ଅର୍ଗସ ବ୍ୟୁରୋ : ଆଗାମୀ ନିର୍ବାଚନ କିଛି ଦିନ ବାକି ଥିବା ବେଳେ ଆରମ୍ଭ ହେଲାଣି ନିର୍ବାଚନୀ ହିଂସା । ଜଟଣୀ ବିଧାୟକ ସୁରେଶ ରାଉତରାୟଙ୍କ ପୁଅ ତଥା କଂଗ୍ରେସ ନେତା ସିଦ୍ଧାର୍ଥ ରାଉତରାୟଙ୍କ ଅଫିସରେ ପଶି ଭଙ୍ଗାରୁଜା କରିଛନ୍ତି ଦୁର୍ବୃତ୍ତ। ଏହାସହ ଅଫିସକୁ ଠେଲାପଥରମାଡ଼ କରିଛନ୍ତି । ପ୍ରତିଦିନ ସେ ଏହି ଅଫିସକୁ ଆସି ଲୋକଙ୍କ ସହ କଥା ହୁଅନ୍ତି ।
ଗତକାଲି ରାତିରେ କିଛି ଦୁର୍ବୃତ୍ତ ଏହି ଅଫିସ ଭିତରେ ପଶି ଭଙ୍ଗାରୁଜା କରିବା ସହ ସିଦ୍ଧାର୍ଥଙ୍କ ନାଁରେ ଲାଗିଥିବା ବ୍ୟାନରକୁ ଚିରି ଦେଇଥିଲେ । ଏହାସହ ଗେଟ୍ ସମ୍ମୁଖରେ ମଦ ବୋତଲ ଭାଙ୍ଗି ପଳାଇଥିଲେ । କାର୍ଯ୍ୟାଳୟରେ ଭଙ୍ଗା ରୁଜା କରିବା ଘଟଣାକୁ ନେଇ ଥାନାର ଦ୍ବାରସ୍ଥ ହୋଇଛନ୍ତି ସିଦ୍ଧାର୍ଥ ରାଉତରାୟ । ସେ କହିଛନ୍ତି, କିଏ ଅଫିସରେ ପଶି ଭଙ୍ଗାରୁଜା କରିଛନ୍ତି ଆମେ ଜାଣିନାହୁଁ । ବିଜେଡି ଏପରି କରିଥାଇପାରେ, ଆଉ କିଏ ଏପରି କାମ କରିବ ? ସେମାନେ ବହୁବର୍ଷ ଶାସନ କଲେଣି, ଏଥିପାଇଁ କାହାକୁ ତାଙ୍କର ଭୟ ନାହିଁ ।
ମୁଁ ନିର୍ବାଚନ ନ ଲଢ଼େ ଏଥିପାଇଁ ଏପରି କରାଯାଇଥାଇ ପାରେ ବୋଲି କହିଛନ୍ତି । ଥାନା ସମ୍ମୁଖରେ ମୋ ଅଫିସ ରହିଛି । ହେଲେ ଦୁର୍ବୃତ୍ତମାନେ ଅଫିସରେ ପଶି ଭଙ୍ଗାରୁଜା କରିବା ସହ ପୋଷ୍ଟରରେ ନିଆଁ ଲଗାଇ ଦେଇଛନ୍ତି । ଏହା ସହିତ ରାସ୍ତା ବା ରୋଡ଼ ସାଇଡ଼ରେ ଲାଗିଥିଇବା ପୋଷ୍ଟ ବା ବ୍ୟାନରକୁ ମଧ୍ୟ ଚିରି ଦେଇଛନ୍ତି ଦୁର୍ବୃତ୍ତ ।