President Address to Nation / ରାଷ୍ଟ୍ରପତିଙ୍କ ବଡ଼ ବାର୍ତ୍ତା: ଯୁବପିଢ଼ି ହିଁ ଭାରତର ଭବିଷ୍ୟତ, ଆତଙ୍କବାଦୀଙ୍କୁ କଡ଼ା ଚେତାବନୀ

୮୦ ତମ ସ୍ୱାଧୀନତା ଦିବସର ଅବ୍ୟବହିତ ପୂର୍ବରୁ ଦେଶ ଉଦ୍ଦେଶ୍ୟରେ ରାଷ୍ଟ୍ରପତିଙ୍କ ଅଭିଭାଷଣ । ରାଷ୍ଟ୍ରପତି ଦ୍ରୌପଦୀ ମୁର୍ମୁ ଅଭିଭାଷଣ ଆରମ୍ଭ ପୂର୍ବରୁ ଓ ଶେଷରେ ଜାତୀୟ ଗୀତ ‘ବନ୍ଦେ ମାତରମ୍’ ଏବଂ ଜାତୀୟ ସଙ୍ଗୀତ ପରିବେଷଣ କରାଯାଇଥିଲା । ଛାତ୍ରଛାତ୍ରୀଙ୍କୁ ଭାରତର ଭବିଷ୍ୟତ ନିର୍ମାତା ବୋଲି କହିଛନ୍ତି ରାଷ୍ଟ୍ରପତି । ଯୁବପିଢ଼ିଙ୍କ ଭବିଷ୍ୟତକୁ ସୁରକ୍ଷା ଦେବା ଏବଂ ପ୍ରଶ୍ନପତ୍ର ଲିକ୍‌ ଭଳି ସମସ୍ୟାର ସ୍ଥାୟୀ ସମଧାନ ପାଇଁ ସରକାର ବ୍ୟାପକ ସଂସ୍କାର ଆଣୁଛନ୍ତି ।

ଦେଶର ଯୁବପିଢ଼ି ଏବେ କେବଳ ଚାକିରି ଖୋଜୁନାହାଁନ୍ତି, ବରଂ ନିଜେ ଚାକିରି ସୃଷ୍ଟି କରୁଛନ୍ତି । ଦେଶରେ ଏକ ଶକ୍ତିଶାଳୀ ଷ୍ଟାର୍ଟଅପ୍ ଇକୋସିଷ୍ଟମ ଗଢ଼ି ଉଠିଛି ଏବଂ ଭାରତୀୟ ଯୁବକମାନେ ବିଶ୍ୱସ୍ତରୀୟ ପ୍ରତିଷ୍ଠାନରେ ନେତୃତ୍ୱ ନେଉଛନ୍ତି ବୋଲି ସମ୍ବୋଧନରେ କହିଛନ୍ତି ମହାମହିମ ।

ସେହିପରି ମହାମହିମ ରାଷ୍ଟ୍ରପତି ଆହୁରି କହିଛନ୍ତି, ଖେଲୋ ଇଣ୍ଡିଆ କାର୍ଯ୍ୟକ୍ରମ ମାଧ୍ୟମରେ ତୃଣମୂଳ ସ୍ତରରୁ ଜାତୀୟ ସ୍ତର ପର୍ଯ୍ୟନ୍ତ ଏକ ଉତ୍କୃଷ୍ଟ କ୍ରୀଡ଼ା ବାତାବରଣ ସୃଷ୍ଟି କରାଯାଉଛି । ଭାରତୀୟ ସେନାର ପରାକ୍ରମକୁ ପ୍ରଶଂସା କରି ରାଷ୍ଟ୍ରପତି ଅପରେସନ୍ ସିନ୍ଦୂର ଓ କାର୍ଗିଲ୍ ବିଜୟ ଦିବସର ସ୍ମୃତିଚାରଣ କରିଛନ୍ତି । ସେ କହିଛନ୍ତି ଯେ, ଆତଙ୍କବାଦୀ ଓ ସେମାନଙ୍କୁ ଆଶ୍ରୟ ଦେଉଥିବା ଲୋକଙ୍କୁ କଡ଼ା ଚେତାବନୀ ଦିଆଯାଇଛି ଯେ ସେମାନେ ଯେଉଁଠାରେ ଲୁଚି ରହିଲେ ମଧ୍ୟ ପରିଣାମ ଭୋଗିବେ ।

ଏହା ସହିତ, ସିନ୍ଧୁ ଜଳ ଚୁକ୍ତି ସ୍ଥଗିତ ରଖିବା ନିଷ୍ପତ୍ତିକୁ ଦେଶର କୃଷକହିତ ପାଇଁ ଏକ ଦୂରଦୃଷ୍ଟି ସମ୍ପନ୍ନ ପଦକ୍ଷେପ ବୋଲି ସେ ଅଭିହିତ କରିଛନ୍ତି । ଦଶନ୍ଧି ଦଶନ୍ଧିର ସଂଘର୍ଷ ପରେ ଦେଶରୁ ମାଓବାଦର ମୂଳୋତ୍ପାଟନକୁ ଐତିହାସିକ ସଫଳତା ବୋଲି କହିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ।