ଆମେରିକାକୁ ଘନେଇଲା ବଡ଼ ବିପଦ। ୧୩ ବର୍ଷର ଝିଅ ହାତରେ ସବୁ ଦାୟିତ୍ୱ।ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍ ଜଙ୍ଗ ଉନ୍ ତାଙ୍କ ୧୩ ବର୍ଷୀୟ ଝିଅକୁ ଏକ ଗୁରୁତ୍ୱପୂର୍ଣ୍ଣ ଦାୟିତ୍ୱ ଦେଇଛନ୍ତି। କିମ ତ୍ତରାଧିକାରୀ ପ୍ରସଙ୍ଗକୁ ନେଇ ହଲଚଲ। ଉତ୍ତର କୋରିଆରେ ବଡ଼ ଲଢ଼େଇ ହେବାକୁ ଯାଉଛି। କ୍ଷମତା ପାଇଁ ସଂଘର୍ଷ। କିମଙ୍କ ଭଉଣୀ ବନାମ କିମ ଝିଅ। ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍ ଜୋଙ୍ଗ-ଉନଙ୍କ ୧୩ ବର୍ଷୀୟା ଝିଅ କିମ୍ ଜୁ-ଏ ଏବଂ ଏକଛତ୍ରବାଦୀଙ୍କ ଭଉଣୀ କିମ୍ ୟୋ-ଜଙ୍ଗଙ୍କ ମଧ୍ୟରେ ଚାଲିଛି।

ଏହି ଯୁଦ୍ଧରେ ଯିଏ ବାଜିମାତ କରିବ ସେ ଭବିଷ୍ୟତରେ କିମ୍ ଜୋଙ୍ଗ-ଉନଙ୍କ କ୍ଷମତାର ଉତ୍ତରାଧିକାରୀ ହେବ। ଯଦି ଝିଅ ହାତକୁ କ୍ଷମତା ଆସେ, ତାହାହେଲେ ଟ୍ରମ୍ପଙ୍କ ପାଇଁ ବିପଦ ଆସିବା ଥୟ। ୧୩ ବର୍ଷର ଝିଅ। ଏବେ ଆମେରିକାକୁ ଦେବ ଟକ୍କର। ଲିଟିଲ୍ କିମଙ୍କ ହାତରେ ଦେଶର ଶକ୍ତିଶାଳୀ ଅସ୍ତ୍ରଭଣ୍ଡାର। ଚେତାବନୀ ଦେଲେ ବୈଦେଶିକ ବିଶେଷଜ୍ଞ। ବିଶ୍ୱ ପାଇଁ ବଡ଼ ବିପଦ।ଉତ୍ତର କୋରିଆର ମିଶାଇଲ ନିର୍ମାଣ ବିଭାଗ ମୁଖ୍ୟ ଭାବେ ତାଙ୍କୁ ନିଯୁକ୍ତ କରାଯାଇଛି। ଏନେଇ ସୂଚନା ଦେଇଛନ୍ତି ଦକ୍ଷିଣ କୋରିଆର ଗୁଇନ୍ଦା ଅଧିକାରୀ। କିମ୍ ଜଙ୍ଗ ଉନ୍ ତାଙ୍କ ଝିଅ କିମ ଜୁ ଉନଙ୍କୁ କ୍ଷେପଣାସ୍ତ୍ର ନିର୍ମାଣର ଦାୟିତ୍ୱ ଦେଇଛନ୍ତି। ଉତ୍ତର କୋରିଆର ସୁରକ୍ଷା ପାଇଁ ଏକ ଗୁରୁତ୍ୱପୂର୍ଣ୍ଣ ବିଭାଗରେ ତାଙ୍କ ଝିଅକୁ ଦାୟିତ୍ୱ ଦେବା ପରେ ସାରା ବିଶ୍ୱରେ ବଡ଼ ହଲଚଲ।

ସେପ୍ଟେମ୍ବର ୨୦୨୫ ରେ ସେ ତାଙ୍କ ପିତାଙ୍କ ସହିତ ବେଜିଂ ଯାଇଥିଲେ । ଏହା ତାଙ୍କର ପ୍ରଥମ ବିଦେଶ ଯାତ୍ରା ଥିଲା। ସେଠାରେ, ସେ ଚୀନ୍ ନେତା ସି ଜିନପିଙ୍ଗଙ୍କୁ ଭେଟିଥିଲେ ଏବଂ ଉତ୍ତର କୋରିଆ ଦୂତାବାସରେ କାର୍ଯ୍ୟକ୍ରମରେ ଯୋଗ ଦେଇଥିଲେ। ଏହି ଘଟଣାଗୁଡ଼ିକ ସୂଚାଇ ଦେଉଛି ଯେ, କିମ୍ ଜୁ ଏ ବର୍ତ୍ତମାନ ନୀତିଗତ ମାମଲାରେ ମତାମତ ପ୍ରଦାନ କରୁଛନ୍ତି। ତାଙ୍କୁ ଦ୍ୱିତୀୟ ସର୍ବୋଚ୍ଚ ପଦାଧିକାରୀ ଭାବରେ ବିବେଚନା କରାଯାଉଛି ।ଦି ଚୋସୁନ୍ ଡେଲିର ଏକ ରିପୋର୍ଟ ଅନୁଯାୟୀ, ଉତ୍ତର କୋରିଆର ଏକଛତ୍ରବାଦୀ ଶାସକ ତାଙ୍କ ଝିଅକୁ ଏହି ଦାୟିତ୍ୱ ଦେବା ପୂର୍ବରୁ ତାଙ୍କ ନାମ ମଧ୍ୟ ପରିବର୍ତ୍ତନ କରିଥିଲେ। କିମ୍ ଜୁ ଉନ୍ କ୍ଷେପଣାସ୍ତ୍ର ନିର୍ମାଣ ବିଭାଗରେ କିମ୍ ଜୁ ହେ ନାମରେ ପରିଚିତ। ଜାପାନ, ଆମେରିକା ଏବଂ ଦକ୍ଷିଣ କୋରିଆ ଭଳି ଦେଶ ପ୍ରତି ଶତ୍ରୁତା କରୁଛି ଉତ୍ତର କୋରିଆ।

ପଢନ୍ତୁ ଏହି ଖବର: ଟ୍ରମ୍ପ ଝଟକା: ୧୦ରୁ ୧୫%କୁ ବଢ଼ିଲା ଟାରିଫ୍, ଭାରତ ଉପରେ ବଡ଼ ପ୍ରଭାବ

ଏହି ଦେଶଗୁଡ଼ିକର ମୁକାବିଲା କରିବା ପାଇଁ, ଉତ୍ତର କୋରିଆ ନିରନ୍ତର ନୂତନ କ୍ଷେପଣାସ୍ତ୍ର ବିକଶିତ କରୁଛି। ବିଶେଷଜ୍ଞ ବିଶ୍ୱାସ କରନ୍ତି ଯେ ପ୍ୟୋଙ୍ଗୟାଙ୍ଗ ବାର୍ଷିକ ପ୍ରାୟ ୫୦ କ୍ଷେପଣାସ୍ତ୍ର ଉତ୍ପାଦନ କରେ। ଉତ୍ତର କୋରିଆ ବର୍ତ୍ତମାନ ୩,୦୦୦ ରୁ ଅଧିକ କ୍ଷେପଣାସ୍ତ୍ରର ଭଣ୍ଡାର ରଖିଛି।ସମସ୍ତ କ୍ଷେପଣାସ୍ତ୍ର କିମ୍ ଜୋଙ୍ଗ ଉନଙ୍କ ତତ୍ତ୍ୱାବଧାନରେ ପରୀକ୍ଷଣ କରାଯାଏ। ଦୁର୍ବଳ ମିଶାଇଲ ନିର୍ମାଣ କରୁଥିବା ଅଧିକାରୀମାନଙ୍କୁ କିମ୍ କଠୋର ଦଣ୍ଡ ଦିଅନ୍ତି। କିମ୍ ଏବେ ଏହି କାମ ତାଙ୍କ ଝିଅକୁ ଦେଇଛନ୍ତି। ଏପରି ଅନୁମାନ କରାଯାଉଛି ଯେ କିମ୍ ଭବିଷ୍ୟତରେ ତାଙ୍କୁ ତାଙ୍କର ଉତ୍ତରାଧିକାରୀ ଘୋଷଣା କରିପାରନ୍ତି।

ମଜାଦାର କଥା ହେଉଛି, ୨୦୦୯ ମସିହାରେ କିମ୍ ଜୋଙ୍ଗ ଉନଙ୍କୁ ଉତ୍ତର କୋରିଆର ଉତ୍ତରାଧିକାରୀ ନିଯୁକ୍ତ କରାଯିବା ସମୟରେ ତାଙ୍କର ପ୍ରକୃତ ନାମ କିମ୍ ଜୋଙ୍ଗ ଓନ୍ ଥିଲା, ଯାହାକୁ ପରେ ସେ କିମ୍ ଜୁ ଉନ ଭାବରେ ପରିବର୍ତ୍ତନ କରିଥିଲେ। କୁହାଯାଉଛି ଯେ କିମ୍ ଜୁ ଏଙ୍କ ନାମ ମଧ୍ୟ ଏହି କାରଣରୁ ପରିବର୍ତ୍ତନ କରାଯାଇଛି।କିମ୍ ଜୁ ଏଙ୍କ ଜନ୍ମ ୨୦୧୩ ମସିହାରେ ହୋଇଥିଲା। ତାଙ୍କୁ ପ୍ରଥମେ ୨୦୨୨ ମସିହାରେ କିମ୍ ଜଙ୍ଗ ଉନ୍ ସାଧାରଣ ଲୋକଙ୍କ ସହ ପରିଚିତ କରାଇଥିଲେ। ଉତ୍ତର କୋରିଆରେ, କିମ୍ ଜୁ ଏଙ୍କୁ ସମ୍ମାନଜନକ ନାମରେ ସମ୍ବୋଧିତ କରାଯାଏ। ତାଙ୍କ ପିତାଙ୍କ ପରି, କିମ୍ ଜୁ ଏ ପାରମ୍ପରିକ ଶିକ୍ଷା ଉପରେ ଧ୍ୟାନ ଦିଅନ୍ତି। ଜାନୁଆରୀ ୨୦୨୬ରେ ସେ କିମ୍ ପରିବାରର ପ୍ରତୀକାତ୍ମକ ସମାଧିସ୍ଥଳ ପରିଦର୍ଶନ କରିଥିଲେ । ଏହାକୁ କିମ ଜଙ୍ଗ ଉନଙ୍କ ଉତ୍ତରାଧିକାରୀ ନେଇ ଗୁରୁତ୍ୱପୂର୍ଣ୍ଣ ସଙ୍କେତ ଭାବରେ ବିବେଚନା କରାଯାଇଥିଲା ।

ଅଧିକ ପଢ଼ନ୍ତୁ ବିଦେଶ ଖବର: ରାତି ଅଧରେ ପାକିସ୍ତାନ କଲା ତୁହାକୁ ତୁହା ଆକ୍ରମଣ: ଗଦା ହେଲା ମୃତଦେହ