ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ 'ଭାରତ ପାଖରେ ଋଣୀ' ବୋଲି କହିଛନ୍ତି । ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଇସ୍ରାଏଲ ଗସ୍ତ କରିଥିଲେ । ଏହି ସମୟରେ ନେତାନ୍ୟାହୁ ପ୍ରେସ୍ କନଫରେନ୍ସରେ ଯୋଗଦେଇ ନିଜ ଲଭ୍ ଲାଇଫର ଖୁଲାସା କରି ପୁରୁଣା ସ୍ମୃତିକୁ ତାଜା କରିଛନ୍ତି । କିପରି ସେ ପତ୍ନୀ ସାରାଙ୍କୁ ଏକ ରେସ୍ତୋରାଁରେ ଭେଟିଥିଲେ ଓ ଏହା ସହିତ ଭାରତର କନେକ୍ସନ ଥିବା କହି ସେ ନିଜକୁ ଦେଶ ନିକଟରେ ଋଣୀ ବୋଲି କହିଛନ୍ତି ।

• ଟେବୁଲ୍ ନମ୍ବର-୮

ଇସ୍ରାଏଲ ପ୍ରଧାନମନ୍ତ୍ରୀ ନେତାନ୍ୟାହୁ ନିଜ ଯୁବାବସ୍ଥାର ସେହି ମୁହୂର୍ତ୍ତକୁ ମନେ ପକାଇଛନ୍ତି, ଯେତେବେଳେ ସେ ପ୍ରଥମ ଥର ଲାଗି ପତ୍ନୀ ସାରାଙ୍କୁ ଏକ ଭାରତୀୟ ରେସ୍ତୋରାଁରେ ଭେଟିଥିଲେ । ଉକ୍ତ ରେସ୍ତୋରାଁର ଖାଦ୍ୟ ଏତେ ସ୍ଵାଦିଷ୍ଟ ଥିଲା ଯେ, ପତ୍ନୀ ସାରା ମୁଗ୍ଧ ହୋଇ ପ୍ରଥମ ଦେଖାରେ ତାଙ୍କୁ ନିଜର କରିନେଇଥିଲେ ।

#WATCH | Jerusalem, Israel: Speaking candidly at the joint press statement with PM Modi, Israeli PM Benjamin Netanyahu says, "...I owe India a great personal debt. When I met Sara (his wife) for the first time, I think our first or second date was in an Indian restaurant in Tel… pic.twitter.com/egTANLKbHL

— ANI (@ANI) February 26, 2026

ପ୍ରଧାନମନ୍ତ୍ରୀ ମୋଦିଙ୍କ ସହିତ ଜଏଣ୍ଟ ପ୍ରେସ୍ କନଫରେନ୍ସରେ ନେତାନ୍ୟାହୁ କହିଥିଲେ, "ମୋ ଉପରେ ଭାରତର ଏକ ବଡ଼ ବ୍ୟକ୍ତିଗତ ଋଣ ଅଛି । ଯେତେବେଳେ ମୁଁ ପ୍ରଥମ ଥର ଲାଗି ସାରାଙ୍କୁ ଭେଟିଥିଲି, ମୋତେ ଲାଗୁଛି ଆମର ପ୍ରଥମ କିମ୍ବା ଦ୍ଵିତୀୟ ଡେଟ୍ ତେଲ ଅଭିଭର ଏକ ଇଣ୍ଡିଆନ୍ ରେଷ୍ଟୁରାଣ୍ଟରେ ହୋଇଥିଲା । ସାରା ପ୍ରଥମ ଥର ଲାଗି ଭାରତୀୟ ଖାଦ୍ୟ ଖାଇଥିଲେ । ସେଠାକାର ଖାଦ୍ୟ ବହୁତ ସ୍ଵାଦିଷ୍ଟ ଥିଲା । ଏଥିଲାଗି ଉକ୍ତ ଡେଟ୍ ଆମର ସଫଳ ହୋଇଥିଲା । "

• କିଏ ଇସ୍ରାଏଲର 'କରି କ୍ଵିନ୍' ?

ସେହି ଭାରତୀୟ ରେସ୍ତୋରାଁକୁ ରୀନା ପୁଷ୍କରଣା ଚଲାଉଥିଲେ । ଇସ୍ରାଏଲର 'କରି କ୍ଵିନ୍' ଭାବେ ଜଣାଶୁଣା ରୀନା ଭାରତୀୟ ବଂଶୋଦ୍ଭବ ହୋଇଥିବାବେଳେ ଜଣେ ପ୍ରସିଦ୍ଧ ସେଫ୍ ଓ ମହିଳା ବ୍ୟବସାୟୀ । ଇସ୍ରାଏଲ ଲୋକଙ୍କୁ ଭାରତୀୟ ଖାଦ୍ୟ ଚଖାଇବାର ଶ୍ରେୟ ତାଙ୍କୁ ଯାଏ ବୋଲି ନେତାନ୍ୟାହୁ ଉକ୍ତ କନଫରେନ୍ସରେ ମୋଦିଙ୍କୁ ଅବଗତ କରାଇଥିଲେ । ରୀନାଙ୍କ କହିବାନୁସାରେ ନେତାନ୍ୟାହୁ ଭାରତୀୟ ଖାଦ୍ୟର ଜଣେ ବଡ଼ ପ୍ରଶଂସକ । ସେ ପ୍ରତି ୨ ସପ୍ତାହରେ ଥରେ ଭାରତୀୟ ଖାଦ୍ୟ ଅର୍ଡର କରନ୍ତି । ତାଙ୍କର ବଟର୍ ଚିକେନ୍ ଓ କଢାଇ ଚିକେନ୍ ବହୁତ ପସନ୍ଦ । 

• ମୋଦିଙ୍କ ପାଇଁ ରୀନା କରିଥିଲେ ରୋଷେଇ

ପ୍ରଧାନମନ୍ତ୍ରୀ ମୋଦି ଫେବୃଆରୀ ୨୫ ଓ ୨୬ ତାରିଖ ଦୁଇ ଦୁନିଆ ଇସ୍ରାଏଲ ଗସ୍ତ କରିଥିଲେ । ଏହି ସମୟରେ ଇସ୍ରାଏଲର ତାଙ୍କ ଲାଗି ରୀନା ଭାରତୀୟ ଶାକାହାରୀ ଖାଦ୍ୟ ରୋଷେଇ କରୁଥିଲେ । ରୀନା ଭାରତୀୟ ବଂଶୋଦ୍ଭବ ହୋଇଥିବାରୁ ତାଙ୍କୁ ଏହି ଗୁରୁ ଦାୟିତ୍ଵ ପ୍ରଦାନ କରାଯାଇଥିଲା । 

ଅଧିକ ଖବର ପଢନ୍ତୁ... ବିରୋଧୀଙ୍କ ଉପରେ ବର୍ଷିଲେ ମୋଦି, ଅନୁପ୍ରବେଶକାରୀଙ୍କୁ ବଞ୍ଚାଇବା ଲୋକେ ଆମକୁ ଦେଉଛନ୍ତି ଉପଦେଶ