ନୂଆଦିଲ୍ଲୀ: ସପ୍ତାହକ ମଧ୍ୟରେ ଦୁଇଟି ବସ୍ ଦୁର୍ଘଟଣା, ଚାଲିଗଲା ୪୦ରୁ ଅଧିକ ଜୀବନ । ଭିନ୍ନ ଭିନ୍ନ ବସ୍‌ରେ ନିଆଁ ଲାଗି ମାତ୍ର ଗୋଟିଏ ସପ୍ତାହରେ ୪୦ ଜଣଙ୍କ ମୃତ୍ୟୁ ଚିନ୍ତାର ବିଷୟ ପାଲଟିଛି । ଘରୋଇ ବସ୍‌ରେ ଯାତ୍ରୀଙ୍କ ସୁରକ୍ଷା ନେଇ ପ୍ରଶ୍ନ ଉଠିଛି ।

ଏଥିସହ ପଢ଼ନ୍ତୁ: ଦୁର୍ଘଟଣା ପରେ ଜଳିଗଲା ବସ୍, ୨୦ରୁ ଅଧିକ ଯାତ୍ରୀ ଜୀବନ୍ତ ଦଗ୍ଧ

କୁର୍ଣ୍ଣୁଲରେ ବସ୍‌ରେ ନିଆଁ ଲାଗି ୨୦ ଯାତ୍ରୀଙ୍କ ମୃତ୍ୟୁ ପରେ ଘରୋଇ କାବେରୀ ଟ୍ରାଭେଲ୍ ବସ୍‌ର ସୁରକ୍ଷା କଥା ଉଠିଛି । ସେପଟେ ରାଜସ୍ଥାନରେ ମଧ୍ୟ ବସ୍ ନିଆଁ ନେଇଛି ପ୍ରାୟ ୨୦ ଯାତ୍ରୀଙ୍କ ଜୀବନ । ଆସନ୍ତୁ ୧୦ଟି ଦିଗ ଉପରେ ଧ୍ୟାନ ଦେବା ଆଉ ବସ୍ ଯାତ୍ରା ବେଳେ ନିଆଁ ଲାଗିଲେ ନିଜ ଜୀବନ ସୁରକ୍ଷିତ ରଖିବା...

ଯାତ୍ରୀଙ୍କ ସୁରକ୍ଷା ପାଇଁ ଉପାୟ

• ନିଆଁ ଲାଗିବା ସମୟରେ ଦ୍ରୁତଗତିରେ ନଇଁକରି ପ୍ରସ୍ଥାନ ଦିଗକୁ ଯାଆନ୍ତୁ । ପ୍ରସ୍ଥାନ ବେଳେ ଧୂଆଁକୁ ଏଡ଼ାଇବା ପାଇଁ ମୁଣ୍ଡ ତଳକୁ କରନ୍ତୁ ।
• ନିଆଁ ଲାଗିବା ମାତ୍ରେ ତୁରନ୍ତ ଜରୁରୀକାଳୀନ ପ୍ରସ୍ଥାନ ଦ୍ଵାର ସନ୍ଧାନ କରନ୍ତୁ । ଝରକା, କବାଟ ସହ ବସ୍‌ରେ ହାତୁଡ଼ିକୁ ଯଥାସମ୍ଭବ ଖୋଜନ୍ତୁ ।
  
• କବାଟ ବନ୍ଦ ରହିଥିବା ଝରକାକୁ ହାତୁଡ଼ି କିମ୍ବା ଅନ୍ୟ ସାମଗ୍ରୀ ଦ୍ଵାରା ଭାଙ୍ଗି ବାହାରକୁ ବାହାରନ୍ତୁ ।
  
• ନିଆଁ ଲାଗିବା ମାତ୍ରେ ଆପଣଙ୍କ ବ୍ୟାଗ, ଫୋନ୍ ଏବଂ ଅନ୍ୟ ଲଗେଜ୍ ନେବାକୁ ଅପେକ୍ଷା କରନ୍ତୁ ନାହିଁ । କାରଣ ପ୍ରତିଟି ସେକେଣ୍ଡ ଗୁରୁତ୍ଵପୂର୍ଣ୍ଣ ।
  
• ନିଆଁ, ଧୂଆଁ ଭିତରେ ନାକ ଓ ପାଟିକୁ ବନ୍ଦ କରନ୍ତୁ । ସାଲ୍, ସାର୍ଟ କିମ୍ବା ଅନ୍ୟ କପଡ଼ା ନାକ ଓ ମୁହଁରେ ଦେଇ ନିଶ୍ଵାସ ନିଅନ୍ତୁ ।
  
• ପ୍ରସ୍ଥାନ ଦ୍ଵାର ଚିହ୍ନ ଏବଂ ନିର୍ଦ୍ଦେଶାବଳୀ ଅନୁସରଣ କରି ଆଗକୁ ବଢ଼ନ୍ତୁ ।
  
• ଯଦି ସମ୍ଭବ ନିଜକୁ ବିପଦରେ ନ ପକାଇ ଅନ୍ୟମାନେ ବିଶେଷ କରି ଛୁଆ, ବୟସ୍କ, ଆଘାତ ଯାତ୍ରୀଙ୍କୁ ସହାୟତା କରନ୍ତୁ ।
  
• ଶାନ୍ତ ରୁହନ୍ତୁ ଓ ଛାନିଆ ହୁଅନ୍ତୁ ନାହିଁ । ନିଆଁ ଲାଗିବା ପରେ ଭୟଭୀତ ହୋଇ ଦୌଡ଼ିବା ବଞ୍ଚିବାର ସୁଯୋଗ କମାଇ ପାରେ ।
  
• ନିଆଁ ଲାଗିବା ପରେ ଭିଡ଼ ବଦଳରେ କମ ଲୋକ ଥିବା ପ୍ରସ୍ଥାନକୁ ଯାଆନ୍ତୁ ।
  
• ଜରୁରୀକାଳୀନ ବ୍ୟବସ୍ଥା, ଫୋନ୍ କିମ୍ବା ହ୍ଵିସିଲର ବ୍ୟବହାର କରି ଉଦ୍ଧାରକାରୀ ଦଳକୁ ସୂଚିତ କରନ୍ତୁ ।