ଆର୍ଯ୍ୟନଙ୍କ ପିଛା ଛାଡୁନି ବିବାଦ। ଗୋଟିଏ ପରେ ଗୋଟିଏ ବିବାଦକୁ ନେଇ ଛନ୍ଦି ହୋଇଯାଉଛନ୍ତି କିଙ୍ଗ ଖାନଙ୍କ ପୁଅ ଆର୍ଯ୍ୟନ ଖାନ । ପ୍ରଥମେ ଡ୍ରଗ୍ସ ମାମଲା, ତା’ପରେ ‘ବ୍ୟାଡ୍ସ ଅଫ ବଲିଉଡ’ରେ ତାଙ୍କ ଭୂମିକାକୁ ନେଇ ବିବାଦ ଏବଂ ଏବେ ଏକ ଭାଇରାଲ ଭିଡିଓ ଆର୍ଯ୍ୟନ ଖାନଙ୍କୁ ପୁଣି ଥରେ ସମସ୍ୟାରେ ପକାଇଛି। ପ୍ରକୃତରେ, ଆର୍ଯ୍ୟନ ଖାନଙ୍କ ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ସେ ବେଙ୍ଗାଲୁରୁର ଏକ ପବ୍‌ରେ ଦେଖିବାକୁ ମଳିଥିଲା। ଏକ ସାର୍ବଜନୀନ କାର୍ଯ୍ୟକ୍ରମରେ ପ୍ରବଳ ଭିଡ଼ ଥିଲା।ଭିଡ଼ ଭିତରେ ସମସ୍ତଙ୍କ ସାମ୍ନାରେ ନିଜର ମଧ୍ୟମ ଆଙ୍ଗୁଠି ଦେଖାଇଥିଲେ। ଯାହାକୁ ନେଇ ସୋସିଆଲ ମିଡିଆରେ ଅଭିଯୋଗ ହୋଇଛି।

ଭାଇରାଲ ଭିଡିଓ କେବଳ ଜନସାଧାରଣଙ୍କ କ୍ରୋଧ ସୃଷ୍ଟି କରିନାହିଁ, ବରଂ ତାଙ୍କ ବିରୁଦ୍ଧରେ ବେଙ୍ଗାଲୁରୁର ଏକ ପୋଲିସ ଷ୍ଟେଶନରେ ଅଭିଯୋଗ ମଧ୍ୟ ଦାୟର କରାଯାଇଛି। ଜାତୀୟ ଗଣମାଧ୍ୟମ ସୂଚନାନୁସାରେ, ସାଙ୍କେ ରୋଡର ବାସିନ୍ଦା ଏବଂ ପେଶାରେ ଜଣେ ଓକିଲ ୱୈଜ ହୁସେନ ଏସ, ପୋଲିସ ମହାନିର୍ଦ୍ଦେଶକ, ବେଙ୍ଗାଲୁରୁ ସହର ପୋଲିସ କମିଶନର, ଡିସିପି, କ୍ୟୁବନ ପାର୍କ ପୋଲିସ ଷ୍ଟେଶନ ଏବଂ କର୍ଣ୍ଣାଟକ ରାଜ୍ୟ ମହିଳା କମିଶନଙ୍କ ନିକଟରେ ଅଭିଯୋଗ ଦାୟର କରିଛନ୍ତି।

ସେ ସାର୍ବଜନୀନ ସ୍ଥାନରେ ଅଶ୍ଳୀଳ କାର୍ଯ୍ୟ କରିବା ପାଇଁ ଆର୍ଯ୍ୟନ ଖାନଙ୍କ ବିରୁଦ୍ଧରେ ଏଫଆଇଆର ଦାୟର କରିବାକୁ ଦାବି କରିଛନ୍ତି। ଏହି ଘଟଣାକୁ ନେଇ ବର୍ତ୍ତମାନ ପର୍ଯ୍ୟନ୍ତ ଶାହାରୁଖ ଖାନଙ୍କ ପକ୍ଷରୁ କୌରସି ପ୍ରତିକ୍ରିୟା ମିଳିପାରିନାହିଁ। ଓୱେସ ହୁସେନ ଏସଙ୍କ ଅଭିଯୋଗକୁ ଲକ୍ଷ୍ୟ କରିବା ପରେ, ପୋଲିସ ଡେପୁଟି କମିଶନର କହିଛନ୍ତି ଯେ, ସୋସିଆଲ ମିଡିଆ ପୋଷ୍ଟ ଏବଂ ସେମାନଙ୍କୁ ମିଳିଥିବା ପବ୍‌ର ଫୁଟେଜ ଆଧାରରେ ସେମାନେ ତଦନ୍ତ ଆରମ୍ଭ କରିଛନ୍ତି ।

ଏଥିସହ ପଢ଼ନ୍ତୁ: ଶ୍ୱଶୁରଙ୍କ ବିନା ଘର ଅଧୁରା, ଇମୋସନାଲ ହେଲେ ରଣବୀର-ଆଲିଆ

ରିପୋର୍ଟଗୁଡ଼ିକ ସୂଚିତ କରୁଛି ଯେ, ଆର୍ଯ୍ୟନ ଖାନ ଏହି ଇଙ୍ଗିତ କରିବା ସମୟରେ ପବ୍‌ରେ ଅନେକ ମହିଳା ଉପସ୍ଥିତ ଥିଲେ। ସେ ଦାବି କରିଛନ୍ତି ଯେ ଏହା ମହିଳାଙ୍କ ଭଦ୍ରତାର ଅପମାନ ଏବଂ ଭାରତୀୟ ଦଣ୍ଡ ସଂହିତା (ଆଇପିସି) ର ପ୍ରାସଙ୍ଗିକ ବ୍ୟବସ୍ଥା ଅଧୀନରେ। ଓକିଲ ଆହୁରି ଅଭିଯୋଗ କରିଛନ୍ତି ଯେ ଏହି ସାର୍ବଜନୀନ ଅପମାନ, ଲଜ୍ଜା ଏବଂ ଭାବପ୍ରବଣ ଯନ୍ତ୍ରଣା ସୃଷ୍ଟି କରୁଛି। ସେ ଆହୁରି ଅଭିଯୋଗ କରିଛନ୍ତି ଯେ ଏହା ବେଙ୍ଗାଲୁରୁର ସ୍ବଚ୍ଛ ପ୍ରତିଛବିକୁ କ୍ଷୁର୍ଣ୍ଣ କରେ।

ଅଧିକ ପଢ଼ନ୍ତୁ ମନୋରଞ୍ଜନ ଖବର: