସହ ପଢ଼ନ୍ତୁ: ଘର ମାଲିକର କଳା କାରନାମା, ବାଥ୍‌ରୁମ୍‌ ବଲ୍‌ବରେ ଲଗାଇଥିଲେ ଗୁପ୍ତ କ୍ୟାମେରା
 
ଏହି ଛୁରାମାଡ଼ ମାମଲାର ଶୁଣାଣି ସୋଙ୍ଗୟୁଆନ୍‌ ନିଙ୍ଗଜିଆଙ୍ଗ ଜିଲ୍ଲା ପିପୁଲ୍ସ କୋର୍ଟରେ ହୋଇଛି । ଯେଉଁଠି ଜୋ ମାନିଛନ୍ତି ଘରୋଇ କଳହକୁ ନେଇ ସେ ଗତ ମାର୍ଚ୍ଚ ମାସରେ ସ୍ତ୍ରୀଙ୍କୁ ଛୁରାମାଡ଼ କରିଥିଲେ । ଆଉ ମାମଲାରେ କୋର୍ଟ, ଜୋଙ୍କୁ ୧୦ ବର୍ଷ ୬ ମାସ ଜେଲ୍ ଦଣ୍ଡାଦେଶ ଶୁଣାଇଛନ୍ତି ।