ବ୍ରହ୍ମପୁରର ଆଇନଜୀବୀ ପୀତବାସ ପଣ୍ଡାଙ୍କ ହତ୍ୟାକୁ ୧୬ ଦିନ ବିତିଲାଣି । ହେଲେ ଏବେ ବି କିଏ ଓ କାହିଁକି କଲା ମର୍ଡର ତାହା ରହସ୍ୟ ଭିତରେ । ୟାରି ଭିତରେ ଦକ୍ଷିଣାଞ୍ଚଳ ଆଇଜି କହିଛନ୍ତି, ଲାଷ୍ଟ ଲିଙ୍କରେ ଚାଲିଛି ତଦନ୍ତ । ଦିନେ ଦୁଇ ଦିନ ଭିତରେ ରହସ୍ୟ ଭିତରୁ ପରଦା ଉଠିବ । ଏଠି ପ୍ରଶ୍ନ ଉଠୁଛି, ସୁପାରି ଦେଇଥିବା ଲୋକର ରାଜନୀତି ସହ ଅଛି କି ସଂପର୍କ । ନା ବୃତ୍ତିଗତ ନା ବ୍ୟବସାୟିକ ଶତ୍ରୁତା ଥିଲା ମୂଳ କାରଣ ।

ଦକ୍ଷିଣାଞ୍ଚଳ ଆଇଜିଙ୍କ ବୟାନ ପରେ ଚର୍ଚ୍ଚା କିଏ ସେ ହତ୍ୟାକାରୀ ? କାହିଁକି ପୀତବାସଙ୍କୁ ଗୁଳି କରି ମାରିଲେ ସୁପାରି କିଲର । ସୁପାରି ଦେଇଥିବା ଲୋକର ରାଜନୀତି ସହ ଅଛି କି ସଂପର୍କ ? ନା ବୃତ୍ତିଗତ ଓ ବ୍ୟବସାୟିକ ଶତ୍ରୁତା ଥିଲା ମୁଳ କାରଣ ? ଏମିତି ତମାମ ପ୍ରଶ୍ନ ଉପରୁ ଖୁବ ଶୀଘ୍ର ହଟିବ ପରଦା । ଦିନେ ଦୁଇ ଦିନ ମଧ୍ୟରେ ପୀତବାସ ମର୍ଡର ମିଷ୍ଟ୍ରିର ଖୁଲାସା କରିବ ପୋଲିସ ।


ଏହାସହ ପଢ଼ନ୍ତୁ:- ଡାକ୍ତର ନା ରୋଡ୍ ସାଇଡ୍ ରୋମିଓ, କ୍ଲିନିକ୍‌ରେ ଯୁବତୀଙ୍କୁ ଏକା ପାଇ...

ମିଳିଥିବା ସୁଚନା ଅନୁସାରେ ବ୍ରହ୍ମପୁର ସହରର ଜଣେ ଚର୍ଚ୍ଚିତ ରାଜନେତାକୁ ପୋଲିସ ଅଟକ ରଖି ପଚରା ଉଚରା କରୁଛି । ଏହି ନେତା ଜଣଙ୍କ ନାଁରେ ପୂର୍ବରୁ ରହିଛି ଅନେକ ଅପରାଧିକ ମାମଲା । ଯଦିଓ ପୋଲିସ ଏନେଇ ମୁହଁ ଖୋଲୁନି ତେବେ ଅନୁମାନ କରାଯାଉଛି ଅଟକ ରାଜନେତାଙ୍କ ପରୋକ୍ଷ କିମ୍ବା ପ୍ରତ୍ୟକ୍ଷ ଭାବେ ପୀତବାସ ହତ୍ୟାକାଣ୍ଡ ସହ ରହିଛି ଲିଙ୍କ୍ ।

ପୂର୍ବରୁ ଏକ ନିର୍ଦ୍ଧିଷ୍ଟ ରାଜନୈତିକ ଦଳର କର୍ପୋରେଟର ଏବଂ ଜଣେ ଛାତ୍ରନେତାଙ୍କୁ ମଧ୍ୟ ପୋଲିସ ଅଟକ ରଖି ତଦନ୍ତ ଚଳାଇଛି । ତେବେ ପୀତବାସଙ୍କ ସହଯୋଗୀ ଆଇନଜୀବୀଙ୍କ କହିବା କଥା ବିଳମ୍ବ ହେଉ ପଛେ ପୋଲିସ ଘଟଣାର ମୂଳ ପର୍ଯ୍ୟନ୍ତ ଯାଇ ସଠିକ ଅପରାଧିଙ୍କ ପାଖରେ ପହଁଞ୍ଚୁ ।

ଏହାସହ ପଢ଼ନ୍ତୁ:- ଧର୍ମ ସଂକଟରେ ଦଳ, RJD ନେତା କରିବେ ଲଣ୍ଠନ ଚିହ୍ନ ବିରୋଧରେ ପ୍ରଚାର..!

ପୀତବାସ ପଣ୍ଡାଙ୍କୁ ହତ୍ୟାକୁ ପୁରିଲା ୧୬ ଦିନ । ଏହାରି ଭିତରେ ପୋଲିସ ୭୦ରୁ ଅଧିକ ଲୋକଙ୍କୁ ଜେରା କରି ସାରିଥିବା ବେଳେ ୬୦ରୁ ଅଧିକ ସିସିଟିଭିକୁ ଯାଞ୍ଚ କରିଛି । ଏହା ଭିତରେ ରାଜ୍ୟ ବାହାରକୁ ଟିମ ଯାଇ ତଦନ୍ତ କରି ଫେରିଛି ।