ଅମିତାଭ ବଚ୍ଚନ ହେଉଛନ୍ତି ବଲିଉଡର ଜଣେ ଆଗ ଧାଡିର ଅଭିନେତା। ଗମ୍ଭୀର ସ୍ୱର, ଅଧିକ ହାଇଟ୍‌ ଏବଂ ସୁନ୍ଦର ଅଭିନୟ। ଯେଉଁ କାରଣ ପାଇଁ ଆଜି ସେ ଛୋଟଠାରୁ ବୁଢ଼ା ପର୍ଯ୍ୟନ୍ତ ସମସ୍ତଙ୍କ ହୃଦୟରେ ରାଜ କରନ୍ତି। ତାଙ୍କର ପୂରାନାମ ଅମିତାଭ ହରିବଂଶ ରାୟ ଶ୍ରୀବାସ୍ତବ ବଚ୍ଚନ । ସେ ୧୯୪୨ ମସିହା ଅକ୍ଟୋବର ମାସ ୧୧ ତାରିଖରେ ଭାରତର ଉତ୍ତର ପ୍ରଦେଶଠାରେ ଜନ୍ମଗ୍ରହଣ କରିଥିଲେ । ୧୯୬୯ ମସିହା ନଭେମ୍ବର ମାସ ୭ ତାରିଖରେ ମୁକ୍ତିଲାଭ କରିଥିବା ସାତ୍ ହିନ୍ଦୁସ୍ତାନୀ ହେଉଛି ତାଙ୍କ ଅଭିନୀତ ପ୍ରଥମ ଚଳଚ୍ଚିତ୍ର । ୧୯୭୦ ଦଶକର ପ୍ରଥମାର୍ଦ୍ଧରେ ଜଞ୍ଜିର୍ ଓ ଦିୱାର୍ ଭଳି ଚଳଚ୍ଚିତ୍ରରେ ତାଙ୍କର ଅଭିନୟ ତାଙ୍କୁ ଲୋକପ୍ରିୟ କରାଇଥିଲା । ତା ସହ ତାଙ୍କର ହେୟାର ଷ୍ଟାଇଲ ମଧ୍ୟ ହଇଚଇ ସୃଷ୍ଟି କରିଥିଲା।

କିନ୍ତୁ ଆପଣ କ'ଣ ଜାଣନ୍ତି କି ସେତେବେଳେ ତାଙ୍କର ହେୟାର ଷ୍ଟାଇଲ କିଏ ଡିଜାଇନ୍ କରିଥିଲେ? ଭାରତୀୟ ସିନେମାର ଶ୍ରେଷ୍ଠ ଷ୍ଟାଇଲିଷ୍ଟ ଆଲିମ ହକିମଙ୍କ ପିତା ହକିମ କୈରାନଭି ଥିଲେ। ସେ ତାଙ୍କ ସମୟର ଜଣେ ମହାନ ଷ୍ଟାଇଲିଷ୍ଟ ଥିଲେ। ସେ ୧୯୭୦ ଦଶକରେ ଅମିତାଭ ବଚ୍ଚନଙ୍କୁ ଏକ ଅନନ୍ୟ ହେୟାର ଷ୍ଟାଇଲ ଦେଇଥିଲେ । ଆଲିମ ହକିମଙ୍କ ପିତାଙ୍କ ଅନେକ ସ୍ମୃତି ଅଛି, କିନ୍ତୁ ତାଙ୍କ ଶେଷ ଦିନର ଗୋଟିଏ ସ୍ମୃତି ତାଙ୍କୁ ଆଜି ବି ମନେପକାଏ।

ଆଲିମ୍ ହକିମଙ୍କ ବାପା ଥିଲେ ଅମିତାଭଙ୍କ ଲୋକପ୍ରିୟ ହେୟାର ଷ୍ଟାଇଲିଷ୍ଟ:

ଆଲିମ୍ ହକିମ କହିଥିଲେ, "ଏହି କୋଲାବରେସନ ସେବେଠାରୁ ଆରମ୍ଭ ହୋଇଥିଲା ଏବଂ ତାଙ୍କ କ୍ୟାରିଅରର ଶେଷ ପର୍ଯ୍ୟନ୍ତ ଜାରି ରହିଥିଲା। 'ଶୋଲେ', 'ଜଞ୍ଜିର', 'ଡନ୍', 'ଅମର ଆକବର ଆନ୍ଥୋନି' ଏବଂ 'ଦିୱାର' ଭଳି ଫିଲ୍ମରେ ଆପଣ ଯେଉଁ ସମସ୍ତ ଲୋକପ୍ରିୟ ହେୟାର ଷ୍ଟାଇଲିସ ଦେଖୁଛନ୍ତି, ତାହା ମୋ ବାପାଙ୍କର ଥିଲା। ଆଲିମ୍ ହକିମ୍ ତାଙ୍କ ପିତାଙ୍କ ଶେଷ ମୁହୂର୍ତ୍ତର ଏକ ଭାବପ୍ରବଣ ସ୍ମୃତି ବାଣ୍ଟିଥିଲେ। ଆଲିମ୍‌ଙ୍କ ଅନୁସାରେ, ତାଙ୍କ ବାପାଙ୍କ ଶେଷ ମୁହୂର୍ତ୍ତ ମଧ୍ୟ କାମରେ ବିତାଇଥିଲା। ସେ କାମ କରୁଥିବା ସମୟରେ ମୃତ୍ୟୁବରଣ କରିଥିଲେ। ଆଲିମ୍ କହିଥିଲେ, "ମୋ ବାପା କେଶ କାଟିବା ସମୟରେ ମୃତ୍ୟୁବରଣ କରିଥିଲେ। ତାଙ୍କ ଜୀବନର ଶେଷ ହେୟା ଷ୍ଟାଇଲିସ୍‌ ଅମିତଜୀଙ୍କର ଥିଲା। ସେ ହୃଦଘାତର ଶିକାର ହେବା ସମୟରେ ତାଙ୍କ କେଶ କାଟୁଥିଲେ। ଏହା 'ମର୍ଦ୍ଦ'ର ସୁଟିଂ ସମୟରେ ଘଟିଥିଲା। ସେତେବେଳେ ତାଙ୍କର ବୟସ ୩୯ ବର୍ଷ ଥିଲା। ତାଙ୍କ ବାପାଙ୍କ ମୃତ୍ୟୁ ସମୟରେ ସେ କେବଳ ୭ ବର୍ଷ ବୟସର ଥିଲେ। ବାପା ଚାଲିଗଲା ପରେ ଘରେ କେବଳ ୧୩ ଟଙ୍କା ଥିଲା। ସେତେବେଳେ ଇଣ୍ଡଷ୍ଟ୍ରିରେ କେହି ତାଙ୍କୁ ସାହାଯ୍ୟ କରି ନଥିଲେ।

ଏଥିସହ ପଢ଼ନ୍ତୁ: ଅମିତାଭଙ୍କୁ ଇସିତ୍ କହିଲେ “ମୋତେ ରୁଲ୍ ଜଣା, ଆପଣ ବୁଝେଇବା ଦରକାର ନାହିଁ”

ଆଲିମ ଆହୁରି ମଧ୍ୟ କହିଛନ୍ତି ଯେ ତାଙ୍କ ବାପା ୭୦ ଦଶକର ସମସ୍ତ ବଡ଼ ତାରକାଙ୍କ କେଶ କାଟିଥିଲେ। ଏଥିରେ ଦିଲୀପ କୁମାର, ଜିତେନ୍ଦ୍ର ଏବଂ ଶତ୍ରୁଘ୍ନ ସିହ୍ନାଙ୍କ ଭଳି ନାମ ମଧ୍ୟ ସାମିଲ ଥିଲା। "କେବଳ ଭାରତୀୟ ଅଭିନେତା ନୁହେଁ, ବରଂ ଅନ୍ତର୍ଜାତୀୟ ତାରକାମାନେ ମଧ୍ୟ ଯେତେବେଳେ ଭାରତ ଆସିଥିଲେ, ମୋ ବାପାଙ୍କ ପାଖରେ ସେମାନେ କେଶ କାଟିଥିଲେ।

"ଏକ ସାକ୍ଷାତକାରରେ ଅମିତାଭ ବଚ୍ଚନଙ୍କ ସହିତ ତାଙ୍କ ପିତାଙ୍କ ସହ ଥିବା ସମ୍ପର୍କ ବିଷୟରେ କହିଥିଲେ "ମୋ ପିତା ତାଙ୍କର ପ୍ରଥମ ଚଳଚ୍ଚିତ୍ର ପରେ ବଚ୍ଚନ ସାହେବଙ୍କ ସହିତ କାମ କରିବା ଆରମ୍ଭ କରିଥିଲେ। 'ସାତ ହିନ୍ଦୁସ୍ତାନୀ' ପରେ ସେ ଯାହା କରିଥିଲେ ତାହା ମୋ ପିତା କରିଥିଲେ।" 'ରେଶମା ଔର ଶେରା' ଅମିତଜୀଙ୍କ ଦ୍ୱିତୀୟ ଚଳଚ୍ଚିତ୍ର ଥିଲା, ଏବଂ ଏଥିରେ ସୁନୀଲ ଦତ୍ତ ଅଭିନୟ କରିଥିଲେ, ଯିଏ ମୋ ବାପାଙ୍କ କ୍ଲାଏଣ୍ଟ ଥିଲେ। ତେଣୁ, ଦତ୍ତ ସାହେବ ମୋ ବାପାଙ୍କୁ ତାଙ୍କ ସହିତ ପରିଚିତ କରାଇଲେ।

ଅଧିକ ପଢ଼ନ୍ତୁ ମନୋରଞ୍ଜନ ଖବର: