ଅର୍ଗସ ବ୍ୟୁରୋ : ସ୍କୁଲକୁ ବିୟୁଟି ପାର୍ଲର ବନେଇ ଦେଲେ ପ୍ରଧାନ ଶିକ୍ଷୟତ୍ରୀ । ପାଠ ପଢାଇବା ବଦଳରେ ଚାଲିଛି ଫେସିଆଲ । ଏପରି ଦୃଶ୍ୟ ଦେଖିବାକୁ ମିଳିଛି ଉତ୍ତରପ୍ରଦେଶର ଉନ୍ନାଓ ଜିଲ୍ଲାର ଏକ ପ୍ରାଥମିକ ବିଦ୍ୟାଳୟରେ । ବିଦ୍ୟାଳୟରେ ପ୍ରଧାନ ଶିକ୍ଷୟତ୍ରୀ ଫେସିଆଲ କରୁଥିବାର ଏକ ଭିଡିଓ ଭାଇରାଲ ହେବାରେ ଲାଗିଛି । 

ପ୍ରଧାନ ଶିକ୍ଷୟତ୍ରୀ ସଂଗୀତା ସିଂ ସ୍କୁଲର ରୋଷେଇ ଘରେ ଫେସିଆଲ ହେଉଥିବାର ଦେଖିବାକୁ ମିଳିଥିଲା । ଏହି ସମୟରେ ସହକାରୀ ଶିକ୍ଷୟତ୍ରୀ ତାଙ୍କର ଭିଡିଓ ବନାଇଥିଲେ । ଏହି ସମୟରେ ପ୍ରଧାନ ଶିକ୍ଷୟତ୍ରୀ ଜଣକ ରାଗିଯାଇ ତାଙ୍କ ସହ ମାରପିଟ କରିଥିଲେ । ଏବଂ ତାଙ୍କ ହାତକୁ ମଧ୍ୟ କାମୁଡି ଦେଇଥିଲେ । ତାଙ୍କ ପାଟି ଶୁଣିବା ପରେ ଅନ୍ୟ ସହକାରୀ ଶିକ୍ଷକମାନେ ଆସି ତାଙ୍କୁ ଅଟକାଇ ଥିଲେ । ତେବେ ପୋଲିସ ଏନେଇ ତଦନ୍ତ ଜାରି ରଖିଛି । 

ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଅନେକ ଲୋକ ଏହାକୁ ନେଇ କମେଣ୍ଟ ଦେଇଛନ୍ତି । ଦଣେ ଲେଖିଛନ୍ତି, ସରକାରୀ ବିଦ୍ୟାଳୟରେ ଶିକ୍ଷକ ଶିକ୍ଷୟତ୍ରୀମାନେ ପାଠ ପଢାଉନାହାନ୍ତି । ଅନ୍ୟଜଣେ ଲେଖିଛନ୍ତି, ସେହି ଶିକ୍ଷୟତ୍ରୀଙ୍କୁ ଭୟଙ୍କର ଦଣ୍ଡ ମିଳିବା ଦରକାର ।