ତ୍ରିକୋଣୀୟ ପ୍ରେମର କରୁଣ ପରିଣତି । ପ୍ରେମ ପାଇଁ ପୁଣି ଗଡ଼ିଲା ମୁଣ୍ଡ । ପ୍ରତିଶୋଧ ପରାୟଣ ହୋଇ ଜୀବନ ନେବାକୁ ପଛାଇଲେ ନାହିଁ ଯୁବତୀ । ଶେଷରେ ଫୁଟିଲା ଗୁଳି । ଜଣେ ଯୁବକ ଦୁଇ ଜଣ ଯୁବତୀଙ୍କୁ ପ୍ରେମ କରୁଥିଲେ । ସତ ପଦାକୁ ଆସିବା ପରେ ଗୋଟିଏ ଗର୍ଲଫ୍ରେଣ୍ଡ ଅନ୍ୟ ଗର୍ଲଫ୍ରେଣ୍ଡର ଜୀବନ ନେଇଛି । ୨୫ ବର୍ଷୀୟ ଯୁବତୀ ଜଣକ ୧୯ ବର୍ଷୀୟ ଯୁବତୀଙ୍କୁ ଗୁଳି କରି ହତ୍ୟା କରିଛନ୍ତି । ଏହି ଘଟଣା ଘଟିଛି ମୁମ୍ବାଇର ଶିବାଜୀ ନଗରରେ । ପୋଲିସ ପ୍ରାଥମିକ ତଦନ୍ତରୁ ତ୍ରିକୋଣୀୟ ପ୍ରେମ ବୋଲି କହିଛି ।

ମୃତ୍ୟୁ ଘଟିଥିବା ଯୁବତୀ ଜଣକ ହେଉଛନ୍ତି ଶିଫା ଶେଖ, ଯାହାଙ୍କୁ ଯୁବତୀ ଜଣକ ଶିବାଜୀ ନଗରର ଫରକାନିଆ ମସଜିଦ ନିକଟରେ ଗୁଳି କରି ହତ୍ୟା କରିଛନ୍ତି । ଗୁଳିକାଣ୍ଡ ଘଟିବାର ୧୨ ଘଣ୍ଟା ମଧ୍ୟରେ ମୁମ୍ବାଇ ପୋଲିସ ଦୁଇ ଜଣଙ୍କୁ ଗିରଫ କରିଛି । ସେମାନେ ହେଉଛନ୍ତି ପ୍ରାଥମିକ ଅଭିଯୁକ୍ତ ତଥା ଗୁଳି ଚଳାଇଥିବା ୨୫ ବର୍ଷୀୟ ମହିଳା ଓ ହତ୍ୟାକାଣ୍ଡରେ ସମ୍ପୃକ୍ତି ଥିବା ୨୩ ବର୍ଷୀୟ ଯୁବକ ।

• ମଙ୍ଗଳବାର ଘଟିଛି ଗୁଳିକାଣ୍ଡ

ଏହି ଗୁଳିକାଣ୍ଡ ମଙ୍ଗଳବାର ଅପରାହ୍ନରେ ଘଟିଛି । ପୋଲିସର କହିବାନୁସାରେ, ମୃତ ଯୁବତୀ ଶିଫା ଉକ୍ତ ଅଞ୍ଚଳରେ ଜଣେ ମହିଳାଙ୍କୁ ଭେଟିବା ଲାଗି ଘରୁ ବାହାରିଥିଲେ । ଏହି ସମୟରେ ଶିଫାଙ୍କ ଭେଟିବାକୁ ଆସିଥିବା ମହିଳାଙ୍କ ସହ ଯୁକ୍ତିତର୍କ ହୋଇଥିଲା । ପୋଲିସ କହିଛି ଯେ ଶିଫାଙ୍କ ମୁହଁର ଅତି ନିକଟରୁ ଗୁଳି ବାଜିଥିଲା । ପ୍ରଥମେ ଗୁଳି ଶିଫାଙ୍କ ଗାଲରେ ବାଜିଥିଲା ଓ ଏହାପରେ ତାଙ୍କ ମୁଣ୍ଡରେ ଅଟକିଯାଇଥିଲା । ଗୁଳିକାଣ୍ଡ ଘଟିବା ପରେ ସ୍ଥାନୀୟ ଲୋକେ ୧୯ ବର୍ଷୀୟ ଶିଫାଙ୍କୁ ସଙ୍ଗେ ସଙ୍ଗେ ଘଟକୋପାର ନିକଟସ୍ଥ ରାଜୱାଡି ହସ୍ପିଟାଲକୁ ନେଇଥିଲେ ।

ଏହାପରେ ଏକ ସ୍ଵତନ୍ତ୍ର ପୋଲିସ ଟିମ ହସ୍ପିଟାଲରେ ପହଞ୍ଚିଥିଲେ । ଶିଫାଙ୍କୁ ଗୁଳି ଅତି ନିକଟରୁ ବାଜିଥିବାରୁ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି । ଏହାପରେ ପୋଲିସ ସିସିଟିଭି ଆଧାରରେ ଦୁଇ ଜଣ ସନ୍ଦିଗ୍ଧଙ୍କୁ ଗିରଫ କରିଛି । ଏହି ଘଟଣାରେ ଅଧିକ ତଦନ୍ତ ଜାରି ରହିଛି । ତ୍ରିକୋଣୀୟ ପ୍ରେମ ଯୋଗୁଁ ଗୁଳିକାଣ୍ଡ ଘଟିଥିବା ପ୍ରାଥମିକ ତଦନ୍ତରୁ ପୋଲିସ ଜାଣିବାକୁ ପାଇଛି ।

ଏଥିସହ ପଢନ୍ତୁ: ଅନଲାଇନରେ ରୋଜ୍ ଡେ' ଭିଡିଓ ପୋଷ୍ଟ କରି ଅଡୁଆରେ ଦମ୍ପତି; ଏବେ ଯିବେ ଜେଲ୍ !