ବୁର୍ଖା ନୁହେଁ ଏବେ ମଥାରେ ଓଢ଼ଣା ଦେଇ ଶାଶୁ ଘରକୁ ଯାଇଛନ୍ତି ମୁସଲିମ ଧର୍ମର ଝିଅ । ସବୁ ଘାତ ପ୍ରତିଘାତକୁ ଏଢ଼ାଇ ଦେଇ ଓଡ଼ିଆ ଘର ବୋହୁ ପାଲଟି ଯାଇଛନ୍ତି । ମୁସଲିମ ଧର୍ମକୁ ପରିତ୍ୟାଗ କରି ହିନ୍ଦୁ ଧର୍ମରେ ବାନ୍ଧି ହୋଇଛନ୍ତି । କେବଳ ପ୍ରେମ କରାଇଛି ଅସମ୍ଭବକୁ ସମ୍ଭବ । ପ୍ରେମ ପାଇଁ ଯୁବତୀ ଜଣକ ସବୁ ଛାଡ଼ି ଚାଲି ଆସିଛନ୍ତି । ପ୍ରେମ ଆଉ କଣକି । ଏ ଲଭ ଜିହାଦ ନୁହେଁ । ଏ ହେଉଛି ପ୍ରକୃତ ପ୍ରମେ। ମନ ପ୍ରାଣ ଦେଇ ଉଭୟ ଉଭୟଙ୍କୁ ଭଲ ପାଉଥିଲେ । ଆଉ ଆଜି ହିନ୍ଦୁ ଯୁବକଙ୍କୁ ବିବାହ କରିଛନ୍ତି ମୁସଲିମ ଯୁବତୀ । ଉଭୟ ହେଉଛନ୍ତି ହିନ୍ଦୁ ଯୁବକ ବଦ୍ରୀ ନାରାୟଣ ଦାସ ଏବଂ ମୁସଲିମ ଯୁବତି ହେଉଛନ୍ତି ଫରୀନ ବାନୋ । 

ଯେଉଁ ମୁଣ୍ଡ ଉପରେ ଦିନେ ବୁର୍ଖା ଥିଲା । ସେହି ମୁଣ୍ଡ ଉପରେ ରହିଛି ଓଢ଼ଣା। ମଥାରେ ଲାଗିଛି ଅତୁଟ ସମ୍ପର୍କର ସିନ୍ଦୁର । ଗଳାରେ ପଡ଼ିଛି ୭ ଜନ୍ମ ପାଇଁ ପ୍ରତିଶ୍ରୁତିର ମଙ୍ଗଳ ସୂତ୍ର । କୁବୁଲ ହେ ଜାଗାରେ ପ୍ରତିଧ୍ଵନିତ ହେଉଛି ରାବଣସ୍ୟ ମନ୍ଦୋଦରି ରାମସ୍ୟ ସୀତା । ପ୍ରେମ ସପ୍ତାହରେ ପାଲଟିଛନ୍ତି ଉଦାହରଣ । ସୂଚନା ମୁତାବକ ସବୁବେଳେ ଲବ ଯିହାଦ୍ କଥା ଚର୍ଚାର କେନ୍ଦ୍ର ବିନ୍ଦୁ ପାଳଟିଥିବା ବେଳେ, ଏବେ କିନ୍ତୁ ଜଣେ ମୁସଲମାନ ଯୁବତୀ ନିଜ ପ୍ରେମକୁ ପାଇବା ପାଇଁ ହିନ୍ଦୁ ଧର୍ମକୁ ଆପଣେଇଛନ୍ତି ।

ପଢ଼ନ୍ତୁ ଏହି ଖବର: ହାତୀ ମଣିଷ ଲଢ଼େଇ, ମନ୍ତ୍ରୀ କହିଲେ ହାତୀ ପାଖକୁ ଯାଅନି କି ସେଲ୍ଫି ନିଅନି

ମୁସଲିମ ହୋଇ ମଧ୍ୟ ଜଣେ ହିନ୍ଦୁ ଯୁବକଙ୍କୁ ବୈଦିକ ରୀତିନୀତିରେ ବିବାହ କରିଛନ୍ତି । ଏଥିପାଇଁ ସାହାସ ଦରକାର । ଆଉ ସେହି ସାହାସ ମିଳିଛି ପ୍ରମେରୁ । ହାତରେ ଶଙ୍ଖା ମଥାରେ ସିନ୍ଦୁର ନାଇଛନ୍ତି । ଘଟଣାଟି ଘଟିଛି ଭୁବନେଶ୍ବର ଭିମଟାଙ୍ଗି ଅଞ୍ଚଳରେ । ବୈଦିକ ରୀତି ନୀତିରେ ବାହାଘର ହୋଇଛି । ହିନ୍ଦୁ ଯୁବକ ବଦ୍ରୀ ନାରାୟଣ ଦାସଙ୍କୁ ବୈଦିକ ରିତୀନିତୀରେ ବିବାହ କରିଛନ୍ତି ଫରୀନ ବାନୋ । ବାହାଘର ପରେ ଜୟଶ୍ରୀରାମ ନାରାରେ ପ୍ରକମ୍ପିତ ହୋଇଥିଲା ବିବାହ ସ୍ଥଳ ।