ଭୁବନେଶ୍ୱର: ଡିସେମ୍ବର ଆଣୁଛି ବାତ୍ୟା । ଭୟଭୀତ ହେଲେଣି ଓଡ଼ିଶାବାସୀ । ବାତ୍ୟା ନାଁ ଶୁଣିଲେ ଛାତିରେ ପଶୁଛି ଛନକା । ଉପକୂଳବାସୀଙ୍କ ଉଡୁଛି ହୋସ । ଗତକାଲି ବାତ୍ୟା ନେଇ ଆଲର୍ଟ ଜାରି କରିଥିଲା ପାଣିପାଗ ବିଭାଗ । ଆଉ ବାତ୍ୟା ଆସୁଥିବାରୁ ୫ ଜିଲ୍ଲାର ଫିଲ୍ଢ ଅଫିସରଙ୍କର ଛୁଟି ବାତିଲ କଲେ ରାଜ୍ୟ ସରକାର । ତେବେ ଶୀତ ଦିନରେ ବାତ୍ୟା ଆସୁଥିବାରୁ ଏହାକୁ ନେଇ ଏବେ ଚାଲିଛି ଚର୍ଚ୍ଚା । ସମୟ ଗଡୁଛି, ଛନକା ବଢୁଛି । ବଙ୍ଗୋପସାଗରରେ ସୃଷ୍ଟ ବାତ୍ୟା ପ୍ରଭାବରେ ୭ ତାରିଖ ପର୍ଯ୍ୟନ୍ତ ଓଡ଼ିଶାରେ ହୋଇପାରେ ପ୍ରବଳରୁ ଅତିପ୍ରବଳ ବର୍ଷା ହେବାର ସମ୍ଭାବନା ରହିଛି । ବିଶେଷକରି ୫ ରୁ ପ୍ରବଳ ବର୍ଷା ହେବାର ସମ୍ଭାବନା ରହିଛି । ପାଣିପାଗ ବିଭାଗର ପୂର୍ବନୁମାନ ଅନୁସାରେ, ଦକ୍ଷିଣ ଓଡିଶାରେ ପଡିବ ବାତ୍ୟାର ବିଶେଷ ପ୍ରଭାବ । ଗଞ୍ଜାମ, ଗଜପତି, ରାୟଗଡା, କୋରାପୁଟ, ମାଲକାନଗିରି ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷାର ସମ୍ଭାବନା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ ।
ମିଳିଥିବା ସୂଚନା ଅନୁସାରେ, ଗଭୀର ସମୁଦ୍ର ଭିତରେ ଅବପାତ ଘଂଟାପ୍ରତି ୧୮ କି.ମି ବେଗରେ ପଶ୍ଚିମ-ଉତ୍ତରପଶ୍ଚିମ ଦିଗରେ ଗତି କରୁଛି । ଅବପାତ ଆଗାମୀ ୨୪ଘଣ୍ଟା ମଧ୍ୟରେ ଆହୁରି ଘନୀଭୂତ ହୋଇ ବାତ୍ୟାରେ ପରିଣତ ହେବାର ସମ୍ଭାବନା ରହିଛି । ବାତ୍ୟା ରୂପ ନେବା ପରେ ସୋମବାର ଦକ୍ଷିଣ ଆନ୍ଧ୍ର ଓ ଉତ୍ତର ତାମିଲନାଡୁ ଉପକୂଳ ନିକଟରେ କେନ୍ଦ୍ରୀଭୂତ ହେବ ।
ତେବେ ବାତ୍ୟାକୁ ନେଇ ବିଶେଷ କରି ଉପକୂଳ ଲୋକ ଛାନିଆ ହେଲେଣି । ବାତ୍ୟାକୁ ନେଇ ପାଣିପାଗ ବିଭାଗ ଦେଇଥିବା ଅପଡେଟ୍ ରିପୋର୍ଟ ଅନୁସାରେ, ୪ ତାରିଖ ସନ୍ଧ୍ୟାଠୁ ଓଡିଶା ଉପକୂଳ ଓ ଏହାର ଆଖପାଖ ଅଞ୍ଚଳରେ ପବନର ବେଗ ୩୫ କି.ମି ପର୍ଯ୍ୟନ୍ତ ରହିବ । ବେଳେ ପବନର ବେଗ ୬୦ କି.ମି ହୋଇପାରେ । ତେବେ ଏବେ ଗଭୀର ଅବପାତ ପୁଡୁଚେରୀଠାରୁ ୪୪୦, ଚେନ୍ନାଇଠାରୁ ୪୫୦ କିମି ଦୂରରେ କେନ୍ଦ୍ରୀଭୂତ ରହିଛି । ଗୁରୁତ୍ଵପୂର୍ଣ୍ଣ କଥା ହେଲା ବାତ୍ୟା ସ୍ଥଳଭାଗ ଛୁଇଁବା ବେଳେ ସର୍ବାଧିକ୧୦୦ କି.ମି ବେଗରେ ପବନ ବୋହିନା ନେଇ ଆକଳନ ହୋଇଛି ।
ଅଧିକ ଦେଖନ୍ତୁ :