ରାଜଧାନୀରେ ହିଟ ଆଣ୍ଡ ରନ । ଭୁବନେଶ୍ୱର କୋର୍ଟ ସାମ୍ନା ମର୍ମନ୍ତୁଦ ସଡ଼କ ଦୁର୍ଘଟଣା । ମହିଳାଙ୍କ ମୁଣ୍ଡ ଉପରେ ମାଡିଗଲା ଇନୋଭା କାର । ଗୁରୁତର ଅବସ୍ଥାରେ ମହିଳାଙ୍କୁ ମେଡିକାଲରେ ଭର୍ତ୍ତି । ପ୍ରଥମିକ ସୂଚନାନୁଯାୟୀ ଦୁର୍ଘଟଣା ଘଟାଇ ଇନୋଭା କାର ଫେରାର ହୋଇଯାଇଥିବା ସୂଚନା ମିଳିଛି । ମହିଳା ତାଙ୍କ ସ୍ୱାମୀ ଓ ଛୋଟ ପିଲା ଯାଉଥିବା ସମୟରେ ପଛ ପଟୁ ଦ୍ରୁତ ଗତି ରେ ଆସି ବାଇକକୁ ଧକ୍କା ଦେଇଥିଲା ଇନୋଭା କାର । ମହିଳା ଜଣଙ୍କ ତଳେ ପଡିଯିବା ପରେ ତାଙ୍କ ମୁଣ୍ଡ ଉପରେ ଇନୋଭା ଚଢାଇ ଫେରାର ହୋଇଯାଇଛି ଇନୋଭା କାର ।

ସକାଳୁ ସକାଳୁ କେନ୍ଦୁଝର ଜିଲ୍ଲା ୨୦ ନମ୍ବର ଜାତୀୟ ରାଜପଥର ଘଟଗାଁ କଲେଜ ନିକଟରେ ଘଟିଛି ଦୁର୍ଘଟଣା । ଅଜଣା ଗାଡି ଧକ୍କାରେ ଜଣେ ବୃଦ୍ଧାଙ୍କ ମୃତ୍ୟୁ ଘଟିଛି । ମୃତକ ହେଲେ ଘଟଗାଁ ଥାନା ଅନ୍ତର୍ଗତ ଗୋଳାବନ୍ଧ ଗ୍ରାମର ସୁଲୋଚନା ବେହେରା ବୋଲି ଜଣାପଡିଛି । ସୁଲୋଚନା ଚାଲି ଚାଲି ଯାଉଥିବା ବେଳେ ତାଙ୍କୁ ଏକ ଅଜଣା ଗାଡି ଧକ୍କା ଦେଇ ଫେରାର ହୋଇଯାଇଥିଲା । ଫଳରେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ଘଟିଛି । ଖବର ପାଇ ପୋଲିସ ଘଟଣା ର ତଦନ୍ତ ଚଳାଇଛି ।

ସେପଟେ ପୁଣି ନେପାଳରୁ କାଠମାଣ୍ଡୁ ଯାଉଥିବା ବସର ଘଟିଛି ଭୟଙ୍କର ଦୁର୍ଘଟଣା । ନଦୀକୁ ଖସିଲା ଯାତ୍ରୀବାହି ବସ୍ । ୧୭ ଜଣଙ୍କ ମୃତ୍ୟୁ ହେବା ସହ ଏକାଧିକ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ୬ ମହିଳା ଥିବା ସୂଚନା ରହିଛି । ଘଟଣା ପରେ ସେଠାରେ ରେସକ୍ୟୁ ଅପରେସନ ଜୋରଦାର କରାଯାଇଛି ।

ରିପୋର୍ଟ ଅନୁଯାୟୀ, ଯାତ୍ରିବାହୀ ବସଟି ଧାଡିଙ୍ଗରୁ ରାଜଧାନୀ କାଠମାଣ୍ଡୁକୁ ଯାତ୍ରୀମାନଙ୍କୁ ନେଇ ଯାଉଥିଲା । ତେବେ ହଠାତ୍ ନିୟନ୍ତ୍ରଣ ହରାଇ ରାସ୍ତା କଡ଼ରେ ଥିବା ନଦୀକୁ ଖସିପଡିଥିଲା । ଦୁର୍ଘଟଣା ପରେ ସ୍ଥାନୀୟ ପ୍ରଶାସନ, ପୋଲିସ ଏବଂ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଯେହେତୁ ବିଳମ୍ୱିତ ରାତି ଥିଲା ସେନେଇ ଉଦ୍ଧାର କାର୍ଯ୍ୟେ ବିଳମ୍ୱ ହୋଇଥିଲା । ଏବେ ବି ସେଠାରେ ରେସ୍କ୍ୟୁ ଜାରି ରହିଛି । ଆହତମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି । ଅନେକଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି ।

ପ୍ରଶାସନ କହିଛି ଯେ ଦୁର୍ଘଟଣାର କାରଣ ଜାଣିବା ପାଇଁ ତଦନ୍ତ ଆରମ୍ଭ କରାଯାଇଛି। ପ୍ରାଥମିକ ତଦନ୍ତରୁ ଜଣାପଡିଛି ଯେ ଖରାପ ପାଗ କିମ୍ବା କୌଣସି ଯାନ୍ତ୍ରିକ ତ୍ରୁଟି ଦୁର୍ଘଟଣାର କାରଣ ହୋଇପାରେ । ସେପଟେ ଘଟଣାକୁ ନେଇ ସରକାର ମୃତକଙ୍କ ପ୍ରତି ଗଭୀର ସମବେଦନା ପ୍ରକାଶ କରିଛନ୍ତି । ଆହତମାନଙ୍କୁ ଉପଯୁକ୍ତ ଚିକିତ୍ସା ପାଇଁ ଆଶ୍ୱାସନା ଦେଇଛନ୍ତି।

ଏଥିସହ ପଢ଼ନ୍ତୁ:  ଦ୍ରୁତ ଗତିରେ ଆସି ମାଡ଼ିଗଲା କାର୍; ଡେଲିଭରି ବୟ ମୃତ