ଅଶୁଭ ଶନିବାର... ସକାଳୁ ସକାଳୁ ଘଟିଚାଲିଛି ଗୋଟିଏ ପରେ ଗୋଟିଏ ଦୁର୍ଘଟଣା । ପ୍ରଥମେ ପଳାଶୁଣୀ ତା' ପରେ ଚନ୍ଦ୍ରଶେଖର ପୁର ଆଉ ବର୍ତ୍ତମାନ କଟକ । ଚାଲିଯାଉଛି ନିରୀହଙ୍କ ଜୀବନ ମୁଣ୍ଡ ପଟି କାନ୍ଦୁଛନ୍ତି ପରିବାର ଲୋକେ ।

ସୂଚନାଥାଉ କି ଘରୋଇ ବସ୍ ଧକ୍କାରେ ଚାଲିଗଲା ଏକ ଯୁବତୀଙ୍କ ଜୀବନ । କଟକ ଯୋବ୍ରା ଆଇ ଲଭ୍ କଟକ ଅଞ୍ଚଳରେ ଘଟିଛି ଏହି ଦୁର୍ଘଟଣା । ଯୁବତୀ ଜଣଙ୍କ ତାଙ୍କ ଇଭି ଗାଡ଼ିରେ ଯାଉଥିବା ବେଳେ ସଙ୍କଟ ମୋଚନ ନାମକ ବସ୍ ଟି ଧକ୍କା ଦେଇଥିଲା ।

ଫଳରେ ବସ୍ ଧକ୍କା ଦେବା ପରେ ଯୁବତୀ ଜଣଙ୍କ କିଛି ବାଟ ଛିଟକି ପଡ଼ିଥିଲେ । ଯାହା ଦ୍ଵାରା ଜୋରେ ଆଘାତ ହୋଇଥିଲା ଆଉ ସେହି ସ୍ଥାନରେ ତାଙ୍କର ମୃତ୍ୟୁ ହୋଇଥିଲା । ଯୁବତୀ ଜଣଙ୍କ ନିକଟରୁ ମିଳିଥିବା ପରିଚୟ ପତ୍ରରୁ ଜଣାପଡ଼ିଛି ଯେ ଯୁବତୀଙ୍କ ନାମ ସ୍ୱାଗତିକା ମହାନ୍ତି ବୋଲି । ପୋଲିସ ଦୁଇଟି ଗାଡ଼ି ଜବତ୍ କରିବା ସହ ମୃତଦେହକୁ ବ୍ୟବଚ୍ଛେଦ ପାଇଁ ବଡ଼ ମେଡିକାଲ ପଠାଇଛି ।

ସେପଟେ ପଳାଶୁଣୀ ଓଭରବ୍ରିଜରେ ଘଟିଛି ଭୟଙ୍କର ଦୁର୍ଘଟଣା । ଅଳ୍ପକେ ବର୍ତ୍ତିଛନ୍ତି କାରରେ ଥିବା ଦୁଇ ଜଣ । ସାମାନ୍ୟ ଦୁର୍ଘଟଣା ପରେ ଟ୍ରକ୍ ଡ୍ରାଇଭର ଗାଡ଼ି ଅଟକାଇନଥିଲା। ଲୋକେ ପାଟି କରିବାରୁ କାରକୁ ଘୋଷାଡ଼ି ନେଇଥିଲା । ତେବେ ବ୍ରିଜ୍ ଉପରେ ରହି ଯାଇଥିଲା କାର୍ , ଖସି ପଳାଇ ଥିଲା ଟ୍ରକ୍ । ଘଟଣାସ୍ଥଳରେ ମଞ୍ଚେଶ୍ଵର ଥାନା ପୋଲିସ ପହଞ୍ଚିଥିଲା। ଏହାପରେ ଟ୍ରକକୁ ଗୋଡ଼ାଇ ଧରିଥିଲା ମଞ୍ଚେଶ୍ଵର ଥାନା ପୋଲିସ। ଟ୍ରକ୍ ଡ୍ରାଇଭରକୁ ଅଟକ ରଖି ପଚରାଉଚରା ଚାଲିଛି।

ଏଥିସହ ପଢ଼ନ୍ତୁ : ରାଜଧାନୀ ରାଜରାସ୍ତାରେ ଛାତିଥରା ଦୁର୍ଘଟଣା, ୫ଶହ ମିଟର ଯାଏଁ କାରକୁ ଘୋଷାଡ଼ି ନେଲା ଟ୍ରକ

ସୂଚନା ଅନୁଯାୟୀ, ରାତି ପ୍ରାୟ ୧୧ଟା ବେଳେ ରସୁଲଗଡ଼ ପଟୁ ଏକ ହାଇୱା କଟକ ଆଡକୁ ଯାଉଥିଲା । କୁଆଖାଇ ସେତୁ ଆରମ୍ଭ ପୂର୍ବରୁ ଏକ କାର୍ ହାଇୱାକୁ ଓଭର୍‌ଟେକ୍ କରିଥିଲା । କାର୍‌ଟି ହାଇୱା ସାମ୍ନାକୁ ଚାଲି ଆସିଥିଲା । ତେବେ ଦ୍ରୁତ ଗତିରେ ଥିବା ହାଇୱା କାରକୁ ଧକ୍କା ଦେଇଥିଲା । କାର୍‌ଟି ବୁଲିଯାଇଥିଲା । ହାଇୱା ଚାଳକ ଭୟରେ ଗାଡ଼ିର ବେଗ ବଢ଼ାଇ ଦେଇଥିଲା । ଫଳରେ କାରକୁ ବହୁ ଦୂରକୁ ଠେଲି ନେଇଥିଲା ।

ପୋଲ ପାର ହେବା ପରେ ହାଇୱା ଚାଳକ ଗାଡ଼ିର ଦିଗ ବଦଳାଇ ଦେବାରୁ କାର୍ ଖସି ଯାଇଥିଲା। ବାଟରେ ଯାଉଥିବା ଲୋକ ଏ ଦୃଶ୍ୟ ଦେଖି ପୁଲିସ୍‌କୁ ଫୋନ୍ କରିଥିଲେ । ପିସିଆର ଭ୍ୟାନ୍ ତୁରନ୍ତ ନଖରା ପୁଲିସ୍‌କୁ ଜଣାଇଥିଲା । ନଖରା ପୁଲିସ୍ ଉକ୍ତ ହାଇୱାକୁ ଧରିଥିଲା । ଚାଳକକୁ ପୁଲିସ ଅଟକ ରଖିଛି । କାର୍ ଭିତରେ ଥିବା ବାପା ଝିଅ ଭୟଭିତ ହୋଇଯାଇଥିଲେ । ସେମାନେ ଥାନାରେ ଅଭିଯୋଗ କରିଥିବା ଜଣାପଡ଼ିଛି।

ଖାଲି ସେତିକି ନୁହେଁ ଚନ୍ଦ୍ରଶେଖରପୁରରେ ବାଇକୁ ଧକ୍କା ଦେଇଛି କାର । ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି । ଘଟଣାସ୍ଥଳରୁ କାର ଚାଳକ ଫେରାର ହୋଇ ଯାଇଛି ।