ଅର୍ଗସ ବ୍ୟୁରୋ: କୁଏତରେ ହୋଇଥିବା ଭୟାବହ ଅଗ୍ନିକାଣ୍ଡରେ ମୃତକଙ୍କ ମଧ୍ୟରେ ଦୁଇଜଣ ଓଡିଆ ଅଛନ୍ତି । ସେମାନେ ହେଲେ ଆଠଗଡର ମହମ୍ମଦ ଜହୁର ଓ ଗଂଜାମର ସନ୍ତୋଷ ଗୌଡ଼ । ମହମ୍ମଦ ଜହୁରଙ୍କ ଘର ଆଠଗଡ଼ ତିଗିରିଆ ଥାନା କରଡ଼ାପଲ୍ଲୀ ଗାଁର । ସେ ଦକ୍ଷିଣ କୁଏତର ମଙ୍ଗଫ ସହର ଏକ ଟ୍ରେଡିଙ୍ଗ କମ୍ପାନୀରେ ସିବିଲ ଲାବୋରା୍ଟରୀ ଟେକନିସିୟାନ ଭାବେ କାର୍ଯ୍ୟରତ ଥିଲେ । ସେଠାରେ ଥିବା ସମ୍ପର୍କୀୟଙ୍କ ଦ୍ଵାରା ଶବ ଚି଼ହ୍ନଟ ପରେ ଭାରତ ଅଣାଯାଉଛି । ଆଉ କିଛି ସମୟ ପରେ ଉଭୟଙ୍କ ମୃତଦେହ ଭାରତରେ ପହଞ୍ଚିବ ।
ରୋଜଗାରିଆ ପୁଅକୁ ହରାଇ ସେମାନଙ୍କ ପରିବାର ଦୁଃଖରେ ଭାଙ୍ଗି ପଡିଛନ୍ତି । ପୁରା ଗାଁରେ ଶୋକାକୁଳ ପରିବେଶ । ଭୟାବହ ଅଗ୍ନିକାଣ୍ଡର ୪୯ଜଣଙ୍କ ମୃତ୍ୟୁ ହୋଇଛି । ସେମାନଙ ମଧ୍ୟରେ ୪୫ଜଣ ଭାରତୀୟ ଥିଲେ । ଆଜି ସେମାନଙ୍କର ମୃତଦେହ ଅଣାଯାଉଛି । ଗତ ବୁଧବାର ଦିନ କୁଏତର ଏକ ଆପାର୍ଟମେଣ୍ଟରେ ନିଆଁ ଲାଗି ଯାଇଥିଲା । ଅଗ୍ନିକାଣ୍ହରେ ୩୩ଜଣ ଭାରତୀୟ ଗୁରୁତର ଆହତ ହୋଇ ବିଭିନ୍ନ ମେଡିକାଲରେ ଚିକିତ୍ସିତ ହେଉଛନ୍ତି । ବୈଦେଶିକ ରାଷ୍ଟ୍ରମନ୍ତ୍ରୀ କିର୍ତ୍ତୀ ବର୍ଦ୍ଧନ ସିଂ କୁଏତ ଯାଇ ମୃତାହତଙ୍କ ପରିବାରକୁ ଭେଟିବା ସହ ମୃତଶରୀରକୁ ଭାରତ ଆଣିବାକୁ ବ୍ୟବସ୍ଥା କରୁଛନ୍ତି ।
ଅଧିକ ପଢ଼ନ୍ତୁ ବିଦେଶ ଖବର: