ଚନ୍ଦ୍ରଶେଖରପୁର ଥାନା ନିଳାଦ୍ରୀ ବିହାରରେ ସତ୍ୟବ୍ରତ ପ୍ରଧାନ ହତ୍ୟା ମାମଲା । ଆତ୍ମ ସର୍ମପଣ କଲା ମୁଖ୍ୟ ଅଭିଯୁକ୍ତ ଦିନେଶ ନାୟକ । ପୋଲିସ ନିକଟରେ ଆତ୍ମସମର୍ପଣ କଲା ଦିନେଶ । ଥାନାରେ ଆତ୍ମ ସମର୍ପଣ ପରେ ଅଭିଯୁକ୍ତକୁ ଚାଲିଛି ଝାଳବୁହା ଜେରା । କାଲି ଅଭିଯୁକ୍ତଙ୍କୁ କୋର୍ଟଚାଲାଣ କରାଯିବ । ହତ୍ୟାକାଣ୍ଡ ପରେ ଆଜି ସକାଳୁ ସୋସିଆଲ ମିଡିଆରେ ଭାଇରାଲ ହୋଇଥିଲା ସିସିଟିଭି ଫୁଟେଜ୍ । ସିସିଟିଭିରେ ଥିଲା ହତ୍ୟା ବେଳର ଛାତିଥରା ଭିଡିଓ । ପୂର୍ବରୁ ପ୍ରେମିକା ଲିଜାକୁ ମଧ୍ୟ ଅଟକ ରଖି ପଚରାଉଚରା କରୁଛି ପୋଲିସ ।

ସେପଟେ ରାଜଧାନୀରେ ବହୁଚର୍ଚ୍ଚିତ ଡ୍ରାଇଭର ସତ୍ୟବ୍ରତ ପ୍ରଧାନଙ୍କୁ ହତ୍ୟା ଘଟଣାରେ ସାମ୍ନାକୁ ଆସିଲା ସାଙ୍ଘାତିକ ସିସିଟିଭି ଫୁଟେଜ । ତାରିଖ ୦୯.୦୨.୨୦୨୬ । ସମୟ ରାତି ୧.୩୧ ମିନିଟ । ରକ୍ତ ଜୁଡୁବୁଡୁ ଅବସ୍ଥାରେ ପ୍ରାଣ ବିକଳରେ ଦୌଡୁଛନ୍ତି ସତ୍ୟବ୍ରତ । ଅନ୍ଧାର ରାତିରେ ଜୀବନ ବଞ୍ଚାଇବା ପାଇଁ ଏଥିଲା ଶେଷ ପ୍ରୟାସ । ଆଉ ଏକ ସିସିଟିଭି ଭିଜୁଆଲରେ ରାତି ୧.୪୨ ମିନିଟରେ ପ୍ରେମିକା ଲିଜା ଓ ପ୍ରଥମ ପ୍ରେମିକ ଦିନେଶ ଏଣେ ତେଣେ ଘୁରି ବୁଲୁଛନ୍ତି । ସତ୍ୟବ୍ରତ ଗଲେ କୁଆଡେ ଗଳି କନ୍ଦିରେ ଖୋଜୁଛନ୍ତି ହତ୍ୟାକାରୀ ପ୍ରେମୀ ଯୁଗଳ । ଜବତ ସିସିଟିଭିକୁ ପୋଲିସ ଏବେ ଯାଞ୍ଚ କରୁଛି । ସେପଟେ ପ୍ରେମିକା ଲିଜାକୁ ପଚରାଉଚରା ପରେ ବି ଏପର୍ଯ୍ୟନ୍ତ ହତ୍ୟାକାଣ୍ଡ ଉପରୁ ପରଦା ଉଠାଇ ପାରୁନି ପୋଲିସ ।

ସେପଟେ ଦୁର୍ଘଟଣା ହୋଇଥିବା ସତ୍ୟବ୍ରତଙ୍କ କାରକୁ ନେଇ ମଧ୍ୟ ଛାନଭିନ୍‌ ଚଳାଇଛି ପୋଲିସ । ସତ୍ୟବ୍ରତଙ୍କୁ ହତ୍ୟା କରାଯାଇଥିବା ନେଇ କିଏ ଖବର ଦେଲା ? ସତ୍ୟବ୍ରତଙ୍କ ପାଖରେ ଥିବା କାର ଚାବି କେମିତି ପାଇଲେ ଡ୍ରାଇଭର ? ଏନେଇ ଗାଡି ମାଲିକାଣୀଙ୍କୁ ଜେରା କରୁଛି କମିଶନରେଟ ପୋଲିସ । ଖାଲି ସେତିକି ନୁହେଁ ଲିଜାଙ୍କର ପଡୋଶୀ ମାନଙ୍କୁ ମଧ୍ୟ ଥାନାକୁ ଡାକି ଜେରା କରୁଛି ପୋଲିସ ।

ସେପଟେ ପୋଲିସ କହିଛି ଏହି ଘଟଣାରେ ମୁଖ୍ୟ ଅଭିଯୁକ୍ତ ହେଉଛି ଦୀନେଶ । ତା ନାଁରେ ଏକାଧିକ ମାମଲା ଥିବା ପୋଲିସ ତଦନ୍ତରୁ ଜାଣିବାକୁ ପାଇଛି ।