ଅର୍ଗସ ବ୍ୟୁରୋ: ବଢିବାରେ ଲାଗିଛି ଉତ୍ତାପ । ନଦୀ ଜଳସ୍ରୋତ ସବୁ ଶୁଖିବାରେ ଲାଗିଛି । ଏହି ଭୟାନକ ଗରମରେ ଶୁଖିଛି ଫିଲିପାଇନ୍ସର ଏକ ବଡ ବନ୍ଧ । ବନ୍ଧ ଶୁଖିବା ପରେ ଶତାବ୍ଦୀର ପୁରୁଣା ଜଳମଗ୍ନ ସହର ସାମ୍ନାକୁ ଆସିଛି । ଫିଲିପାଇନ୍ସର ନୁଭା ଇକିଜା ପ୍ରଦେଶରେ ପନ୍ତାବଙ୍ଗନ ନାମକ ଏକ ସ୍ଥାନ ଏକ ବଡ଼ ବନ୍ଧ ଅଛି | ଅତ୍ୟଧିକ ଉତ୍ତାପ ଯୋଗୁଁ ଡ୍ୟାମରେ ଥିବା ଜଳ ଶୁଖିଛି । ପାଣି ସବୁ ଶୁଖିବା ପରେ ଏଠାରେ ପୁରୁଣା ସହର ଦେଖିବାକୁ ମିଳିଛି । ୧୯୭୦ ମସିହାରେ ଏଠାରେ ବାସ କରୁଥିବା ଲୋକମାନଙ୍କୁ ବନ୍ଦ ହେବା ପାଇଁ ଅନ୍ୟ ସ୍ଥାନକୁ ବିସ୍ଥାପିତ କରାଯାଇଥିଲା
ବନ୍ଦ ହେବା ପରେ ଏହି ଅଞ୍ଚଳରେ ଅଧିକାଂଶ ଲୋକ କୃଷି ଉପରେ ନିର୍ଭର କରନ୍ତି । ଚାଉଳ ଚାଷ କରିବା ଏମାନଙ୍କର ରୋଜଗାର । କିନ୍ତୁ ଅତ୍ୟଧିକ ଉତ୍ତାପ ହେତୁ ଫସଲ ନଷ୍ଟ ହୋଇଗଲା | ଶହ ଶହ କୃଷକଙ୍କୁ କ୍ଷତି ସହିବାକୁ ପଡିଛି । କିନ୍ତୁ ଶତାଦ୍ଦୀ ଶତାଦ୍ଦୀ ଧରି ପାଣିରେ ବୁଡି ରହିଥିବା ଏହି ସହରର ଠାବ ମିଳିଛି । ସେଠାରେ ଥିବା ଭଙ୍ଗା ଚର୍ଚ୍ଚ ଦେଖିବାକୁ ମିଳିଛି । ଯାହାକୁ ଦେଖିବାକୁ ଲୋକଙ୍କର ଭିଡ ଜମୁଛି । ଏହି ନଦୀରେ ମାଛ ଧରି ବିକ୍ରି କରି ଜୀବନ ନିର୍ବାହ କରୁଥିବା ମାଛଧରାଳିଙ୍କ ଜୀବିକା ଏବେ ବିପଦରେ । ଏସିଆର ବିଭିନ୍ନ ଦେଶରେ ଏବେ ଭୟାନକ ଗରମ ଅନୁଭୂତ ହେଉଛି । ସ୍କୁଲ କଲେଜ ସବୁ ବନ୍ଦ କରାଯାଇଛି । ଫିଲିପାଇନ୍ସ ସରକାର ମଧ୍ୟ ଖରା ଦାଉରୁ ମୁକ୍ତି ପାଇବା ପାଇଁ ଲୋକଙ୍କୁ ଘରେ ରହିବା ସହ ଛୋଟ ପିଲା ମାନଙ୍କୁ ବାହାର ନଯିବାକୁ ପରାମର୍ଶ ଦେଇଛନ୍ତି ।