ପୁଷ୍ପା ଷ୍ଟାଇଲରେ ଗଞ୍ଜେଇ ଚାଲାଣ
ପୁରା ଦେହରେ ଜରି ଟ୍ୟାପ୍‌
ତା'ଭିତରେ ଭର୍ତ୍ତି ହୋଇଥିଲା ଗଞ୍ଜେଇ
 

ଅର୍ଗସ ବ୍ୟୁରୋ : ଗୋଟିଏ କଥା ଜାଣିଲେ ଆପଣଙ୍କ ମୁଣ୍ଡ ଝାଏଁ ଝାଏଁ ମାରିବ, ବୁଦ୍ଧି ଗୁଡୁମ ହେବ । କାରଣ ଦେହରେ ସେଲୋ ଟେପ ଲଗାଇ ଚାଲଣ ହେଉଛି ଗଞ୍ଜେଇ । ହଁ, ଅଭିନବ ଉପାୟରେ ଗଞ୍ଜେଇ ଚୋରି । ସେଇଥି ଲାଗି ତ ବାବୁ ଏମିତି ବୁଦ୍ଧି ଆପଣାଇଛନ୍ତି । ଯାହାକୁ ନେଇ ଏବେ ଜୋର ଧରିଲାଣି ଚର୍ଚ୍ଚା ।

ପୁଷ୍ପା ଫିଲ୍ମର ଚନ୍ଦନ କାଠ ଚୋରି ଠାରୁ ବଳିଗଲା ଏ ଚୋରି । ପୁରା ଫିଲ୍ମ ଷ୍ଟାଇଲରେ ଚୋରି । ଗଞ୍ଜେଇ ଚାଲାଣ କରିବାର ଏ ହେଉଛି ନୂଆ ତରିକା । ଯାହାକୁ ମଧ୍ୟ ଫିଲ୍ମ ଷ୍ଟାଇଲ ମାଡ଼ି ବସିଛି ପୋଲିସ । ଏମିତି ଘଟଣା ରଚିଛନ୍ତି ଛତିଶଗଡ ବସ୍ତର ବାସିନ୍ଦା ମଣିକାନ୍ତ । ଯାହାଙ୍କୁ ଗିରିଫ କରିଛି ପୋଲିସ । ସାର୍ଟ ତଳେ ରହିଛି ଗଞ୍ଜେଇ । ନିଜ ଦେହରେ ୭ କେଜି ଗଞ୍ଜେଇ ଭର୍ତ୍ତି କରି ସେଲୋ ଟେପ୍ ଦ୍ୱାରା ଗୁଡେ଼ଇ ହୋଇଛି । ଏବଂ ସେଲୋ ତଳେ ରହିଛି ଗଞ୍ଜେଇ । ତା ସହ ଗୋଟାଏ ବ୍ୟାଗରୁ ମଧ୍ୟ ୧୫ କେଜି ଗଞ୍ଜେଇକୁ ଜବତ କରିଛି ପୋଲିସ ।

କୌଣସି ବିଶେଷ ସୂତ୍ରରୁ ଖବର ପାଇ ନନ୍ଦପୁର ଏସଡିପିଓ ଙ୍କ ନେତୃତ୍ୱରେ ପାଡୁଆ ପୋଲିସ ବସକୁ ଅପେକ୍ଷା କରିବା ସମୟରେ ମାଡ଼ି ବସିଥିଲା ପୋଲିସ। ଜବତ ଗଞ୍ଜେଇର ୧ ଲକ୍ଷ ଟଙ୍କାରୁ ଅଧିକ ହେବ । ଉକ୍ତ ଯୁବକକୁ ଗିରଫ କରି ଅଧିକ ତଦନ୍ତ ଜାରି ରଖିଛି ପୋଲିସ୍ ।