ପୁରୀ: ନିଲାମ ହେଲା ପରିକ୍ରମା ପ୍ରକଳ୍ପ ବେଳେ ସଂଗୃହିତ ଅର୍ପଣ ଚାଉଳ । କୁଇଣ୍ଟାଲ ପିଛା ୨୭୮୦ ଟଙ୍କାରେ ହେଲା ନିଲାମ । 10 ହଜାର 322 କ୍ବିଣ୍ଟାଲ ଅର୍ପଣ ଚାଉଳ ବିକ୍ରି । 2 କୋଟି 86 ଲକ୍ଷ ଟଙ୍କାରେ ବିକ୍ରି କଲା ଶ୍ରୀମନ୍ଦିର ପ୍ରଶାସନ ।
ଚାଉଳର ମାନ ସମୟକ୍ରମେ ଖରାପ ହେଉଥିବାରୁ ଏହା ବ୍ୟବହାର ଉପଯୋଗୀ ନୁହେଁ ଓ ଭକ୍ତଙ୍କ ପାଇଁ ମଧ୍ୟ ଉଦ୍ଧିଷ୍ଟ ନୁହେଁ ବୋଲି ପୁରୀ ଜିଲ୍ଲାପାଳ ତଥା ଶ୍ରୀମନ୍ଦିର ଉପମୁଖ୍ୟ ପ୍ରଶାସକ କହିଥିଲେ । ସରକାରଙ୍କ ଅନୁମୋଦନ କ୍ରମେ ବଳକା ହଜାର ହଜାର କ୍ବିଣ୍ଟାଲ୍ ଅର୍ପଣ ଚାଉଳକୁ ଟେଣ୍ଡର ମାଧ୍ୟମରେ ବିକ୍ରି କରାଯିବାକୁ ନିଷ୍ପତ୍ତି ନିଆଯାଇଥିଲା । କିଣିବାକୁ ଆଗ୍ରହୀ ମିଲର୍ ବା ବ୍ୟକ୍ତି ସ୍ପଟ୍ ଭିଜିଟ୍ ମଧ୍ୟ କରିପାରିବେ ବୋଲି ଜିଲ୍ଲାପାଳ କହିଥିଲେ । ତେବେ ଅର୍ପଣ ଚାଉଳକୁ ବିକ୍ରି କରି ଟେଣ୍ଡରରୁ ଆଦାୟ ଅର୍ଥ ଶ୍ରୀମନ୍ଦିର ପ୍ରଶାସନକୁ ଦିଆଯିବା ନେଇ ନିଷ୍ପତ୍ତି ହୋଇଥିଲା । ଏହାପରେ ଅର୍ପଣ ଚାଉଳର ନିଲାମ ହୋଇଛି ।