'ମାମା, ଏମିତି କରନ୍ତିନି, ଛାଡିଦିଅ ତାଙ୍କୁ' । ଭାଇରାଲ ହେଉଥିବା ଭିଡିଓରେ ପୁଅଟିର ଏମିତି କିଛି କଥା ଶୁଣିବାକୁ ମିଳିଛି । ଆଉ ଭିଡିଓରେ ଜଣେ ସ୍ତ୍ରୀ ଲୋକ ଆଉ ଜଣେ ବୟସ୍କ ସ୍ତ୍ରୀ ଲୋକକୁ ନୃଶଂସ ଭାବେ ପିଟିବାକୁ ଲାଗିଛନ୍ତି । ପଞ୍ଜାବ ଗୁରୁଦାସପୁରର ଏମିତି ଏକ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ, ମହିଳା ଜଣକ ନିଜର ଶାଶୁ ମାଆଙ୍କ ଚୁଟି ଖୁବ ଜୋରରେ ଝିଙ୍କିବା, ତାଙ୍କୁ ହାତରେ ମାରିବା, ଚାପୁଡା ମାରିବାର ଦୃଶ୍ୟ ଦେଖିବାକୁ ମିଳିଛି । ଆଉ ତାକୁ ନିଜ ଫୋନରେ ରେକର୍ଡ କରିଛି ମାଡ ମାରୁଥିବା ମହିଳାଙ୍କ ପୁଅ ।

ପୁଅର କହିବା ମୁତାବକ, ଏ ଘଟଣା କେବଳ ଆଜିର ନୁହେଁ, ପୂର୍ବରୁ ମଧ୍ୟ ଏମିତି ଅନେକ ଥର ନିଜ ଶାଶୁ ମାଆଙ୍କୁ ପିଟିଛନ୍ତି ମହିଳାଜଣକ । ଗୁରୁଦାସପୁରର ଏହି ମହିଳା ଜଣକ ହେଉଛନ୍ତି ହର୍‌ଜିତ କୌର । ସେ ନିଜର ଶାଶୁ ମା' ଗୁର୍‌ବଜନ କୌରଙ୍କୁ ଚୁଟି ଘୋଷାଡି ମାଡ ମାରୁଥିବା ଦେଖିବାକୁ ମିଳିଛି । ଆଉ ତାଙ୍କର ନାତି ନିଜ ମାଆଙ୍କୁ ଅଟକାଇବାକୁ ଚେଷ୍ଟା କରୁଥିଲେ ମଧ୍ୟ ଶୁଣୁନଥାନ୍ତି ମହିଳାଜଣକ । ପୁଣି ନିଜର ଶାଶୁଙ୍କୁ ଖରାପ ଭାଷାରେ ଗାଳି କରୁଛନ୍ତି । ପୁଣି ଏକ ଷ୍ଟିଲ ଗ୍ଲାସରେ ତାଙ୍କୁ ପିଟୁଥିବାର ଦେଖିବାକୁ ମିଳିଛି ।

Old helpless mother was beaten up by the daughter in law in Gurdaspur . Sou Moto was issued immediately and strict action will be taken.
Elder’s safety , their rights and protection is commission’s priority. #RespectElders #Families #WomenSafety #PSWC #Punjab pic.twitter.com/ZCFhoDH45Q

— Raj Gill (@rajlali) October 1, 2025

ଏପରି ଘଟଣାକୁ ନେଇ ପୋଲିସ ଥାନାରେ ତାଙ୍କର ନାତି ଚରତବୀର ସିଂ ଅଭିଯୋଗ କରିଛନ୍ତି । ଅଭିଯୋଗରେ ତାଙ୍କର ଜେଜେମା ପୋଲିସକୁ କହିଛନ୍ତି , ତାଙ୍କର ବୋହୁ ହର୍‌ଜିତ ତାଙ୍କୁ ତାଙ୍କର ସମ୍ପତ୍ତିକୁ ନିଜ (ହର୍‌ଜିତ) ନାଁରେ କରିବାକୁ ବାଧ୍ୟ କରୁଛନ୍ତି ।

ଅଧିକ ପଢନ୍ତୁ : ୭୫ ବର୍ଷରେ କରିଥିଲେ ବିବାହ, ହେଲେ ପ୍ରଥମ ରାତି ପରେ ଚାଲିଗଲା ଜୀବନ

ତାଙ୍କର ନାତି ଚରତବୀର କହିଛନ୍ତି, "ତାଙ୍କ ମା' ଜଣେ ମଦ୍ୟପ ଅଟନ୍ତି । ଅନେକ ସମୟରେ ସେ ନିଶାରେ ରହି ଜେଜେମାଙ୍କୁ ପିଟିଥାନ୍ତି । କେବଳ ଜେଜେମା ନୁହେଁ, ତାଙ୍କୁ ବି ପିଟନ୍ତି ତାଙ୍କ ମାଆ । ଆଉ ତାଙ୍କ ବାପାଙ୍କ ସହ ଅନେକ ସମୟରେ ଝଗଡା କରିଥାନ୍ତି । ଡ୍ରଗ୍ସ ବି ନେଇଥାନ୍ତି ମାଆ । ଆଉ ତାଙ୍କ ବାପାଙ୍କୁ ମଧ୍ୟ ମଦ ପିଇବାକୁ ବାଧ୍ୟ କରୁଥିବା କହିଛନ୍ତି ଚରତବୀର ।

ଅଧିକ ପଢନ୍ତୁ : ୨୦୦ ବର୍ଷ ତଳର ଅଭିଶାପ, ଆଜି ବି ଏଠାରେ ଶାଢୀ ପିନ୍ଧି ଗର୍ବା ଖେଳନ୍ତି ପୁରୁଷ, ଜାଣନ୍ତୁ ପୁରା କାହଣୀ...

ତେବେ ଚରତବୀର ଆହୁରି ମଧ୍ୟ କହିଛନ୍ତି, ଯଦି ସେ ଏହି ଆକ୍ରମଣ ବେଳର ଭିଡିଓ ରଖିନଥାନ୍ତେ , ତାହେଲେ ପୋଲିସକୁ କୌଣସି ପ୍ରମାଣ ଦେଖାଇ ପାରିନଥାନ୍ତେ । ଆଉ ଏକ ଭିଡିଓ ମଧ୍ୟ ସେ ଶେୟାର କରିଛନ୍ତି, ଯେଉଁଥିରେ ତାଙ୍କ ମାଆ ତାଙ୍କ ବାପାଙ୍କୁ ଚପଲରେ ପିଟୁଛନ୍ତି । ପୁଣି ଆଉ ଏକ ଭିଡିଓରେ ତାଙ୍କୁ ତାଙ୍କ ଜେଜେମାଙ୍କ ଠାରୁ ଅଲଗା କରିବା ପାଇଁ ଏକ କୋଠରୀରେ ବନ୍ଦ କରି ରଖିଛନ୍ତି ।

ନିଜ ମାଆ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯାଉ ବୋଲି ସେ ପୋଲିସକୁ ଅଭିଯୋଗ କରିଛନ୍ତି ।