ଭାରତରେ ପହଞ୍ଚିଲେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ୍‌ । ଦୁଇ ଦିନିଆ ଭାରତ ଗସ୍ତରେ ଆସୁଛନ୍ତି ଋଷ ରାଷ୍ଟ୍ରପତି ପୁଟିନ୍‌ । ଋଷରୁ ସ୍ବତନ୍ତ୍ର ବିମାନ ଯୋଗେ ପାଲମ ବିମାନ ବନ୍ଦରରେ ପହଞ୍ଚିଛନ୍ତି । ସବୁଠୁ ବଡ଼ କଥା ହେଉଛି ପ୍ରୋଟକଲ୍‌ ଭାଙ୍ଗି ବିମାନବନ୍ଦରରେ ଭ୍ଲାଦିମିର ପୁଟିନ୍‌ଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ବାଗତ କରିଛନ୍ତି ।

#WATCH | Russian President Vladimir Putin lands in Delhi

President Putin is on a two-day State visit to India. He will hold the 23rd India-Russia Annual Summit with PM Narendra Modi in Delhi on December 5 pic.twitter.com/Y6dELuOUbt

— ANI (@ANI) December 4, 2025

ନୂଆ ସୋପାନରେ ଭାରତ-ଋଷ ସମ୍ପର୍କ । ପାରସ୍ପରିକ ସହଯୋଗ ଓ ବିଶ୍ବାସର ବନ୍ଧନରେ ଯୋଡି ହୋଇଛନ୍ତି ଦୁଇ ରାଷ୍ଟ୍ର । ସାରା ବିଶ୍ବକୁ ମିଳିବ ମୋଦି-ପୁଟିନ ଅତୁଟ ବନ୍ଧନର ଦୃଢ଼ ପ୍ରମାଣ । ପଞ୍ଚସ୍ତରୀୟ ସୁରକ୍ଷା ବ୍ୟବସ୍ଥା ମଧ୍ୟରେ ନୂଆଦିଲ୍ଲୀ ହାଇଦ୍ରାବାଦ ହାଉସରେ ଋଷ ରାଷ୍ଟ୍ରପତି ପୁଟିନଙ୍କର ହୋଇଛି ଭବ୍ୟ ଆୟୋଜନ । କାଲି ସକାଳେ ରାଷ୍ଟ୍ରପତି ପୁଟିନଙ୍କୁ ରାଷ୍ଟ୍ରପତି ଭବନରେ ସ୍ୱାଗତ, ସେନା ପକ୍ଷରୁ ଗାର୍ଡ ଅଫ ଅନର, ରାଜଘାଟ ଯାତ୍ରାରୁ ଫେରିବା ପରେ ୨୩ ତମ ଭାରତ-ରୁଷିଆ ଶିଖର ସମ୍ମିଳନୀରେ ଯୋଗ ଦେବେ ରାଷ୍ଟ୍ରପତି ଭ୍ଲାଦିମିର ପୁଟିନ ।

ପୁଟିନ୍‌ଙ୍କ ସହ ସମ୍ମିଳନୀରେ ସାମିଲ ହେବେ ସୋଭିଏତ ରୁଷିଆ ସଂସଦର ୭ ଶୀର୍ଷ ନେତା । ଶିଖର ସମ୍ମିଳନୀରେ ଭାରତ-ରୁଷିଆ ମଧ୍ୟରେ ହେବାକୁ ଯାଉଥିବା ମେଗା ଡିଲ୍ ଉପରେ ରହିଛି ସାରା ବିଶ୍ବର ନଜର । ଶକ୍ତି, ବ୍ୟାପାର, ବୈଷୟିକ, ଅନ୍ତରୀକ୍ଷ ସହଯୋଗ ପରି ଅନେକ କ୍ଷେତ୍ରରେ ମହତ୍ୱପୂର୍ଣ୍ଣ ଆଲୋଚନା ସହ ପ୍ରତିରକ୍ଷା କ୍ଷେତ୍ରରେ ନିଆଯିବ ବଡ଼ ନିଷ୍ପତ୍ତି । ଖୁବଶୀଘ୍ର ଭାରତ-ଋଷ ମଧ୍ୟରେ ବହୁ ପ୍ରତୀକ୍ଷିତ ପଞ୍ଚମ ପିଢିର ସୁଖୋଇ-57, S-500 ଏୟାର ଡିଫେନସ୍ ସିଷ୍ଟମ, T-72, T 90 ଟ୍ୟାଙ୍କ, ବ୍ରହ୍ମୋସ ସୁପରସୋନିକ ମିଶାଇଲର ମିଳିତ ଉତ୍ସାଦନ ଚୁକ୍ତି ସମେତ ୨୫ଟି ବଡ଼ ଡିଲ୍ ହେବା ସମ୍ଭାବନା ରହିଛି ।