Argus News - 'ଭାଇ ଥିଲେ ଭଗବାନ ସମାନ ବାପାଙ୍କୁ ବଞ୍ଚାନ୍ତୁ ନାହିଁ'; କାହିଁକି ଏମିତି କହିଲେ ଲାଲୁଙ୍କ ବଡ଼ ଝିଅ

ପାଟନା: RJD ହାରିବା ପରେ ଘର ସହ ଦଳ ଛାଡ଼ିଛନ୍ତି ଲାଲୁଙ୍କ ବଡ଼ ଝିଅ ରୋହିଣୀ ଆଚାର୍ଯ୍ୟ । ଶନିବାର ପରିବାର ସହ ସବୁ ସମ୍ପର୍କ ତୁଟାଇବା ପରେ ରୋହିଣୀ ସୋସିଆଲ୍ ମିଡିଆରେ ଲେଖିଛନ୍ତି- ମନର ବେଦନା, ବାପ ଘରେ ମିଳିଥିବା ଯାତନା ଓ ହୃଦୟକୁ ଭାଙ୍ଗି ଦେଇଥିବା କେଇ ପଦ କଥା ।

कल मुझे गालियों के साथ बोला गया कि मैं गंदी हूँ और मैंने अपने पिता को अपनी गंदी किडनी लगवा दी , करोड़ों रूपए लिए , टिकट लिया तब लगवाई गंदी किडनी .. सभी बेटी - बहन , जो शादीशुदा हैं उनको मैं बोलूंगी कि जब आपके मायके में कोई बेटा - भाई हो , तो भूल कर भी अपने भगवान रूपी पिता को…

— Rohini Acharya (@RohiniAcharya2) November 16, 2025

ସୋସିଆଲ୍ ମିଡିଆରେ ରୋହିଣୀ ଲେଖିଛନ୍ତି, "କାଲି ମୋତେ ଗାଳି ଦେଇ କୁହାଗଲା ମୁଁ ମଇଳା ଏବଂ ମୁଁ ମୋ ବାପାଙ୍କୁ ମୋର ମଇଳା (ଖରାପ) କିଡନୀ ଲଗାଇ ଦେଇଛି । ଏଥିପାଇଁ କୋଟି କୋଟି ଟଙ୍କା ନେଇଛି, ଟିକେଟ୍ ନେବା ପରେ ମଇଳା କିଡନୀ ଲଗାଇଛି ।"

ଏଥିସହ ପଢ଼ନ୍ତୁ: ନିର୍ବାଚନ ହାରିବା ପରେ ଲାଲୁଙ୍କ ପରିବାରରେ ବଡ଼ ଫାଟ; ସଞ୍ଜୟଙ୍କୁ ଦାୟୀ କରି ସମ୍ପର୍କ ଭାଙ୍ଗିଲେ ରୋହିଣୀ

ସମସ୍ତ ବିବାହିତ ମହିଳାଙ୍କ ଉଦ୍ଦେଶ୍ୟରେ ରୋହିଣୀ ଲେଖିଛନ୍ତି, "ଯେତେବେଳେ ଆପଣଙ୍କ ବାପଘରେ କୌଣସି ପୁଅ - ଭାଇ ଥିବେ, ସେତେବେଳେ ଭୁଲ୍‌ରେ ବି ଭଗବାନ ସମାନ ପିତାଙ୍କୁ ବଞ୍ଚାନ୍ତୁ ନାହିଁ । ଆପଣଙ୍କ ଭାଇ, ସେହି ଘରର ପୁଅକୁ ହିଁ କୁହନ୍ତୁ ନିଜର କିମ୍ବା ତାଙ୍କର କୌଣସି ହରିୟାଣବୀ ବନ୍ଧୁଙ୍କ କିଡନୀ ଲଗାଇ ଦିଅନ୍ତୁ ।"

ସମସ୍ତ ଭଉଣୀ - ଝିଅ ନିଜ ଘରକୁ, ପରିବାରକୁ ଦେଖନ୍ତୁ । ନିଜ ପିତାମାତାଙ୍କ କଥା ନ ଭାବି ନିଜ ଛୁଆ, ନିଜ କାମ, ନିଜ ବିଷୟରେ ଭାବନ୍ତୁ । ମୋର ବଡ଼ ଭୁଲ୍ ହେଲା ମୁଁ ମୋ ପରିବାର, ତିନି ଛୁଆଙ୍କୁ ଦେଖିଲିନି । କିଡନୀ ଦେବା ସମୟରେ ସ୍ଵାମୀଙ୍କୁ ପଚାରିଲି ନାହିଁ, ଶ୍ଵଶୁର ଘର ଲୋକଙ୍କ ଅନୁମତି ନେଲିନି । ମୋର ଭଗବାନ, ମୋର ପିତାଙ୍କୁ ବଞ୍ଚାଇବା ପାଇଁ ଯାହା କଲି ତାକୁ ଆଜି ମଇଳା ବୋଲି କୁହାଯାଇଛି । ମୋ ଭଳି ଭୁଲ୍ କେହି, କେବେ କରନ୍ତୁ ନାହିଁ । ଏପରିକି କୌଣସି ଘରେ ରୋହିଣୀ ଭଳି ଝିଅ ଜନ୍ମ ହୁଅନ୍ତୁ ନାହିଁ ବୋଲି ଲେଖିଛନ୍ତି ଲାଲୁଙ୍କ ବଡ଼ ଝିଅ ।

ଏଥିସହ ପଢ଼ନ୍ତୁ: RJDର ପରାଜୟ ପରେ ଲାଲୁ ପରିବାରରେ 'ମହାଭାରତ', ସଞ୍ଜୟ ସାଜିଲେ 'ଶକୁନି'

ସେତିକି ନୁହେଁ ଜଣେ ଝିଅ, ଜଣେ ଭଉଣୀ, ଜଣେ ବିବାହିତ ମହିଳା, ଜଣେ ମାଆକୁ ଅସଭ୍ୟ ଗାଳି ଦିଆଯାଇ ବଦନାମ କରାଯାଇଥିବା ସୋସିଆଲ୍ ମିଡିଆରେ ଲେଖିଛନ୍ତି ରୋହିଣୀ । କହିଛନ୍ତି, "ତାଙ୍କୁ ମାରିବା ପାଇଁ ଚପଲ ମଧ୍ୟ ଉଠାଯାଇଛି । ମୁଁ ମୋର ଆତ୍ମସମ୍ମାନ ସହ ବୁଝାମଣା କରି ନାହିଁ, ସତକୁ ସମର୍ପଣ କରିନାହିଁ । ଆଉ ଏହି କାରଣ ପାଇଁ ମୋର ବେଜ୍ଜିତ କରାଯାଉଛି ।"

कल एक बेटी, एक बहन , एक शादीशुदा महिला , एक माँ को जलील किया गया , गंदी गालियाँ दी गयीं , मारने के लिए चप्पल उठाया गया , मैंने अपने आत्मसम्मान से समझौता नहीं किया, सच का समर्पण नहीं किया , सिर्फ और सिर्फ इस वजह से मुझे बेइज्जती झेलनी पडी ..
कल एक बेटी मजबूरी में अपने रोते हुए…

— Rohini Acharya (@RohiniAcharya2) November 16, 2025

ଲାଲୁଙ୍କ ବଡ଼ ଝିଅ ରୋହିଣୀ ଲେଖିଛନ୍ତି, "କାଲି ଏକ ଝିଅ ବାଧ୍ୟବାଧକତାରେ କାନ୍ଦୁଥିବା ନିଜ ବାପାମାଆଙ୍କ ସହ ଭଉଣୀଙ୍କୁ ଛାଡ଼ିଛି । ମୋଠାରୁ ମୋ ବାପଘର ଛଡ଼ାଇ ନିଆଯାଇ ମୋତେ ଅନାଥ କରି ଦିଆଯାଇଛି ।"