Road Accident / ଦ୍ଵାଦଶ ଶ୍ରେଣୀ ଛାତ୍ର ହାତରେ କାର; ଚାଲିଗଲା ୬ ବର୍ଷ କୁନିପୁଅର ଜୀବନ

ଜଣେ ୧୨ ବର୍ଷର ଛାତ୍ର ପାଇଁ ଚାଲିଯାଇଛି ୬ ବର୍ଷ କୁନିପୁଅର ଜୀବନ । ଏହାସହିତ ଆଉ ୪ ଜଣ ଗୁରୁତର ଆହତ ହୋଇଛନ୍ତି । ଦ୍ଵାଦଶ ଶ୍ରେଣୀର ଛାତ୍ରଟି ଫ୍ୟାରୱେଲ ପାର୍ଟିରୁ ଫେରିବା ସମୟରେ ନିୟନ୍ତ୍ରଣ ହରାଇ ଏହି ସଡ଼କ ଦୁର୍ଘଟଣା ଘଟାଇଛି । ଦ୍ରୁତଗାମୀ କାରଟି ପ୍ରଥମେ ଏକ ପାର୍କ ଥିବା ବାଇକକୁ ଧକ୍କା ଦେଇଥିଲା ଓ ପରେ ଅନ୍ୟ ଲୋକଙ୍କୁ ବି ଧକ୍କା ଦେଇଥିଲା । ଏଥିରେ ଅକାଳରେ ୬ ବର୍ଷର କୁନିପୁଅର ଜୀବନ ଯାଇଛି ।

ଅଭିଯୁକ୍ତର ନାମ ହେଉି ଗୌରବ ସିଂ । ତାକୁ ୨୧ ବର୍ଷ ବୟସ । ଗୌରବ ଦୁର୍ଘଟଣା ଘଟାଇବା ପରେ ଉକ୍ତ ସ୍ଥାନରୁ ଫେରାର ମାରିଥିଲା । ହେଲେ ପୋଲିସ କାରକୁ ଜବତ କରିବା ସହ ଗୌରବକୁ ଗିରଫ କରିଛି । ଏହି ଦୁର୍ଘଟଣାଟି ଗୁରୁବାର ସନ୍ଧ୍ୟା ୬ଟାରେ ଘଟିଛି । ଏହାର ସିସିଟିଭି ଫୁଟେଜ ସାମ୍ନାକୁ ଆସିଛି । ଯେଉଁଥିରେ ଦେଖିବାକୁ ମିଳିଛି ଯେ ଦ୍ଵାଦଶ ଶ୍ରେଣୀ ଛାତ୍ର ଚଲାଉଥିବା କାରଟି ପ୍ରଥମେ ଆସି ବାଇକ୍ ରାସ୍ତାକଡ଼ରେ ରଖି ବସିଥିବା ଚାଳକଙ୍କୁ ଧକ୍କା ଦେଇଥିଲା । ଉକ୍ତ ଚାଳକ ଜଣକ ତଳେ ପଡ଼ିଯାଇଥିବାବେଳେ ସେପଟେ କାରଟି ଆଗକୁ ବଢି ଅନ୍ୟମାନଙ୍କୁ ବି ଧକ୍କା ଦେଇଥଲା ।

• ଆହତ ମାନେ କିଏ ?

ଏହି ଦୁର୍ଘଟଣାରେ ରାସ୍ତାକଡ଼ରେ ଠିଆ ହୋଇଥିବା ଅର୍ମାନ, ସାଧନା ପଟେଲ, ତାଙ୍କ ମାଆ ମୀନା ଦେବୀ ଓ ସାଧନାଙ୍କ ୬ ବର୍ଷର ପୁଅ ଦିକ୍ଷାନ୍ତଙ୍କୁ ବି କାର ଧକ୍କା ଦେଇଥିଲା । ଏହାପରେ କାରଟି ଇ-ରିକ୍ସାକୁ ଧକ୍କା ଦେଇଥିଲା, ଯେଉଁଥିରେ ରିକ୍ସା ଡ୍ରାଇଭର ଆୱାଦ ବିହାରି ବି ଆହତ ହୋଇଛନ୍ତି । କାରରେ ଗୌରବ ସହିତ ଆଉ ଜଣେ ସାଙ୍ଗ ମଧ୍ୟ ଥିଲା । ସେମାନେ ପଳାଇବାକୁ ଉଦ୍ୟମ କରୁଥିବାବେଳେ ସ୍ଥାନୀୟ ଲୋକେ ପ୍ରଥମେ ଆହତଙ୍କୁ ହସ୍ପିଟାଲରେ ଭର୍ତ୍ତି କରିଥିଲା ।

• ଚାଲିଗଲା କୁନିପୁଅର ଜୀବନ

ହେଲେ ୬ ବର୍ଷର କୁନିପୁଅ ଦୀକ୍ଷାନ୍ତ ଗୁରୁତର ଆହତ ହୋଇଥିଲା । ତାଙ୍କୁ ନିକଟସ୍ଥ ସ୍ଵାସ୍ଥ୍ୟକେନ୍ଦ୍ରକୁ ନିଆଯିବା ପରେ ସେଠାରେ ତାକୁ ମୃତ ଘୋଷଣା କରାଯାଇଛି । ସେ କେନ୍ଦ୍ରୀୟ ବିଦ୍ୟାଳୟରେ ଦ୍ଵିତୀୟ ଶ୍ରେଣୀରେ ପାଠ ପଢୁଥିଲା ।

ଲକ୍ଷ୍ନୌ ଏସିପି ରଜନୀଶ ବର୍ମା କହିଛନ୍ତି ଯେ ଆହତ ହୋଇଥିବା ଲୋକଙ୍କ ପରିବାରକୁ ଦୁର୍ଘଟଣା ସମ୍ପର୍କରେ ସୂଚନା ଦିଆଯାଇଛି । ପୋଲିସ ଅନ୍ୟ ସିସିଟିଭି ଫୁଟେଜ ମଧ୍ୟ ଯାଞ୍ଚ କରୁଛି । ପୀଡ଼ିତଙ୍କ ପରିବାର ପକ୍ଷରୁ ଏଫଆଇଆଇର ରୁଜୁ ହୋଇଛି । ପୋଲିସ ଅଭିଯୁକ୍ତ ଗୌରବକୁ ଗିରଫ କରିଛି ।

ଏଥିସହ ପଢନ୍ତୁ: ବ୍ରିଜ ଉପରୁ ୨୦ ଫୁଟ୍‌ ତଳକୁ ଓଲଟିଲା ଲୁହା ଛଡ଼ ବୋଝେଇ ଟ୍ରଲର