Argus News - ବାଲିଯାତ୍ରାରେ ବହିକୁ ଗୁରୁତ୍ଵ, ୭୫ ହଜାର ଓଡ଼ିଆ ବହି ମାଗଣାରେ ବାଣ୍ଟିବ ପ୍ରଶାସନ

କଟକ: ସମୟ ବଦଳିଛି କିନ୍ତୁ ବଞ୍ଚି ରହିଛି ସେହି ପରମ୍ପରା । ହଜାର ହଜାର ବର୍ଷର ସଂସ୍କୃତି ଓ ପରମ୍ପରାକୁ ନେଇ କଟକର ମହାନଦୀ ପଠାରେ ଆୟୋଜିତ ହେଉଛି ଐତିହାସିକ ବାଲିଯାତ୍ରା । ଡିଜିଟାଲ୍ ଯୁଗରେ ଧିରେ ଧିରେ ଯୁବପିଢ଼ି ବହିରୁ ମୁହଁ ଫେରାଇ ନେଉଥିବା ବେଳେ କଟକ ଜିଲ୍ଲା ପ୍ରଶାସନ ନେଇଛି ନୂଆ ପଦକ୍ଷେପ ।

ଜିଲ୍ଲା ପ୍ରଶାସନ ପକ୍ଷରୁ ୭୫ ହଜାର ବହି କିଣା ଯାଇଛି । ଏସବୁ ବହିକୁ କଟକ ଜିଲ୍ଲା ପ୍ରଶାସନ ପକ୍ଷରୁ ମାଗଣାରେ ବାଲିଯାତ୍ରାରେ ବଣ୍ଟନ କରାଯିବ । ଏନେଇ ସୂଚନା ଦେଇଛନ୍ତି କଟକ ଜିଲ୍ଲାପାଳ ଦତ୍ତାତ୍ରେୟ ଭାଉସାହେବ ସିନ୍ଦେ । ଜିଲ୍ଲା ପ୍ରଶାସନ ପକ୍ଷରୁ ୭୫ ହଜାର ବହି କିଣା ଯାଇଛି । ଏସବୁ ବହିକୁ କଟକ ଜିଲ୍ଲା ପ୍ରଶାସନ ପକ୍ଷରୁ ମାଗଣାରେ ବାଲିଯାତ୍ରାରେ ବଣ୍ଟନ କରାଯିବ । ଏନେଇ ସୂଚନା ଦେଇଛନ୍ତି କଟକ ଜିଲ୍ଲାପାଳ ଦତ୍ତାତ୍ରେୟ ଭାଉସାହେବ ସିନ୍ଦେ । ଜିଲ୍ଲାପାଳ କହିଛନ୍ତି, "ପ୍ରଶାସନ ୭୫ ହଜାର ବହି କିଣିଥିବା ବେଳେ ଲୋକମାନେ ମଧ୍ୟ ଓଡ଼ିଆ ବହି ଦେଇ ପାରିବେ । ଏଥିପାଇଁ କଟକ ଜିଲ୍ଲାପାଳଙ୍କ କାର୍ଯ୍ୟାଳୟ ସହ ସିଏମସି କାର୍ଯ୍ୟାଳୟ ଓ ଅନ୍ୟ ସରକାରୀ ଅଫିସ୍‌ରେ ପୁସ୍ତକ ସଂଗ୍ରହ କେନ୍ଦ୍ର ଖୋଲା ଯାଇଛି ।"

ଏଥିସହ ପଢ଼ନ୍ତୁ: ପ୍ରଥମ ଓଡ଼ିଆ ନ୍ୟୁଜ୍ ଚ୍ୟାନେଲ୍ ଭାବେ ଐତିହାସିକ କଟକ ବାଲିଯାତ୍ରା ସହ ଯୋଡ଼ି ହେଲା ଅର୍ଗସ ନ୍ୟୁଜ୍

ଚଳିତବର୍ଷ ଐତିହାସିକ ବାଲିଯାତ୍ରା କଟକ ଇନ୍ କଟକର ଥିମ୍ "ଓଡ଼ିଆ ଭାଷା, ଓଡ଼ିଆ ସାହିତ୍ୟ" ରହିଛି । ଆଉ ବାଲିଯାତ୍ରା ସମୟରେ ଓଡ଼ିଆ ଭାଷାର ବ୍ୟବହାର ପରିଧି ବୃଦ୍ଧି ସହ ସମାଜ ଉପରେ ବଡ଼ ପ୍ରଭାବ ପକାଇବାକୁ ଯୋଜନା କରିଛି ଜିଲ୍ଲା ପ୍ରଶାସନ । ଛାତ୍ରଛାତ୍ରୀମାନଙ୍କୁ ଜିଲ୍ଲା ପ୍ରଶାସନ ପକ୍ଷରୁ ମାଗଣାରେ ବହି ବଣ୍ଟନ କରାଯିବ । ଜିଲ୍ଲା ପ୍ରଶାସନ ୭୫ ହଜାର ବହି କିଣିଥିବା ବେଳେ ଲୋକ ମାନେ ଓଡ଼ିଆ ବହି ଦାନ କରୁଛନ୍ତି ।

ଯେ କୌଣସି ବ୍ୟକ୍ତି ଚାହିଁଲେ ଜିଲ୍ଲା ପ୍ରଶାସନକୁ ଓଡ଼ିଆ ବହି ଦେଇ ପାରିବେ । ଏଥିପାଇଁ ପ୍ରଶାସନ ଏକ ଆପ୍ଲିକେସନ୍ ତିଆରି କରିଛି । ବହି ଦେଲା ପରେ ହ୍ଵାଟ୍ସଆପ୍‌ରେ ପ୍ରଶାସନ କୃତଜ୍ଞତା ଜଣାଇ ଆପଣଙ୍କୁ ଏକ ସାର୍ଟିଫିକେଟ୍ ଦେବ ବୋଲି କହିଛନ୍ତି କଟକ ଜିଲ୍ଲାପାଳ । ବହିଗୁଡ଼ିକୁ ସଂଗ୍ରହ କରିବା ପରେ ବାଲିଯାତ୍ରାରେ ସ୍ୱତନ୍ତ୍ର ଷ୍ଟଲ କରାଯାଇ ପ୍ରଶାସନ ପକ୍ଷରୁ ସ୍କୁଲ୍ ଓ କଲେଜ ଛାତ୍ରଛାତ୍ରୀଙ୍କୁ ମାଗଣାରେ ପ୍ରଦାନ କରାଯିବ ।

ଏଥିସହ ପଢ଼ନ୍ତୁ: ‘ମନ୍‌ କି ବାତ୍‌’ କାର୍ଯ୍ୟକ୍ରମରେ କୋରାପୁଟ କଫିକୁ ପ୍ରଶଂସା କଲେ ମୋଦି

ଏଭଳି କରିବା ଦ୍ଵାରା ବହି ପ୍ରତି ଛାତ୍ରଛାତ୍ରୀଙ୍କ ଆଗ୍ରହ ବଢ଼ିବ । ଯୁବପିଢ଼ିଙ୍କ ମଧ୍ୟରେ ଓଡ଼ିଆ ଭାଷା ଓ ସାହିତ୍ୟର ପ୍ରଚାର ପ୍ରସାର ହୋଇ ପାରିବ । କଟକରେ ଲୋକଙ୍କ ଠାରୁ ବହି ସଂଗ୍ରହଣ ରବିବାର ଠାରୁ ଆରମ୍ଭ ହୋଇଥିବା ବେଳେ ଲୋକେ ୩ ହଜାର ପୁସ୍ତକ ପ୍ରଦାନ କରିଛନ୍ତି । ଲୋକେ ପ୍ରଦାନ କରୁଥିବା ବହିକୁ ମଧ୍ୟ ପ୍ରଶାସନ ବାଲିଯାତ୍ରା ସମୟରେ ଛାତ୍ରଛାତ୍ରୀଙ୍କୁ ମାଗଣାରେ ପ୍ରଦାନ କରିବ ।