ଅର୍ଗସ ବ୍ୟୁରୋ: ଅନୁଗୋଳ ଜିଲ୍ଲା ଜରପଡା ବନାଞ୍ଚଳ ଉଗୀ ପଞ୍ଚାୟତ ଲେମ୍ବୁତଇଲା ନିକଟରୁ ଏକ ପରିତକ୍ତ କୂଅ ରୁ ଉଦ୍ଧାର ହେଲେ ମା ଓ ଛୁଆ ହାତୀ । ୩ ଘଣ୍ଟା ପରିଶ୍ରମ ପରେ ଉଦ୍ଧାର କଲା ବନବିଭାଗ । ସୂଚନା ଯେ , ଗାଁକୁ ଖାଦ୍ୟ ଅନ୍ବେଷଣରେ ମା ଓ ଛୁଆ ହାତୀ ଆସିବା ବେଳେ ଏପରି ଘଟଣା ଘଟିଛି । ବନବିଭାଗ ଖବର ପାଇବା ପରେ ଅନୁଗୋଳ ବନଖଣ୍ଡ DOF ନୀତିଶ କୁମାର ଙ୍କ ନେତୃତ୍ୱରେ ଏକ ଟିମ୍ ଗଠନ କରି ଜରପଡା ବନାଞ୍ଚଳ ଅଧିକାରୀ ମାଧବାନନ୍ଦ ନାୟକ ଉପସ୍ଥିତ ରହି ଉଦ୍ଧାର କାର୍ଯ୍ୟ କରାଯାଇଥିଲା ।
ଫଳରେ ଏକ ଜେସିବି ମେସିନ ସାହାଯ୍ୟ ରେ ଉଦ୍ଧାର କାର୍ଯ୍ୟ କରାଯାଇଥିବା ବେଳେ ୨ରୁ ୩ଘଣ୍ଟା ପରିଶ୍ରମ ପରେ ମା ଓ ଛୁଆ ହାତୀ କୁ ଉଦ୍ଧାର କରାଯାଇଥିଲା । ଫଳରେ ସେ ନିକଟସ୍ଥ ଜଙ୍ଗଲ କୁ ଚାଲି ଯାଇଥିବା ବନବିଭାଗ ପକ୍ଷରୁ ସୂଚନା ମିଳିଛି । ମା ହାତୀ ବୟସ ୩୫ ବର୍ଷ ହୋଇଥିବା ବେଳେ ଛୁଆ ହାତୀ ୬ରୁ ୭ମାସ ହୋଇଥିବା ବନବିଭାଗ ପକ୍ଷରୁ ଜଣାପଡିଛି ।