ଯାଜପୁର: SHG ଗ୍ରୁପର ଟଙ୍କା ଲୁଟି ଫେରାର୍ ବିଜେଡି ସମିତି ସଭ୍ୟା । ଯାଜପୁର ଜିଲ୍ଲା ସୁକିନ୍ଦା କାଳିଆପାଣି ଥାନା ରଂଶୋଳ ପଞ୍ଚାୟତର ବିଜେଡି ସମିତି ସଭ୍ୟା ଉମାରାଣୀ ପ୍ରଧାନଙ୍କ ନାଁରେ ସାଘାଂତିକ ଅଭିଯୋଗ । ୭ ଲକ୍ଷ ୮ ହଜାର ଟଙ୍କା ଚଳୁ କରି ଫେରାର । ୨୦୨୨ରେ ବିଜେଡି ସମିତି ସଭ୍ୟା ଭାବେ ଲଢିବା ପାଇଁ ରଂଶୋଳ ପଞ୍ଚାୟତଠାରେ କୁସୁମୁଣ୍ଡିଆ ଗାଁର ୯ଟି SHG ଗ୍ରୁପରୁ ୭ ଲକ୍ଷ ୮ ହଜାର ଟଙ୍କା ନେଇ ବିଜେଡି ସମିତି ସଭ୍ୟା ଭାବେ ଲଢିଥିଲେ ।
ସେତେବେଳେ ନିର୍ବାଚନରେ ଜିତିଲେ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର, ଭତ୍ତା, ରାସନ କାଡ ଓ ଜବକାର୍ଡ ଦେବେ । ହେଲେ ଠକିଦେଲେ ସମିତି ସଭ୍ୟା ଉମାରାଣୀ । ଏନେଇ କାଳିଆପାଣି ଥାନାରେ ସମିତି ସଭ୍ୟାଙ୍କ ନାଁରେ ଏସଏଚଜି ମହିଳା ଏତଲା ଦେଇଛନ୍ତି । ପୂର୍ବତନ ମନ୍ତ୍ରୀ ପ୍ରଫୁଲ୍ଲ ଚନ୍ଦ୍ର ଘଡେଇ ଓ ପ୍ରୀତି ରଞ୍ଜନ ଘଡେଇଙ୍କର ପାଖ ଲୋକ ହେଉଛନ୍ତି ସମିତି ସଭ୍ୟା ଉମାରାଣୀ ପ୍ରଧାନ । ସେଥିପାଇଁ ପୋଲିସ୍ କୌଣସି ଆକ୍ସନ୍ ନନେଇ କେବଳ ମାମଲା ରୁଜୁ କରି ବସିଥିବା ଅଭିଯୋଗ ହୋଇଛି । ପୋଲିସ୍ ତୁରନ୍ତ ସମିତି ସଭ୍ୟାଙ୍କୁ ଗିରଫ ନକଲେ ଜିଲ୍ଲା ଆରକ୍ଷୀ ଅଧିକ୍ଷକ ଅଫିସ୍ ଘେରାଉ କରିବାକୁ ଚେତାବନୀ ଦେଇଛନ୍ତି ଏସଏଚଜି ଗ୍ରୁପ୍ ମହିଳା।