ଅର୍ଗସ ବ୍ୟୁରୋ : ଚେନ୍ନାଇରେ ବଡ଼ ଧରଣର ଅଘଟଣ । ଜୀବନ୍ତ ଜଳିଗଲେ ୧୦ ଲୋକ । ଆଜି ତାମିଲନାଡୁର ବିରୁଧନଗର ଜିଲ୍ଲାର ଏକ ବାଣ ତିଆରି କାରଖାନାରେ ନିଆଁ ଲାଗି ବିସ୍ଫୋରଣ ଘଟିଛି । ମିଳିଥିବା ସୂଚନା ମୁତାବକ ଶନିବାର ତାମିଲନାଡୁର ବିରୁଧନଗର ଜିଲ୍ଲାର ଭେମ୍ବାକୋଟାଇ ନିକଟ ରାମୁଥେଭାନପଟ୍ଟିଠାରେ ୱାଇନର ନାମକ ଏକ ବାଣ ତିଆରି କାରଖାନାରେ ନିଆଁ ଲାଗିଯାଇଥିଲା । ଆଉ ନିଆଁ ଲାଗିବା ପରେ ହଠାତ୍ ବିସ୍ଫୋରଣ ହୋଇଥିଲା ।
ଅଧିକ ପଢନ୍ତୁ ଭାରତ ଖବର
ବିସ୍ଫୋରଣ ପରେ ପ୍ରାୟ ୩ଟି କୋଠା ଭୁଶୁଡ଼ି ପଡ଼ିଥିଲା । ଅଗ୍ନିଶମ ବିଭାଗର କର୍ମଚାରୀ ବିସ୍ଫୋରଣ ସ୍ଥଳରେ ପହଞ୍ଚିବାବେଳେକୁ ପ୍ରାୟ ୧୦ ଜଣଙ୍କର ମୃତ୍ୟୁ ଘଟିଥିଲା । ବର୍ତ୍ତମାନ ମୃତକଙ୍କ ପରିଚୟ ମିଳିପାରି ନାହିଁ । କୁହାଯାଉଛି ଯେ ସ୍ଥାନୀୟ ଶ୍ରମିକଙ୍କ ସହ ବହୁ ସଂଖ୍ୟକ ପ୍ରବାସୀ ଶ୍ରମିକ ମଧ୍ୟ ବାଣ କାରଖାନାରେ କାମ କରୁଥିଲେ । ପୋଲିସ କହିଛି ଯେ ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ କାରଖାନାର ରାସାୟନିକ ମିଶ୍ରଣ କକ୍ଷରେ ଏହି ଦୁର୍ଘଟଣା ଘଟିଛି । ତେବେ ଘଟଣାଟି କିପରି ହେଲା ଏନେଇ ଅନୁସନ୍ଧାନ ଜାରି ରହିଛି ।