Donald Trump on Nobel / ନୋବେଲ ନ ମିଳିବା ପରେ ମୁହଁ ଖୋଲିଲେ ଟ୍ରମ୍ପ; କହିଲେ, ମୁଁ ହିଁ ଅସଲୀ ହକ୍ଦାର
Key Points
ଟ୍ରମ୍ପ ନୁହେଁ ମାରିଆ ମଚାଡୋଙ୍କୁ ମିଳିଲା ନୋବେଲ ପୁରସ୍କାର । ଏହାପରେ ପ୍ରଥମ ଥର ପାଇଁ ମୁହଁ ଖୋଲିଲେ ଟ୍ରମ୍ପ । କହିଲେ, ମୁଁ ନୋବେଲ ପାଇବା ପାଇଁ ଅସଲୀ ହକ୍ଦାର।
ଶୁକ୍ରବାର ନୋବେଲ ଶାନ୍ତି ପୁରସ୍କାର ଘୋଷଣା କରାଯାଇଛି । ଏଥର ଭେନେଜୁଏଲାର ବିରୋଧୀ ଦଳ ନେତା ମାରିଆ କୋରିନା ମଚାଡୋଙ୍କୁ ନୋବେଲ ଶାନ୍ତି ପୁରସ୍କାର ମିଳିଛି । ଭେନେଜୁଏଲା ଲୋକଙ୍କ ଗଣତାନ୍ତ୍ରିକ ଅଧିକାରକୁ ପ୍ରୋତ୍ସାହିତ କରିବା, ଏକଛତ୍ରବାଦରୁ ଗଣତନ୍ତ୍ରକୁ ନ୍ୟାୟପୂର୍ଣ୍ଣ ଏବଂ ଶାନ୍ତିପୂର୍ଣ୍ଣ ପରିବର୍ତ୍ତନ ପାଇଁ ତାଙ୍କ ସଂଘର୍ଷ ପାଇଁ ମାରିଆ ମଚାଡୋଙ୍କୁ ନୋବେଲ ଶାନ୍ତି ପୁରସ୍କାର ମିଳିଛି ।
ତେବେ ଏହି ପୁରସ୍କାର ଘୋଷଣା କରିବା ପରେ ପ୍ରଥମ ଥର ପାଇଁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନୋବେଲ ଶାନ୍ତି ପୁରସ୍କାର ନ ମିଳିବା ନିଷ୍ପତ୍ତି ଉପରେ ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି ଯେ ଭେନେଜୁଏଲାର ବିରୋଧୀ ନେତା ମାରିଆ କୋରିନା ମଚାଡୋ ଏହାକୁ ମୋତେ ଉତ୍ସର୍ଗ କରିଛନ୍ତି ।
ଅଧିକ ପଢ଼ନ୍ତୁ: ଭାରତରେ ଲଗାତାର କମୁଛି ହିନ୍ଦୁଙ୍କ ସଂଖ୍ୟା, ବାଂଲାଦେଶୀ-ରୋହିଙ୍ଗ୍ୟା ଅନୁପ୍ରବେଶ ଏହାର ମୁଖ୍ୟ କାରଣ
ଗଣମାଧ୍ୟମ ସହିତ ଆଲୋଚନା କରି ଟ୍ରମ୍ପ କହିଛନ୍ତି, ‘ଯେଉଁ ବ୍ୟକ୍ତି ପ୍ରକୃତରେ ନୋବେଲ ପୁରସ୍କାର ପାଇଛନ୍ତି ସେ ଆଜି ମୋତେ ଫୋନ୍ କରି କହିଛନ୍ତି, 'ମୁଁ ତୁମ ସମ୍ମାନରେ ଏହାକୁ ଗ୍ରହଣ କରୁଛି କାରଣ ତୁମେ ପ୍ରକୃତରେ ଏହାର ଯୋଗ୍ୟ । ଯାହା ବହୁତ ଭଲ ।"
📱 Get Argus News App
✨
ଏହାପରେ ଟ୍ରମ୍ପ ମଜାରେ କରି ଆହୁରି କହିଛନ୍ତି, "ତଥାପି, ମୁଁ ସେତେବେଳେ ମାରିଆଙ୍କ କହିନଥିଲେ ଯେ ଏହି ପୁରସ୍କାରକୁ ମୋତେ ଦିଅ । ସେହିପରି ସେ ଆହୁରି କହିଛନ୍ତି ମୁଁ ଲକ୍ଷ ଲକ୍ଷ ଜୀବନ ବଞ୍ଚାଇଥିବାରୁ ବହୁତ ଖୁସି ।
ନୋବେଲ ପୁରସ୍କାର ବିଜେତା ମାରିଆ କୋରିନା ମଚାଡୋ ତାଙ୍କର ନୋବେଲ ଶାନ୍ତି ପୁରସ୍କାର କେବଳ ଭେନେଜୁଏଲାର ଲୋକଙ୍କୁ ନୁହେଁ ବରଂ ରାଷ୍ଟ୍ରପତି ଟ୍ରମ୍ପଙ୍କୁ ମଧ୍ୟ ଉତ୍ସର୍ଗ କରିଛନ୍ତି । ସୋସିଆଲ ମିଡିଆରେ ଏକ ପୋଷ୍ଟରେ ସେ ଲେଖିଛନ୍ତି, "ଭେନେଜୁଏଲାର ପୀଡିତ ଲୋକଙ୍କ ଏବଂ ଆମର ଉଦ୍ଦେଶ୍ୟକୁ ନିର୍ଣ୍ଣାୟକ ସମର୍ଥନ କରିବା ପାଇଁ ମୁଁ ରାଷ୍ଟ୍ରପତି ଟ୍ରମ୍ପଙ୍କୁ ଏହି ପୁରସ୍କାର ଉତ୍ସର୍ଗ କରୁଛି।"
ପୂର୍ବରୁ, ହ୍ୱାଇଟ୍ ହାଉସ୍ ନୋବେଲ କମିଟିର ନିଷ୍ପତ୍ତିକୁ ସମାଲୋଚନା କରିଥିଲା, ଦାବି କରିଥିଲା ଯେ ରାଜନୀତି ଯୋଗ୍ୟତା ଅପେକ୍ଷା ଅଧିକ ଭୂମିକା ଗ୍ରହଣ କରିଥାଏ । ହ୍ୱାଇଟ୍ ହାଉସ୍ ମୁଖପାତ୍ର ଷ୍ଟିଭେନ୍ ଚେଉଙ୍ଗ୍ ସୋସିଆଲ ମିଡିଆରେ କହିଛନ୍ତି, "ରାଷ୍ଟ୍ରପତି ଟ୍ରମ୍ପ ଶାନ୍ତି ଚୁକ୍ତିନାମା, ଯୁଦ୍ଧ ଶେଷ କରିବା ଏବଂ ଜୀବନ ରକ୍ଷା କରିବା ପାଇଁ ମଧ୍ୟସ୍ଥତା ଜାରି ରଖିବେ । ତାଙ୍କର ମାନବିକ ହୃଦୟ ଅଛି ଏବଂ ତାଙ୍କ ପରି କେହି ହେବେ ନାହିଁ।"
ବିଶ୍ୱବ୍ୟାପୀ ସଂଘର୍ଷ ସମାପ୍ତ କରିବା ପାଇଁ ତାଙ୍କ ପ୍ରୟାସକୁ ଉଦ୍ଧୃତ କରି ଟ୍ରମ୍ପ୍ ଦୀର୍ଘ ସମୟ ଧରି କହିଥିଲେ ଯେ ସେ ନୋବେଲ୍ ଶାନ୍ତି ପୁରସ୍କାର ପାଇବାକୁ ଯୋଗ୍ୟ । ସେ ଇସ୍ରାଏଲ୍ ଏବଂ ଗାଜା, ଭାରତ ଏବଂ ପାକିସ୍ତାନ ସମେତ ଆଠଟି ଶାନ୍ତି ଚୁକ୍ତିନାମା ପାଇଁ ମଧ୍ୟସ୍ଥତା କରିଥିବାରୁ ତାଙ୍କୁ ନୋବେଲ ପୁରସ୍କାର ମିଳିବା ଉଚିତ୍ ବୋଲି କହିଥିଲେ ।
Related Topics
Explore more stories