ରବିବାର ଖେଳାଯିବ ମହାମୁକାବିଲା । କୋଲକାତାର ଇଡେନ୍‌ ଗାର୍ଡେନରେ ଖେଳାଯିବ ହାଇଭୋଲଟେଜ୍‌ ମ୍ୟାଚ୍‌ । ମୁହାଁମୁହିଁ ହେବେ ଭାରତ-ଓ୍ବେଷ୍ଟଇଣ୍ଡିଜ୍‌ । ଆଉ ଆଜିର ମ୍ୟାଚ୍‌ରେ ବିଜୟଲାଭ କରି ସେମିଫାଇନାଲ ଟିକେଟ୍ ହାତେଇବାକୁ ଚେଷ୍ଟା କରିବ ଟିମ୍‌ ଇଣ୍ଡିଆ ।

ଏହି ମ୍ୟାଚ୍ ଉଭୟ ଦଳ ପାଇଁ ଗୁରୁତ୍ୱପୂର୍ଣ୍ଣ, କାରଣ ବିଜେତା ସିଧାସଳଖ ସେମିଫାଇନାଲ୍‌ରେ ସ୍ଥାନ ସୁରକ୍ଷିତ କରିବ। ତେଣୁ, କୋଲକାତାରେ ଟିମ୍ ଇଣ୍ଡିଆ କେଉଁ ପ୍ଲେଇଂ ଇଲେଭେନ୍ ସହ ପଡ଼ିଆକୁ ଓହ୍ଲାଇପାରେ ତାହା ଉପରେ ରହିଛି ସମସ୍ତଙ୍କ ନଜର । ଭାରତୀୟ ଦଳ ମ୍ୟାନେଜମେଣ୍ଟ ଏହି ବିଶ୍ୱକପ୍ ସାରା ପ୍ଲେଇଂ ଇଲେଭେନ୍‌ରେ ଲଗାତାର ପରିବର୍ତ୍ତନ କରିଆସୁଛି । ଏହି ଗୁରୁତ୍ୱପୂର୍ଣ୍ଣ ମ୍ୟାଚ୍‌ରେ ମଧ୍ୟ ପ୍ଲେଇଂ ଇଲେଭେନ୍‌ରେ କିଛି ପରିବର୍ତ୍ତନ ଦେଖିବାକୁ ମିଳିପାରେ କି ?

ପ୍ଲେଇଂ ଇଲେଭେନ୍‌ରେ ଦୁଇ ଖେଳାଳିଙ୍କ ସ୍ଥାନ କଷ୍ଟକର

ଟିମ୍ ଇଣ୍ଡିଆର ଷ୍ଟାର ବ୍ୟାଟ୍ସମ୍ୟାନ୍‌ ରିଙ୍କୁ ସିଂ ବର୍ତ୍ତମାନ ଏକ କଷ୍ଟକର ସମୟ ଦେଇ ଗତି କରୁଛନ୍ତି । ରିପୋର୍ଟ ଅନୁଯାୟୀ, ସେ ସମସ୍ତ ପରିସ୍ଥିତିକୁ ପଛରେ ପକାଇ ଟିମ୍ ଇଣ୍ଡିଆରେ ପୁନର୍ବାର ଯୋଗ ଦେବାକୁ ପ୍ରସ୍ତୁତ । କିନ୍ତୁ ୱେଷ୍ଟଇଣ୍ଡିଜ୍ ବିପକ୍ଷ ପ୍ଲେଇଂ ଇଲେଭେନ୍‌ରେ ତାଙ୍କ ସ୍ଥାନ ଅସମ୍ଭବ ମନେ ହେଉଛି । ସେ ଜିମ୍ବାୱେ ବିପକ୍ଷ ମ୍ୟାଚ୍‌ରେ ମଧ୍ୟ ଦଳର ଅଂଶ ନଥିଲେ । ଏହା ବ୍ୟତୀତ, ଚାଇନାମ୍ୟାନ୍‌ ସ୍ପିନ୍‌ ବୋଲର କୁଲଦୀପ ଯାଦବଙ୍କୁ ମଧ୍ୟ ଏହି ମ୍ୟାଚ୍‌ ପାଇଁ ପ୍ଲେଇଂ ଇଲେଭେନ୍‌ରୁ ବାଦ୍ ଦିଆଯାଇପାରେ ।

Fireworks loading in Kolkata. 🎆🔥

India take on West Indies in a must-win showdown - the winner books a place in the semi-finals. 👊

ICC Men's T20 World Cup Super 8 👉 #INDvWI | Sun, 1 Mar, 6 PM pic.twitter.com/uC7aHXJjGo

— Star Sports (@StarSportsIndia) March 1, 2026

ଅଧିନାୟକ ସୂର୍ଯ୍ୟକୁମାର ଯାଦବଙ୍କୁ ଜିମ୍ବାୱେ ବିପକ୍ଷ ମ୍ୟାଚ୍‌ରେ ଟିମ୍ ଇଣ୍ଡିଆର ପ୍ଲେଇଂ ଇଲେଭେନ୍‌ ଯାହା ଥିଲା ଓ୍ବେଷ୍ଟଇଣ୍ଡିଜ୍ ବିପକ୍ଷ ମ୍ୟାଚ୍‌ରେ ମଧ୍ୟ ସେହି ଟିମ୍‌ ରହିବ ବୋଲି ଆଶା କରାଯାଉଛି । ଜିମ୍ବାୱେ ବିପକ୍ଷ ମ୍ୟାଚ୍‌ରେ ଦଳ ସ୍ଥିର ଦେଖାଯାଉଥିଲା। ସଞ୍ଜୁଙ୍କ ଆଗମନ ଦଳର ବ୍ୟାଟିଂକୁ ଆହୁରି ମଜବୁତ କରିଛି, ଯେତେବେଳେ ହାର୍ଦ୍ଦିକ ପାଣ୍ଡ୍ୟା ଏବଂ ଶିବମ ଦୁବେ ଲୋୟର ଅର୍ଡରରେ ମଧ୍ୟ ଦମଦାର ପ୍ରଦର୍ଶନ କରୁଛନ୍ତି । ଭାରତର ବୋଲରମାନଙ୍କୁ ବିଶେଷକରି ସେମାନଙ୍କ ସ୍ପିନ୍ ବୋଲରମାନଙ୍କୁ, ୱେଷ୍ଟଇଣ୍ଡିଜ୍ ବିପକ୍ଷରେ ସେମାନଙ୍କର ଦକ୍ଷତା ପ୍ରମାଣ କରିବାକୁ ପଡିବ। ବରୁଣ ଚକ୍ରବର୍ତ୍ତୀ ଗତ ଦୁଇଟି ମ୍ୟାଚରେ ୧୦ ରୁ ଅଧିକ ଇକୋନୋମି ରେଟରେ ରନ୍ ଦେଇଛନ୍ତି ।