ମାର୍ଚ୍ଚ ୬ରୁ ଭାରତ-ଅଷ୍ଟ୍ରେଲିଆ ମଧ୍ୟରେ ଖେଳାଯିବ ଟେଷ୍ଟ ମ୍ୟାଚ୍‌ । ଅଷ୍ଟ୍ରେଲିଆର ପର୍ଥରେ ଏହି ମ୍ୟାଚ୍‌ ଖେଳାଯିବ । ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ (BCCI) ଅଷ୍ଟ୍ରେଲିଆ ବିପକ୍ଷରେ ଆଗାମୀ ଟେଷ୍ଟ ପାଇଁ ୧୫ ଜଣିଆ ଭାରତୀୟ ଦଳ ଘୋଷଣା କରିଛି । ଟିମ୍‌ ମ୍ୟାନେଜମେଣ୍ଟ ପୁଣି ଥରେ ପୁରୁଣା କ୍ୟାପଟେନ୍‌ଙ୍କ ଉପରେ ଆସ୍ଥା ପ୍ରକଟ କରିଛି । ପ୍ରଥମ ଥର ପାଇଁ ଜଣେ ଯୁବ ବୋଲରଙ୍କୁ ୧୫ ଜଣିଆ ଦଳରେ ସୁଯୋଗ ଦିଆଯାଇଛି । ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଏକମାତ୍ର ଟେଷ୍ଟ ମାର୍ଚ୍ଚ ୬ରୁ ଅଷ୍ଟ୍ରେଲିଆର ପର୍ଥରେ ଖେଳାଯିବ ।

ଅଧିକ ପଢ଼ନ୍ତୁ: ବାଂଲାଦେଶକୁ ଟି-୨୦ ବିଶ୍ବକପ୍‌ରୁ ବିଦା କଲା ICC, ଏହି ଟିମ୍‌କୁ ଖେଳିବାକୁ ମିଳିଲା ସୁଯୋଗ

ଅଷ୍ଟ୍ରେଲିଆ ବିପକ୍ଷରେ ଖେଳାଯିବାକୁ ଥିବା ଗୋଟିଏ ମାତ୍ର ଟେଷ୍ଟ ମ୍ୟାଚ୍‌ ପାଇଁ BCCI ଭାରତୀୟ ମହିଳା ଦଳ ଘୋଷଣା କରିଛି । ଟିମ୍‌ ଇଣ୍ଡିଆର ଷ୍ଟାର ବ୍ୟାଟ୍ସମ୍ୟାନ୍‌ ହରମନପ୍ରୀତ କୌରଙ୍କୁ ପୁଣି ଥରେ ଦଳର ଅଧିନାୟକ ଦାୟିତ୍ବ ଦିଆଯାଇଛି । ଯୁବ ସ୍ପିନର ବୈଷ୍ଣବୀ ଶର୍ମାଙ୍କୁ ମଧ୍ୟ ଦଳରେ ସାମିଲ କରାଯାଇଛି । ୨୦ ବର୍ଷୀୟ ବୈଷ୍ଣବୀ ଏପର୍ଯ୍ୟନ୍ତ କେବଳ ଟି-୨୦ ଅନ୍ତର୍ଜାତୀୟ ଫର୍ମାଟରେ ଖେଳିଛନ୍ତି । କ୍ରାନ୍ତି ଗୌଡଙ୍କୁ ମଧ୍ୟ ଦଳରେ ସାମିଲ କରାଯାଇଛି । ପ୍ରାରମ୍ଭିକ ବ୍ୟାଟ୍ସମ୍ୟାନ୍ ପ୍ରତୀକା ରାୱଲଙ୍କୁ ମଧ୍ୟ ସୁଯୋଗ ଦିଆଯାଇଛି ।

Here's a look at #TeamIndia's squad for the Only Test against Australia in Perth 🙌#AUSvIND pic.twitter.com/I6mYnV3wdN

— BCCI Women (@BCCIWomen) January 24, 2026

ସେହିପରି ପୁଣି ଥରେ ସ୍ମୃତି ମନ୍ଧାନାଙ୍କୁ ଟିମ୍‌ ଇଣ୍ଡିଆର ଉପ-ଅଧିନାୟିକା ଭାବେ ନିଯୁକ୍ତ କରାଯାଇଛି । ଟିମ୍‌ ଇଣ୍ଡିଆର ଷ୍ଟାର ବ୍ୟାଟ୍ସମ୍ୟାନ୍‌ ସ୍ମୃତି  ମନ୍ଧାନା ତାଙ୍କ କ୍ୟାରିୟରରେ ଏପର୍ଯ୍ୟନ୍ତ ସାତଟି ଟେଷ୍ଟ ମ୍ୟାଚ୍‌ ଖେଳିଛନ୍ତି । ୭ଟି ଟେଷ୍ଟ ମ୍ୟାଚ୍‌ ଖେଳି ଦୁଇଟି ଶତକ ଏବଂ ତିନୋଟି ଅର୍ଦ୍ଧଶତକ ସହ  ୬୨୯ ରନ କରିଛନ୍ତି ।

ଅଧିକ ପଢ଼ନ୍ତୁ: କାହିଁକି ଦ୍ବିତୀୟ ଟି-୨୦ ମ୍ୟାଚ୍‌ ଖେଳିଲେନି ବୁମରାହ ? ଜାଣନ୍ତୁ ଅସଲ କାରଣ...

ଭାରତର ଟେଷ୍ଟ ଦଳ

ହରମନପ୍ରୀତ କୌର (ଅଧିନାୟିକା), ସ୍ମୃତି ମନ୍ଧାନା (ଉପ-ଅଧିନାୟିକା), ଶେଫାଳୀ ବର୍ମା, ଜେମିମାହ ରଡ୍ରିଗ୍ସ, ଅମନଜୋତ କୌର, ରିଚା ଘୋଷ (ଓ୍ବିକେଟକିପର), ଉମା ଛେତ୍ରୀ (ଉଇକେଟକିପର), ପ୍ରତୀକା ରାୱଲ, ହରଲିନ୍ ଦେଓଲ, ଦୀପ୍ତି ଶର୍ମା, ରେଣୁକା ଠାକୁର, ସ୍ନେହ ରାଣା, କ୍ରାନ୍ତି ଗୌଡ଼, ବୈଷ୍ଣବୀ ଶର୍ମା, ସାୟାଲି ସତଘରେ