ଅର୍ଗସ ବ୍ୟୁରୋ: ବରିଷ୍ଠ ନେତା ସାମ ପିଟ୍ରୋଡାଙ୍କ ବୟାନକୁ ନେଇ ଅଡୁଆରେ କଂଗ୍ରେସ। ଏପରିକି ଏହା ତାଙ୍କର ବ୍ୟକ୍ତିଗତ ମତ ବୋଲି ଦଳପକ୍ଷରୁ ସଫେଇ ଦିଆଯାଇଛି । ବରିଷ୍ଠ କଂଗ୍ରେସ ନେତା ସାମ ପିଟ୍ରୋଡା କହିଥିଲେ, ଆମେରିକାରେ ଉତ୍ତରାଧିକାର କର ରହିଛି । ତଦନୁଯାୟୀ ଜଣେ ବ୍ୟକ୍ତିଙ୍କ ମୃତ୍ୟୁ ପରେ ତାଙ୍କ ସମ୍ପତ୍ତିର ୪୫ ପ୍ରତିଶତ ତାଙ୍କ ପରିବାର ବର୍ଗଙ୍କ ନିକଟକୁ ଯିବ । ବଳକା ୫୫ ପ୍ରତିଶତ ସରକାରଙ୍କ ଅଧୀନକୁ ଚାଲିଯାଏ । ଏହାକୁ ନେଇ ଭାରତର ବିତର୍କର ଆବଶ୍ୟକତା ରହିଛି ବୋଲି ସେ କହିଥିଲେ ।
ନିକଟରେ କଂଗ୍ରେସ ଇସ୍ତାହାରରେ ସାରା ଦେଶରେ ଜାତି ଭିତ୍ତିକ ଜନଗଣନା କରାଯିବ ବୋଲି ଘୋଷଣା କରାଯାଇଥିଲା । ସେପଟେ ସାମ ପିଟ୍ରୋଡାଙ୍କ ବୟାନକୁ ନେଇ କଂଗ୍ରେସକୁ ଟାର୍ଗେଟ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ଏହା କଂଗ୍ରେସର ମୁଖା ଖୋଲିଦେଇଛି ବୋଲି ସେ କହିଛନ୍ତି ।
ଅଧିକ ପଢ଼ନ୍ତୁ ଦେଶ ଖବର: